एफिसी 1:8 - परमेश्‍वरए ताँ तमु क्युइर

⁸ खीजी ङ्योए फिर च्हौ थेबै दयाम्हाँया लइमुँ। खीए ताँन् ज्ञान बुद्धिउँइँले लबै चाँजो

एफिसी 1:8 Iomraidhean Croise

भजनमैं 104:24

ओ याहवेह, क्हिजी लबै केमैं कति ल्हें मुँ! चु ताँन् सैं क्हिजी ह्रोंसए बुद्धिइ बनेइ; क्हिजी बनेबै तोन्दोंरि सैइ पृथ्बी प्लिंइमुँ।

हितोपदेश 8:12

“ङ बुद्धि ग, ङइ तोंन्दरि सै ह्रइमुँ सेइमुँ, ङने ज्ञान नेरो च्हैंब्-मैंबै शक्‍ति मुँ।

मत्ती 11:19

म्हिए च्ह युसि चब् थुँब् लमा ‘ङ्‍ह्‍योत्ति, च चब्लाँ, प्हा को, बालि रेब्‍मैं नेरो अरू पापिमैंए थु!’ बिसि म्‍हिमैंइ बिमल। दिलेया परमेश्‍वरए बुद्धिए केमैं म्रोंसिन् क्ह्रोसेंन्ले बुद्धि छ्याँब् मुँन बिबै ताँ क्हेमैंइ सेल् खाँम्।”

रोमी 11:33

ओहो, परमेश्‍वरजी ताँनए फिर लबै दयाम्हाँया बेल्‍ले थेब नेरो छ्याँब मुँ। खीए ज्ञान बुद्धिए ताँमैं गैरु मुँ। खाबइ खीए ताँमैंए बयन लल् खाँम्? खाबइ खीजी लबै के क्‍होल् खाँम्?

रोमी 5:15

दिलेया चमैं ङ्हिंए के स्योन् मुँ: तलेबिस्याँ आदम बिबै म्‍हि घ्रिइ लबै पापउँइँले ल्हें म्‍हिमैं सिइ। दिलेया परमेश्‍वरए दयाम्हाँया नेरो येशू ख्रीष्‍ट बिबै म्‍हि घ्रिउँइँले ल्हें म्हिइ छलेन् आशिक योंइ।

१ कोरिन्थी 2:7

दिलेया ङ्योइमि परमेश्‍वरउँइँले खबै बुद्धिए ताँमैं बिप्रम्। च बुद्धिए ताँ म्हिमैंइ तिफुँइ क्होल् आखाँब् मुँल। दिलेया ङ्योइ खीउँइँले आशिक योंरिगे बिसि स्योंम् ओंनोंन् परमेश्‍वरजी चु बुद्धि ङ्योए ल्हागिर साँथेंल।

एफिसी 1:11

खीजी मैंबै ताँन् केमैं परमेश्‍वरजी ह्रोंसए चाँजोर्न लम्। छले खीजी ओंसोंन् चाँजो लबइले ङि यहूदीमैंलाइ ख्रीष्‍टने घ्रिन् लमिंसि खीए म्‍हिमैं तबर त्हाँइ।

एफिसी 1:7

ङ्योइ लबै पाप त्होमिंबै ल्हागिर ख्रीष्‍टजी को बग्दिसि ङ्योलाइ खामिंइ, ङ्योए आछ्याँबै केमैं क्षमा लमिंइ। परमेश्‍वरए दयाम्हाँया बेल्‍ले थेब् मुँ!

एफिसी 1:9

येशू ख्रीष्‍टउँइँलेन् पूरा लब्‍मुँ बिसि परमेश्‍वरजी ओंसों ओंनोंन् मैंल। छतसि ख्रीष्‍टउँइँले तोगो खीजी च ताँ ङ्योलाइ सेल् पिंइमुँ।

एफिसी 3:10

दिलेया तिंजोरो खीए फिर बिश्‍वास लब्मैंउँइँले स्‍वर्गर्बै म्रुँमैं नेरो अधिकारिमैंइ परमेश्‍वरए औदिबै ज्ञान बुद्धिए ताँमै सेरिगे बिसि खीजी चु चाँजो उँइँमिंइ।

कलस्सी 2:3

तलेबिस्याँ ताँन् ज्ञान बुद्धिमैं ख्रीष्‍टनेन् मुँ।

यहूदाइ प्‍ह्रिबै प्ह्रिछ्या 1:25

छाबै ङ्योलाइ जोगेमिंबै घ्रि मत्‍त्रे मुँबै परमेश्‍वरलाइ ङ्योए प्रभु येशू ख्रीष्‍टउँइँले थेबै मान, थेबै शक्‍ति, थेबै भों नेरो अधिकार, ओंसोंउँइँले तिंयाँ धै प्हँना लिउँइँ समा खोंयोंन् बिलै तरिगे! आमेन, छाबन् तरिगे!

दर्शन 5:12

च स्वर्गदूतमैंइ बेल्‍ले थेबै कैले “सैवाबै क्‍यु च्हज तोन्दोंरि लल् खाँब, भोंब, ह्रब, म्हारब, छ्याँब, माब, ताँनइ म्हाँदिल् त्हुब मुँ!” बिसि क्वे प्रिंमल।