एफिसी 1:23 - परमेश्‍वरए ताँ तमु क्युइर

²³ ङ्यो बिश्‍वासीमैं ख्रीष्‍टए ज्यु ग। झाइले ङ्यो ख्रीष्‍टए ज्यु तसेरो ख्रीष्‍ट ङ्योए सैं न्‍होंर टिसि खीजी ङ्योलाइ खी धों तल् लमिंम्। छले ख्रीष्‍टजी ह्रोंसए सैंर मैंब् धोंले ताँन् सै तल् पिंम्।

एफिसी 1:23 Iomraidhean Croise

यूहन्‍ना 1:16

खी दयाम्हाँयाइ प्लिंबइले ङ्योइ दयाम्हाँया फिर झन् थेबै दयाम्हाँया योंइँमुँ।

रोमी 13:5

छतसि खीउँइँले सजैं आयोंरिगे बिसि मत्‍त्रे आङिं, दिलेया ह्रोंसए सैंज्यै या “छ लब ठिक मुँ” बिब् मैंसि सरकारए ठिमए न्होंर टिलन् त्‍हुम्।

१ कोरिन्थी 12:6

झाइले ल्हें खालर्बै केमैं मुँ, दिलेया च के लबर परमेश्‍वर घ्रिजीन् ताँनलाइ के लबै भों पिंम्।

१ कोरिन्थी 15:28

छले परमेश्‍वरजी तोन्दोंरि सै ख्रीष्‍टए न्होंर थेंब्मुँ, दिलेया ख्रीष्‍ट बिस्याँ खीए प्हले न्होंर तोन्दोंरि सै थें‍मिंबै परमेश्‍वर आबाए न्होंर टिब्‍मुँ, धै परमेश्‍वरजीन् ताँन् सैए फिर ग्याल्स लब्‍मुँ।

एफिसी 2:16

खी क्रूसर सिमिंसि च ह्रें ङ्हिंलाइ स्यो लबै गारा नास लवाइ। झाइले ह्रें ङ्हिंलाइ घ्रिन् लसि खीजी चमैं परमेश्‍वरने बालु क्ह्रिमिंइ।

एफिसी 3:10

दिलेया तिंजोरो खीए फिर बिश्‍वास लब्मैंउँइँले स्‍वर्गर्बै म्रुँमैं नेरो अधिकारिमैंइ परमेश्‍वरए औदिबै ज्ञान बुद्धिए ताँमै सेरिगे बिसि खीजी चु चाँजो उँइँमिंइ।

एफिसी 3:19

क्होसे क्होल् आखाँबै ख्रीष्‍टजी लबै म्हाँया क्हेमैंइ सेरिगे, धै परमेश्‍वर खैब मुँ क्हेमैं या छाबन् तरिगे।

एफिसी 4:10

चु पृथ्‍बीर तयुबै म्हि (येशू) ताँन् स्वर्गमैं भन्दा कैंडो क्रेयाइ। तारे खीजी ह्‍युलर मुँबै ताँन् सैमैं खीए सैंर मैंब् धोंलेन् तल् पिंम्।

एफिसी 4:12

ख्रीष्‍टए ज्यु बडिबै ल्हागिर परमेश्‍वरए ताँन् म्‍हिमैंइ खीए के लरिगे बिसि ख्रीष्‍टजी छाबै बरदानमैं पिंइ।

एफिसी 4:13

छतसि ताँन् बालु तसि ङ्योइ परमेश्‍वरए च्‍हए फिर छेन्‍ले बिश्‍वास लब्‍मुँ, खीलाइ छेनाले ङो सेब्‍मुँ। धै ङ्यो च्हैंब् मैंब् लल् खाँब्मैं तसि ङ्यो ख्रीष्‍ट धोंन् तब्‍मुँ।

एफिसी 4:4

ज्यु घ्रिन् मुँ, पबित्र प्ल्ह या घ्रिन् मुँ। च धोंलेन् परमेश्‍वरजी ङ्योलाइ पिंबै आशा या घ्रिन् मुँ।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

कलस्सी 2:19

छाबै म्‍हिमैं ख्रीष्‍टए लिलि आप्र। ख्रीष्‍ट क्र ग, झाइले बिश्‍वासीमैं ताँन् खीए ज्यु ग, धै ख्रीष्‍टउँइँलेन् ताँन् ज्युइ भों योंम्। छले मत्‍त्रे अँख्ला बाख्लमैं त्हुँसि ज्यु तम्। छतसि परमेश्‍वरए सैंर मैंब् धोंलेन् ज्यु बडिदै ह्‍याम्।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।

कलस्सी 3:15

क्‍हेमैंए सैंर ख्रीष्‍टजी पिंबै शान्तिइ प्लिंरिगे। क्हेमैं ताँन् ज्यु घ्रिर्न क्ह्रिसि शान्ति योंरिगे बिसि परमेश्‍वरजी क्‍हेमैं त्‍हाँब् ग। धै धन्‍यबाद पिंब्‍मैं तद्।