२ तिमोथी 4:14 - परमेश्‍वरए ताँ तमु क्युइर

¹⁴ अलेक्‍जेन्डर बिबै कुमालेइ ङलाइ बेल्‍ले दुःख पिंइ। प्रभुजी चलाइ चइ लबै के अनुसार्बै दण्‍ड पिंब्‍मुँ।

२ तिमोथी 4:14 Iomraidhean Croise

भजनमैं 28:4

चमैंइ लबै आछ्याँबै केमैं नेरो चमैंए योइ लबै केमैं ङ्ह्‍योसि योंल् त्हुबै दण्ड चमैंलाइ पिंन्; चमैंए योइ खैबै के लइमुँ छाबन् दण्ड चमैंलाइ पिंन्, चमैंइ योंल् तुबै दण्ड चमैंलाइ पिंन्।

भजनमैं 62:12

ओ याहवेह, क्हिजी खोंयोंइ आनुबै म्हाँया लमुँ। तलेबिस्याँ क्हिजी ताँन् म्हिमैंलाइ ह्रों-ह्रोंसइ लबै के अन्सार्बै नों सै पिंम्।

रोमी 12:19

ओ ङए खोबै अलि-अङाँमैं, ह्रोंसए न्होह्रों लब्मैंने खोंयोंइ खि आकिंन्। चमैंलाइ परमेश्‍वरए ह्रिसर्न पिवाद्, तलेबिस्याँ “खि किंबै के ङल् ग, ङजीन् खि किंब्‍मुँ,” बिसि छ्वेर प्ह्रिइमुँ।

रोमी 2:6

म्‍हिमैंइ खैबै के लइमुँ छाबन् इनाम परमेश्‍वरजी पिंब्‍मुँ।

२ थेसलोनिकी 1:6

परमेश्‍वरजी छेनाले निसाफ लम्, क्‍हेमैंए फिर दुःख पिंब्‍मैंलाइ खीजी दुःख पिंम्,

१ तिमोथी 1:20

चमैं न्होंरि हुमेनियस नेरो अलेक्जेन्डर बिब छाबै म्‍हिमैं ग। चमैंइ परमेश्‍वरए बारेर आछ्याँबै ताँ आपोंरिगे बिसि ङइ चमैं दुष्‍टए योर्न पिंवाइ।

२ तिमोथी 4:15

छतसि क्हि या चउँइँले जोगेसि टिद्, तलेबिस्याँ ङिइ म्हिमैंने सैं तोंबै ताँ बिमा चइ बेल्‍ले बिरोध लइ।

१ यूहन्‍ना 5:16

खाबज्‍यै या ह्रोंसए बिश्‍वासी अलि-अङाँइ पाप लरिब् म्रोंस्‍याँ, चइ लबै पाप केमैं नर्गर्न ह्‍याल् त्हुबै खालर्बै आङिंस्‍याँ, च अलि-अङाँए ल्हागिर चइ प्राथना लल् त्‍हुम्, धै नर्गर्न ह्‍याल् त्हुबै खालर्बै पाप आलबै म्हिलाइ परमेश्‍वरजी खोंयोंइ आखाँबै छ्ह पिंब्मुँ। दिलेया नर्गर्न ह्‍याल् त्हुबै खालर्बै पाप या मुँ। छाबै पाप केमैं लबै म्हिए ल्हागिर बिस्याँ परमेश्‍वरने प्राथना लमिंरिगे बिसि ङइ आबि।

दर्शन 18:20

(ओ स्वर्ग, च सहर थुँयाब् म्रोंसि सैं तोंन्! ओ परमेश्‍वरए म्‍हिमैं, कुल्मिंबै चेला चिब्मैं नेरो अगमबक्‍तामैं क्हेमैं ताँन् सैं तोंन्। तलेबिस्याँ च सहरइ क्‍हेमैं बेल्‍ले दुःख पिंल, छतसि परमेश्‍वरजी चलाइ नास लवाइ।)

दर्शन 18:6

चइ खै लल चने छान् लद्, चइ तिल दुःख पिंल, क्हिइ ङ्हिल दु:ख पिंन्। चइ क्हेमैंलाइ तो सैइ म्हेरल् लल च भन्दा झन् म्हेरल् लबै सैइ क्हिइ चलाइ म्हेरल् लवाद्।

दर्शन 6:10

“ओ, तोन्दोंरि सै लल् खाँबै प्रभु, पबित्र नेरो क्ह्रोंसेंन्‍बै परमेश्‍वर, ह्‍युलर्बै म्हिमैंइ ङिलाइ सैवाइमुँ। छतसि चमैंए निसाफ लसि चमैंइ लबै केए खि खोंयों समा क्हिजी आकिं?” बिसि चमैं थेबै कैले ओरइ।