एफिसी 1:7 - परमेश्वरए ताँ तमु क्युइर7 ङ्योइ लबै पाप त्होमिंबै ल्हागिर ख्रीष्टजी को बग्दिसि ङ्योलाइ खामिंइ, ङ्योए आछ्याँबै केमैं क्षमा लमिंइ। परमेश्वरए दयाम्हाँया बेल्ले थेब् मुँ! Faic an caibideil |
एफिसी 1:7
67 Iomraidhean Croise
म्हिमैंए पाप मेटिदिमिंबै घ्याँ येशू तरिगे बिसि परमेश्वरजी ख्रीष्ट येशूलाइ ङ्योए पापए ल्हागिर ख्रो तसि सिबर कुल्मिंइ। छतसि ङ्योए ल्हागिर ख्रो तसि येशूजी को बग्दिइ बिब म्हिमैंइ क्वेंस्याँ चमैं परमेश्वरए उँइँरि ठिक ठर्दिम्। येशू युब् भन्दा ओंसोंन् म्हिमैंइ पाप ललेया परमेश्वरजी ह्रिस थाँम्दिसि म्हिमैंलाइ पापए सजैं आपिंइमुँ,
क्हेमैंए सैं न्होंर्बै मि थोंसि परमेश्वरए चारबै ह्वे म्रोंरिगे बिसे या ङइ प्राथना लम्। तलेबिस्याँ च ह्वे म्रोंस्याँ क्हेमैंइ चु ताँ सों था सेब्मुँ: घ्रि, खीजी प्हना लिउँइँ क्हेमैंलाइ खैबै खालर्बै छार छ्ह पिंम् बिसि क्हेमैंइ था सेब्मुँ। ङ्हिं, खीए म्हिमैंलाइ पिंबै बेल्ले छ्याँबै आशिकमैं कति थेब मुँ बिसि क्हेमैंइ सेब्मुँ।
झाइले चमैंइ छारा भजन घ्रि प्रिंइ: “च काउदए प्हैं किंसि चर्बै छाप फोर्दिसि ङ्ह्योबै लायकर्बै क्हि मुँ। तलेबिस्याँ म्हिमैंइ क्हिलाइ सैवाल, दिलेया ताँन् कुलउँइँले, ताँन् क्युइ पोंब्मैंउँइँले, ताँन् ह्युलर्बै म्हिमैंउँइँले नेरो ताँन् ह्रेंमैंउँइँले, क्हिए कोजी परमेश्वरए ल्हागिर क्हिजी म्हिमैंलाइ खामिंइ।
Sanasan