२ तिमोथी 4:5 - परमेश्‍वरए ताँ तमु क्युइर

⁵ क्‍हि बिस्याँ दुःख तलेया सैं तोंबै ताँमैं बिप्रबै के लब आपिद्। धै खैतबै दुःख तलेया सैदिद्, छले परमेश्‍वरउँइँले खबै सैं तोंबै ताँ बिप्रदै खीए के छेनाले लद्।

२ तिमोथी 4:5 Iomraidhean Croise

मत्ती 25:16

माराए सिक्‍का ङ्‍ह योंबै म्‍हिइ युनन् ह्‍यासि च मुइउँइँले छों लसि अर्को सिक्‍का ङ्‍ह कमदिइ।

मर्कूस 13:34

च त्हे चु अहान् धों तब् ग। म्‍हि घ्रिइ ह्रोंसए के लब्मैंने छ छ लद् ओ बिसि खें-खेंमैंए के फेलमिंसि ‘क्‍हेमैं छेन्‍ले टिद् ओ’ बिसि धिंउँइँले स्‍युरबर ह्‍याब् धों तब् ग।

मर्कूस 13:37

छतसि ङइ क्‍हेमैंने बिब् धोंलेन्, ताँन् म्हिमैंने ‘न्हक्रों मिक्रोंले टिद्!’ बिमुँ।”

लूका 12:37

धिं क्‍ल्‍हे एखमा केब्छैंमैं तयार तसि न्ह क्रों मि क्रोंले टिरिब स्यास्‍याँ क्ल्हे सैं तोंसि केब्छैंमैंइ स्‍याबासि योंब्‍मुँ। क्ह्रोंसेंन ङ क्‍हेमैंने बिमुँ, धिं क्‍ल्‍हेइ ह्रोंसए केब्छैंमैं प्‍ह्रेंमैं धोंले टिबै सै तिमिंसि चबै सैं चल् पिंम्।

चेला चिब्मैंए केमैं 21:8

प्हँन्हाँग्धों ङि चमैंने फ्रेसि कैसरियार खइ, धै सैं तोंबै ताँ बिदै प्रबै फिलिपए धिंर ह्‍यासि चर्न टिइ। फिलिप यरूशलेमर प्रभुए सेवा लबर त्हाँबै ङिउलो न्‍होंर्बै म्‍हि घ्रि मुँल।

रोमी 15:19

झाइले बेल्‍ले थेबै औदिबै चिनुमैं नेरो पबित्र प्ल्हजी पिंबै भोंउँइँले येशू ख्रीष्‍टजी अरू ह्रेंमैंलाइ परमेश्‍वरलाइ म्हाँदिल् पिंइ। चु ताँर मत्‍त्रे ङ क्‍हेमैंने बिमुँ। ङइ यरूशलेम सहरउँइँले इल्‍लुरिकन बिबै ह्‍युल समा ह्‍यासि खन्तोंदोंन् येशू ख्रीष्‍टए बारेर सैं तोंबै ताँ बिप्रइमुँ। सैं तोंबै ताँउँइँलेन् अरू ह्रेंमैंए म्हाँजोरि औदिबै (थेब्-थेबै) केमैं लमिंबइले ङ सैं तोंइमुँ।

एफिसी 4:11

खीजी पिंबै बरदानमैं ल्‍हें खालर्बै मुँ। कोइलाइ कुल्मिंबै चेला चिब तबर, कोइलाइ अगमबक्‍तामैं तबर, कोइलाइ सैं तोंबै ताँ बिप्रबर, कोइलाइ खीए म्हिमैंलाइ प्‍ह्रोंछैंमैंइ धोंले छेनाले छैं लबर नेरो कोइलाइ खीए ताँ लोमिंबर खटिदिइ।

एफिसी 4:12

ख्रीष्‍टए ज्यु बडिबै ल्हागिर परमेश्‍वरए ताँन् म्‍हिमैंइ खीए के लरिगे बिसि ख्रीष्‍टजी छाबै बरदानमैं पिंइ।

