२ तिमोथी 4:18 - परमेश्‍वरए ताँ तमु क्युइर

¹⁸ प्रभुजी ङलाइ ताँन् आछ्याँबै सैमैंउँइँले जोगेमिंब्मुँ। झाइले खीए स्‍वर्गर मुँबै ग्याल्सर बोब्मुँ। खीलाइ म्हिमैंइ खोंयोंइन् बिलै या थेबै मान लरिगे। आमेन, छान् तरिगे!

२ तिमोथी 4:18 Iomraidhean Croise

उत्पत्ति 48:16

ङलाइ ताँन् दुःखउँइँले फ्रेमिंबै स्वर्गदूतइ चुमैंए फिर आशिक पिंरिगे! चु कोलोमैंने ङए बाज्यु अब्राहाम, ङए आबा इसहाक नेरो ङए मिं आम्हरिगे। पृथ्‍बीर चुमैंल ल्हें-ल्हें सन्तानमैं तरिगे।”

भजनमैं 121:7

क्हिलाइ न्होह्रों लबै तोन्दोंरि सैमैंउँइँले याहवेहजी जोगेमिंब्मुँ; खीजी क्हिए सोए रक्षा लमिंब्मुँ।

भजनमैं 37:28

तलेबिस्याँ ठिक निसाफ लबै म्हिमैंलाइ याहवेहजी खोम्; खीए म्हिमैं खीजी पिरिब् आरे। चमैंलाइ खोंयोंन् बिलै खीजी जोगेसि थेंमुँ, दिलेया दुष्‍ट म्हिमैंए सन्तान बिस्याँ नास लवाब्मुँ।

भजनमैं 73:24

क्हिजी सल्‍ला पिंसि ङलाइ डोरेमिंम्, धै लिउँइँ ङ क्हि ङाँर मान योंबै क्ल्ह्‍योर बोब्मुँ।

भजनमैं 92:10

ङ बिस्याँ क्ह्‍योंर्बै साँढे धोंले क्हिजी ङए भों थेब लमिंब्मुँ; छ्युगु फोसि ङलाइ त्हाँइमुँ।

हितोपदेश 14:32

दुष्‍ट म्हिमैंए लबै केइ ह्रोंसन् नास तयाम्, दिलेया ठिक के लब्मैं सिमै या आशा योंम्।

मत्ती 13:43

झाइले ठिक के लब्मैं खेंमैंए आबाए ग्याल्सरि त्‍हिंयाँ धोंले चारसि टिब्‍मुँ। “न्ह मुँब्मैंइ थेरिगे।”

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

लूका 11:4

ङिए पाप क्षमा लमिंनु, तलेबिस्याँ ङिए फिर आछ्याँबै के लब्मैंलाइ ङिज्यै या ङि क्षमा लम्। ङि सैदिल् आखाँबै जाँजर च्होंल् आपिंनु।’”

लूका 12:32

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

लूका 22:29

ङए आबाजी ङलाइ ग्याल्स घ्रि पिंइ। ङज्‍यै या क्‍हेमैंलाइ पिंमुँ।

यूहन्‍ना 17:15

क्हिजी चमैं चु ह्‍युलउँइँले बोमिंन् बिसि ङ यो छ्युँ आल। दिलेया दुष्‍टउँइँले जोगेमिंन् बिसि ङ यो छ्युँ लम्।

रोमी 11:36

तलेबिस्याँ परमेश्‍वरजी तोन्दोंरि सै बनेइ, तोन्दोंरि सै खीउँइँलेन् खीए ल्हागिर्न ग। परमेश्‍वरए मिं खोंयोंन् बिलै थेब तरिगे। आमेन, छान् तरिगे।

रोमी 16:27

तोन्दोंरि ज्ञान-बुद्धि मुँबै परमेश्‍वरलाइ येशू ख्रीष्‍टउँइँले म्‍हिमैंइ खीए मिं खोंयोंन् बिलै थेब लरिगे। आमेन।

१ कोरिन्थी 1:21

तलेबिस्याँ परमेश्‍वरए बुद्धिउँइँलेन् म्‍हिमैंइ ह्रोंसने बुद्धि मुँब् धों ङ्हाँलेया चमैंइ खेंमैंए “बुद्धिउँइँले” खीलाइ ङो सेल् आखाँ। छतसि ङ्योइ बिप्रबै सैं तोंबै ताँउँइँलेन् खीजी ह्रोंसए फिर बिश्‍वास लब्‍मैंलाइ जोगेबै चाँजो लइ।

१ कोरिन्थी 10:13

म्हिए फिर तखबै जाँच बाहेक अरू जाँच क्‍हेमैंए फिर आतइमुँ। दिलेया परमेश्‍वर भर लल् खाँब मुँ, खीजी फैबै बाछा पूरा लम्। छतसि क्‍हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।

१ कोरिन्थी 15:50

छतसि ओ अलि-अङाँमैं, ङइ बिल् म्हैबै ताँ तो जा बिस्याँ, से कोए ज्युनेन् ङ्यो परमेश्‍वरए ग्याल्सर, अथवा स्‍वर्गर, होंल् आयों। धै नास तल् त्‍हुबै ज्युइ खोंयोंइ नास आतबै प्ल्हर ज्यु योंल् आखाँ।

२ कोरिन्थी 1:10

छाबै ङ्हिंन् ङ्हाँबै दुःखउँइँले या परमेश्‍वरजी ङिलाइ जोगेमिंइ। ओं, अझैन खीजी ङिलाइ जोगेमिंब्मुँ। खीजी जोगेमिंब्मुँ बिसि ङिइ खीए फिर्न भर लइमुँ।

