२ तिमोथी 4:17 - परमेश्‍वरए ताँ तमु क्युइर

¹⁷ ताँन् म्हिमैंइ प्रभुए ताँ थेल् योंरिगे बिसि प्रभु ङए ङाँर रायुइ, धै खीए ताँ बिबै ल्हागिर ङलाइ भों पिंइ। छतसि ङ सिंहए सुँउँइँले स्योरसि खल् खाँइ।

२ तिमोथी 4:17 Iomraidhean Croise

भजनमैं 109:31

तलेबिस्याँ दण्ड पिंबै म्हिउँइँले दु:ख योंबै म्हिलाइ जोगेमिंबै ल्हागिर चए क्योलोउँइँ खी रारिम्।

भजनमैं 22:21

चेंमैंए सुँउँइँले ङ फ्रेमिंन्, धै क्ह्‍योंर्बै साँढेए रुउँइँले ङ जोगेमिंन्।

हितोपदेश 20:2

ह्रिस खसि ङ्‍हेबै सिंहने ङ्हिंब् धोंलेन् ह्रिस खबै म्रुँने ङ्हिंन्; म्रुँलाइ ह्रिस खल् लबै म्हि सिल् त्हुम्।

हितोपदेश 28:15

दुष्‍ट म्रुँइ ग्याल्स लमा ङ्हाँदुमैं झन ङ्हाँदु तम्, छाबै म्रुँ ग्राँ-ग्राँ बिबै चें नेरो ह्‍वाखबै भलु धों तब् ग।

मत्ती 10:19

दिलेया चमैंइ क्‍हेमैंलाइ क्‍हामा क्‍हेमैंइ खैले पोंब् ङ्‍हे तो बिल् त्हुब् ङ्‍हे बिसि ओंसोंन् न्हुँ आलद्। क्‍हेमैंइ तो पोंल् त्‍हुम् बिसि च त्हेर्न परमेश्‍वरजी क्‍हेमैंने बिमिंब्मुँ।

लूका 1:1

ओ चिब थियोफिलस छ्याज्यालो मुँ! ङ्योए म्‍हाँजोरि तो-तो केमैं तइ बिसि ल्‍हें म्‍हिइ प्‍ह्रिल।

लूका 21:15

तलेबिस्याँ ङइ क्‍हेमैंलाइ छाबै ज्ञान बुद्धिए ताँ पोंल् पिंब्मुँ, च ताँ पोंमा चमैंइ क्‍हेमैंए ताँए ज्वाफ पिंल् खाँरिब् आरे, क्हेमैंए ताँ थोल् खाँरिब् आरे।

चेला चिब्मैंए केमैं 23:11

चए प्हँन्हाँग्धों म्‍हुँइँसर प्रभुजी पावल ङाँर रासि बिइ, “आङ्हिंन्, तलेबिस्याँ क्हिइ यरूशलेमर ङए बारेर ग्वाइ पिंब् धोंले रोम शहाररै या ग्वाइ पिंल् त्हुम्।”

चेला चिब्मैंए केमैं 9:15

दिलेया प्रभुजी चने बिइ, “ह्‍याद्, तलेबिस्याँ अरू ह्रेंमैं, म्रुँमैं नेरो इस्राएलर्बै म्हिमैंए उँइँर ङए मिंए बारेर बिमिंबर ङइ त्हाँबै म्हि चन् ग।

रोमी 15:31

यहूदीयार्बै येशूए फिर बिश्‍वास आलब्‍मैंउँइँले परमेश्‍वरजी ङलाइ जोगेमिंरिगे, झाइले यरूशलेमर्बै परमेश्‍वरए म्‍हिमैंइ ङइ बोबै मुइ किंरिगे बिसि प्राथना लमिंन्।

२ कोरिन्थी 12:9

दिलेया प्रभुजी ङने बिइ, “ङए दयाम्हाँया योंसेरो क्हिलाइ अरू सै तोइ आचैदि, तलेबिस्याँ क्‍हि आखाँ आथुबै त्हेर ङए भोंइन तोन्दोंरि के लम्।” छतसि ख्रीष्‍टए भों ङने तरिगे बिसि आखाँ आथुबै त्हेरै या ङ सैं तोंन्लेन् प्हैंब्मुँ।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

१ तिमोथी 1:12

खीए के लबर ङलाइ भों पिबै येशू ख्रीष्‍ट ङ्योए प्रभुलाइ ङ धन्‍यबाद पिंम्, तलेबिस्याँ ङए फिर बिश्‍वास म्हाँदिसि खीए सेवा लबर खीजी ङलाइ त्हाँइ।

२ तिमोथी 2:1

छतसि ओ, ङए च्‍ह तिमोथी, येशू ख्रीष्‍टउँइँले योंबै दयाम्हाँयार क्हि बेल्‍ले भोंब तद्।

२ तिमोथी 2:9

ङइ चु सैं तोंबै ताँ अरू म्हिमैंने बिमिंबै लमा ङ अप्रादिमैं धोंले सँउँलिइ फैसि दुःख नोल् त्‍हुइमुँ। दिलेया परमेश्‍वरए ताँम् खाबज्यै या फैथेंल आखाँ।

२ तिमोथी 3:11

एन्‍टिओखिया, आइकोनियम नेरो लुस्‍त्रार ङइ खै-खैबै दुःखमैं सैदिइ बिसि क्हिइ सेइमुँ। दिलेया प्रभुजी च ताँन् दुःखउँइँले ङ जोगेमिंइ।

२ तिमोथी 4:5

क्‍हि बिस्याँ दुःख तलेया सैं तोंबै ताँमैं बिप्रबै के लब आपिद्। धै खैतबै दुःख तलेया सैदिद्, छले परमेश्‍वरउँइँले खबै सैं तोंबै ताँ बिप्रदै खीए के छेनाले लद्।

तीतस 1:3

छतसि ठिक त्हेर ङ्योलाइ मुक्‍ति पिंबै परमेश्‍वर आबाजी खीउँइँले खबै सैं तोंबै ताँ सेल् पिंसि चु ताँ बिप्रबै जिम्मा ङलाइ पिंइ। छतसि ङइ चु सैं तोंबै ताँ ताँनने बिप्रम्।

हिब्रू 11:33

बिश्‍वासउँइँलेन् नेसि चमैं न्‍होंरि को-कोइइ ह्‍युलमैं ट्होइ, धै ठिक निसाफ लसि परमेश्‍वरजी बाछा फैसि पिंम् बिबै आशिक चमैंइ योंइ। कोइइ सिंहए सुँ म्रुवाइ,

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।

२ पत्रुस 2:9

छले खीजी बिबै ताँ ङिंब्मैंलाइ प्रभुजी दुःखउँइँले जोगेमिंल् खाँम्, धै दुष्‍टमैंलाइ दण्ड पिंबै ल्हागिर निसाफ लबै त्हिंइ समा खीजी फैथेंल् खाँम्।