२ तिमोथी 4:6 - परमेश्‍वरए ताँ तमु क्युइर

⁶ तलेबिस्याँ खैले म्हिमैंइ ख्रो पिंबर क्यु सैमुँ, छलेन ङलाज्यै या सैबै त्हे खइमुँ, तारे ङ क्हिने फ्रेइ ह्‍याबै त्हे खइमुँ।

२ तिमोथी 4:6 Iomraidhean Croise

उत्पत्ति 48:21

झाइले याकूबइ योसेफने बिइ, “तारे ङ सिबै त्हे तइमुँ, दिलेया परमेश्‍वर क्हेमैंने बालु तरिब्मुँ, धै क्हेमैंए खेमैं-मामैंए ह्‍युलर धबै क्हेमैंलाइ एबोब्मुँ।

उत्पत्ति 50:24

झाइले योसेफइ ह्रोंसए आघें-अलिमैंने बिइ, “ङ सिबै त्हे तइ। परमेश्‍वरजी क्ह्रोंसेंन्लेन् क्हेमैंलाइ वास्ता लब्मुँ। खीजी अब्राहाम, इसहाक नेरो याकूबने बाछा फैसि पिंम् बिबै ह्‍युलर चु ह्‍युलउँइँले क्हेमैं बोमिंब्मुँ।”

फिलिप्पी 1:23

ङए सैं ङ्हिरि तइमुँ। चु ङ्हिरोबै छ्ह पिसि ख्रीष्‍टने बालु टिब ङए थेबै सैं मुँ, ङए ल्हागिरि च ताँ बेल्‍ले छ्याँब तमल।

फिलिप्पी 2:17

क्‍हेमैंइ लबै येशू ख्रीष्‍टए फिर्बै बिश्‍वास परमेश्‍वरए मिंर ख्रो पिंब् धों ग। छतसि क्हेमैंइ परमेश्‍वरए मिंर पिंबै सैमैंए फिर ङइ ह्रोंसलाइन् ख्रो पिंल् त्हुलेया, ङए सैं तोंब्मुँ। छले क्हेमैं ताँनने ङ बेल्‍ले तोंइमुँ।