गलाती 1:5

परमेश्‍वरलाइ खोंयोंन् बिलेया थेबै मान तरिगे। आमेन।

१ थेसलोनिकी 5:23

शान्ति पिंबै परमेश्‍वरजी ताँन् सैर क्‍हेमैंलाइ पबित्र लमिंरिगे, धै ङ्योए प्रभु येशू युबै त्हेर क्हेमैंए ज्यु, सैं, खों, बेल्‍ले छ्याँब नेरो खोट आरेब तरिगे।

२ थेसलोनिकी 3:3

दिलेया प्रभु येशू भर पर्दिब् मुँ। खीजी क्‍हेमैंए सैं भोंब् लमिंब्मुँ धै दुष्‍टउँइँले जोगेमिंब्‍मुँ।

१ तिमोथी 1:17

छतसि खोंयोंन् बिलै तरिबै म्रुँ, खोंयोंइ नास आतब, नेरो म्रोंल आखाँबै घ्रि मत्‍त्रे परमेश्‍वर खीलाइन खोंयोंन् बिलै मान, इजेत नेरो महिमा तरिगे। आमेन, छान् तरिगे!

१ तिमोथी 6:16

परमेश्‍वर खोंयोंइ बिलै सोगों मुँ, खी खाबै ह्‍याल् आखाँबै चारबै ह्‍वेर टिमुँ, खीलाइ खाबज्यै या खोंयोंइ आम्रोंइमुँ, म्रोंलैया आखाँ। छाबै परमेश्‍वरए मिं खोंयोंइ बिलै थेब् तरिगे, खीए ग्याल्स खोंयोंन् बिलै तरिगे। आमेन, छान् तरिगे!

२ तिमोथी 1:12

छतसि तोगो ङइ चु दुःखमैं नोरिइमुँ, दिलेया ङ फापिसि सैं च्योंब् आल। तलेबिस्याँ ङइ खाबै फिर बिश्‍वास लइमुँ बिब ङइ सेइमुँ, ङलाइ ढुक्‍का मुँ तो सैमैं ङइ खीने थेंल् पिंइमुँ, च सैमैं खीजी छेनाले थेंमिंम्।

२ तिमोथी 4:1

तिगें येशू ख्रीष्‍ट ग्याल्स लबर युब्‍मुँ। च त्हेर खीजी सियाब्‍मैं नेरो सोगोंमैं ताँनए निसाफ लब्‍मुँ। छतसि क्हिइ लल् त्हुबै के तो जा बिबै ताँ ङइ येशू ख्रीष्‍ट नेरो परमेश्‍वर आबाए उँइँर क्हिने बिमुँ।

हिब्रू 11:16

बरु चमैंल झन् छ्याँबै ह्‍युल, अथवा स्‍वर्गर, ह्‍याबै सैं मुँल। छतसि परमेश्‍वर “चमैंए परमेश्‍वर ग” बिबर फा आपिल, तलेबिस्याँ खीजी चमैंए ल्हागिर सहर घ्रि तयार लथेंइमुँ।

हिब्रू 12:22

दिलेया क्हेमैंम् सियोन कोंर खइमुँ, सोगों परमेश्‍वरए सहरर, स्‍वर्गर्बै यरूशलेमर, च्योलै आखाँबै स्‍वर्गदूतमैं सैं तोंदै परमेश्‍वरए मिं क्वेबै क्ल्ह्‍योर,

हिब्रू 13:21

क्‍हेमैं ताँनलाइ छ्याँबै गुनइ प्लिंमिंरिगे, धै खीए सैंर मैंब् धों तब क्हेमैंइ लल् खाँरिगे। परमेश्‍वरजी खोबै के येशू ख्रीष्‍टउँइँले खीजी क्हेमैंए म्हाँजोर लरिगे। येशूए मिं खोंयोंन् बिलै थेब तरिगे। आमेन, छान् तरिगे।

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?

१ पत्रुस 1:5

क्‍हेमैंइ परमेश्‍वर फिर बिश्‍वास लइ। छतसि खीए शक्‍तिउँइँले क्‍हेमैंइ चु आशिक योंबै ल्हागिर खीजी क्हेमैंलाइ जोगेसि थेंइमुँ। च आशिक चु ह्‍युल नुयाबै त्हिंइर खीजी उँइँमिंब्‍मुँ।

१ पत्रुस 5:11

खीलाइन भों नेरो शक्‍ति खोंयोंन् बिलै तरिगे। आमेन, छाबन् तरिगे।

२ पत्रुस 1:11

धै ङ्योलाइ जोगेमिंबै ङ्योए प्रभु येशू ख्रीष्‍टए खोंयोंन् बिलै तरिबै ग्याल्सर परमेश्‍वरजी ङ्योलाइ थेबै मान्ले होंल् पिंब्मुँ।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।

यहूदाइ प्‍ह्रिबै प्ह्रिछ्या 1:1

येशू ख्रीष्‍टए के लबै म्हि ङ याकूबए अलि यहूदाउँइँले परमेश्‍वरजी खोसि त्‍हाँबै म्‍हिमैंलाइ जय मसीह मुँ। परमेश्‍वर आबाजी क्हेमैंलाइ म्हाँया लइमुँ, धै येशू ख्रीष्‍टजी क्हेमैंलाइ रक्षा लथेंइमुँ।