एफिसी 2:1 - परमेश्‍वरए ताँ तमु क्युइर

¹ ओंसों क्हेमैं परमेश्‍वरजी बिब् आङिंसि ह्रोंसइ लबै आछ्याँबै केमैंइ लमा सियाब् धोंन् तल।

एफिसी 2:1 Iomraidhean Croise

उत्पत्ति 8:21

याहवेहजी ख्रोए लिंबै थाँ किंबै लिउँइँ ह्रोंसए सैंर बिइ, “म्हिए सैंर्बै ताँमैं कोलो ओंनोंन् आछ्याँब तलेया म्हिइ लबै केउँइँले तारे ङइ खोंयोंइ पृथ्बीलाइ सराप पिंरिब् आरे। तोगो ङइ नास लब् धोंले सो प्ह्‍याबै ताँन् सैमैं धबै ङ नास लरिब् आरे।”

मत्ती 8:22

छबिमा येशूजी चने बिइ, “क्हि ङए लिलि खो। सिनुमैंलाइ सिनुमैंन पारिगे।”

लूका 15:24

तलेबिस्याँ चु ङए च्‍ह सियाल, दिलेया सोसि खइ; म्‍हयाल, दिलेया योंइ।’ छतसि चमैं सैं तोंदै भत्‍यार लसि चब् थुँब लबर होंइ।

लूका 15:32

तिंयाँ ङ्योइ भत्‍यार लसि बेल्‍ले सैं तोंल् त्‍हुम्। तलेबिस्याँ क्‍हिए अलि सियाल, सोसि खइ, म्‍हयालेया योंइ।’”

यूहन्‍ना 10:10

ह्‍योम् ह्‍योब, सैब नेरो नास लबर मत्‍त्रे खम्। ङम् म्हिमैंइ खोंयोंइ आखाँबै छ्ह छ्याजा ल्हुल्हुले योंरिगे बिसि युइ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 5:21

तलेबिस्याँ खैले आबाजी सियाब्‍मैं सोगों लमिंसि छारा छ्ह पिंमुँ, छलेन च्हज्यै या खाबलाइ छ्ह पिंदा ङ्हाँमुँ, चमैंलाइ छ्ह पिंब्मुँ।

यूहन्‍ना 5:25

क्ह्रोंसेंन ङ क्हेमैंने बिमुँ, च त्हे खसिन् मुँ, च त्हे तोगोन् ग। सियाब्‍मैंइ परमेश्‍वरए च्‍हए कै थेब्मुँ, धै च्हए कै थेब्मैं सोल् योंब्मुँ।

रोमी 8:2

तलेबिस्याँ ठिमइ ङइ लबै पापए निसाफ लसि सिबै दण्ड पिंलेया परमेश्‍वरए प्ल्हए शक्‍तिजी ङलाइ ख्रीष्‍ट येशूने घ्रिन् लसि छारा छ्ह पिंसि च दण्डउँइँले फ्रेमिंइमुँ।

१ कोरिन्थी 15:45

तलेबिस्याँ परमेश्‍वरए छ्वेरै या छले प्ह्रिइमुँ, “ओंसोंबै म्‍हि आदम छ्ह मुँबै म्‍हि तइ।” लिउँइँबै आदम (अथवा येशू ख्रीष्‍ट) छ्ह पिंबै पबित्र प्ल्ह तइ।

२ कोरिन्थी 5:14

येशू ख्रीष्‍टजी ङ्योने म्हाँया लबइले ङ्यो खीए अधीनर मुँ, तलेबिस्याँ ताँन् म्‍हिमैंए ल्हागिर ख्रीष्‍ट सिमिंबइले ङ्यो ताँन् खीने बालुन् सिब् धोंन् तइ बिबै ताँ ङ्योइ सेइमुँ।

एफिसी 4:18

चमैं तोइ च्हैंब-मैंब् लल् आखाँब्मैं तयाइमुँ। चमैंए सारो सैंउँइँले त्होंबै केर आफेबै ताँमैंइ लमा परमेश्‍वरजी पिंबै छ्ह चमैंइ आयों।

एफिसी 5:14

छतसि “ओ न्‍हरु च्हुइरिब्‍मैं रेद्, सियाब्मैंए म्हाँजोउँइँले रेखो! झाइले ख्रीष्‍ट क्‍हिए फिर चारब्‍मुँ,” बिसि म्हिमैंइ बिम्।

कलस्सी 2:13

ओंसों क्‍हेमैं ह्रोंसए पाप नेरो ज्युर चिनु आलबइले सिरिल, दिलेया परमेश्‍वरजी ङ्योए ताँन् पाप क्षमा लमिंसि ख्रीष्‍टने बालुन् सोगों लमिंइ।

१ तिमोथी 5:6

दिलेया म्हरेस्यो तसेया च खै तदा ङ्हाँमुँ छान् तप्रस्याँ सोगोंन् तलेया सियाब् धोंन् तब् ग।

१ यूहन्‍ना 3:14

ङ्यो कालउँइँले जोगेसि छ्ह योंबै क्‍ल्‍ह्‍योर तर्दिल् खाँइमुँ बिसि ङ्योइ सेइमुँ। ङ्योइ बिश्‍वासी अलि-अङाँमैंलाइ सैं न्होंउँइँलेन् म्हाँयाँ लबइले ङ्योइ चु ताँ सेइमुँ। दिलेया ह्रोंसए अलि-अङाँमैंलाइ म्हाँया आलब्मैं कालए न्होंर टिरिमुँ।

दर्शन 3:1

“सार्डिस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ परमेश्‍वरए प्ल्ह ङि नेरो मुसारा ङि मुँबै येशूजी बिइमुँ: क्‍हेमैंइ लबै के ङइ सेइमुँ। म्हिमैंइमि क्‍हेमैं सोगोंन् मुँ ङ्हाँइमुँ, दिलेया क्‍हेमैं सियाइमुँ।