कलस्सी 1:25

परमेश्‍वरजी पिंबै सैं तोंबै ताँ ङइ क्हेमैंलाइ छेनाले बिमिंरिगे बिसि खीजी बिश्‍वासीमैंए ल्हागिर के लबै म्हि ङ तल् पिंइमुँ।

कलस्सी 4:17

झाइले अर्खिप्पसने ङउँइँले “क्‍हिइ प्रभुए सेवा खैले लल् त्‍हुम् बिसि जिम्‍मा योंइमुँ, च के पूरा लद्,” बिसि बिमिंन्।

१ थेसलोनिकी 5:6

छतसि अरूमैं धोंले ङ्यो न्‍हरु आच्‍हुइल्‍ले बरु न्ह क्रों मि क्रोंले टिले।

१ तिमोथी 4:12

ताँनए फिर म्हाँया लइरि बिश्‍वासर भोंब् तसि, छ्याँबै ताँमैं पोंसि, छ्याँबै बानि ब्योर उँइँसि, छेनाले छ्ह थोसि बिश्‍वासीमैंए उँइँर छ्याँबै नमुना तद्। तलेबिस्याँ फ्रेंसि छजोरे बिसि खाबज्यै या क्हिलाइ आक्वेंब आतरिगे।

१ तिमोथी 4:15

चु केमैंन् क्हिइ लरिद्। क्हिइ लबै केमैंउँइँले क्हिए छ्ह छ्याँब ततै ह्‍याब ताँनइ म्रोंरिगे।

२ तिमोथी 1:8

छतसि प्रभुए क्ह्रोंसेंन्बै ताँमैंए ग्वाइ पिंबर फा आपिद्। ङ झेलर मुँबै ताँरै या फा आपिद्। बरु ङ्योए प्रभुउँइँले खबै सैं तोंबै ताँमैं बिप्रमा दुःखन् खलेया सैदिद्।

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

२ तिमोथी 2:3

येशू ख्रीष्‍टजी बिब् ङिंबै सिपाइ तसि दुःख नोल् त्हुलेया ङिइ सैदिब् धोंलेन् क्हिज्यै या सैदिद्।

२ तिमोथी 4:17

ताँन् म्हिमैंइ प्रभुए ताँ थेल् योंरिगे बिसि प्रभु ङए ङाँर रायुइ, धै खीए ताँ बिबै ल्हागिर ङलाइ भों पिंइ। छतसि ङ सिंहए सुँउँइँले स्योरसि खल् खाँइ।

हिब्रू 13:17

क्‍हेमैंए अगुवामैंइ बिब ङिंन्, धै खेंमैंए न्होंर टिद्। तलेबिस्याँ “ङइ लबै केए हिसाब परमेश्‍वरलाइ पिंल् त्‍हुम्” बिब सेसि चमैंइ क्‍हेमैंए छैं छेनाले लरिम्। छतसि चु के चमैंइ सैं तोंन्ले लरिगे, गार म्हाँदिसि आङिं। चमैंइ गार म्हाँदिल्‍ले के लस्याँ क्‍हेमैंला तोइ बिब् धों तरिब् आरे।

१ पत्रुस 1:13

छतसि च्हैंब् मैंब् लद्, न्ह क्रों मि क्रों तद्। येशू ख्रीष्‍ट धबै स्‍वर्गउँइँले युमा क्हेमैंइ योंबै दयाम्हाँयार क्ह्रोंसेंन्बै आशा थेंन्।

दर्शन 3:2

छतसि रेसि न्ह क्रों मि क्रों तद्, झाइले न्होंयाबै केमैं क्योंएँन्। तलेबिस्याँ क्‍हेमैंइ लबै केमैं ङए परमेश्‍वरए उँइँर ठिक आतब ङइ म्रोंइमुँ।