२ तिमोथी 4:10 - परमेश्‍वरए ताँ तमु क्युइर

¹⁰ तलेबिस्याँ डेमासइ चु ह्‍युलर्बै सैमैंए म्हाँया लसि ङलाइ वाथेंसि थेसलोनिका सहरर ह्‍याइ। क्रेसेन्‍स बिबै अलि गलातिया ह्‍युलर ह्‍याइ, धै तीतस दलमातिया बिबै क्‍ल्‍ह्‍योर ह्‍याइ।

२ तिमोथी 4:10 Iomraidhean Croise

मत्ती 12:32

‘म्हिए च्‍हए’ बिरोधर पोंब्मैंइ क्षमा योंल् खाँम्। दिलेया पबित्र प्ल्हए बिरोधर पोंबै म्‍हिमैंइ चु छ्हर मत्‍त्रे आङिं लिउँइँबै छ्‍हरै या क्षमा योंरिब् आरे।

मत्ती 26:56

तलेबिस्याँ अगमबक्‍तामैंइ प्‍ह्रिबै ताँ पूरा तरिगे बिसि छ तब् ग।” च तोदोंन् चेलामैं ताँन् खी वाथेंसि भौदिह्‍याइ।

लूका 14:33

छतसि क्हेमैंए न्होंरि खाबइ ह्रोंसने मुँबै तोन्दोंरि सै आवथें च ङए चेला तल् आखाँ।

लूका 16:13

येशूजी धबै बिइ, “खाबज्यै या क्‍ल्‍हे ङ्हिंए के तिखेर्न लल् आखाँ। तलेबिस्याँ चइ घ्रिलाइ हेल लमुँ, झाइले अर्कोने म्‍हाँया लमुँ। छलेन क्‍ल्‍हे घ्रिइ बिब छेनाले ङिमुँ, अर्को क्ल्हेलाइ तो धोंइ आङ्हाँ। च धोंलेन् क्‍हेमैंज्यै या परमेश्‍वर नेरो मुइए सेवा तिखेर्न लल् आखाँ।”

लूका 17:32

लोतए प्ह्रेंस्योए ताँ क्‍हेमैंइ मैंन्।

चेला चिब्मैंए केमैं 13:13

पावल नेरो चए थुमैं पाफोसउँइँले क्‍यु झाजर क्रेसि पामफिलिया ह्‍युलर्बै पर्गार फेनेइ। दिलेया मर्कूस बिबै यूहन्‍ना बिस्याँ चमैंने फ्रेसि च क्ल्ह्‍योउँइँले यरूशलेमर एह्‍याइ।

चेला चिब्मैंए केमैं 15:38

दिलेया पावलइ मर्कूस खेंमैंने बालु बोयाब आतलै ङ्हाँइ, तलेबिस्याँ चइ लल् त्हुबै के पूरा आलल्‍ले ओंसोंन् पामफिलिया ह्‍युलउँइँले चमैंने फ्रेसि एह्‍याल।

चेला चिब्मैंए केमैं 16:6

पबित्र प्ल्हजी एशिया ह्‍युलरि प्रभुए ताँ बिल् आपिंबइले चमैं फ्रिगिया नेरो गलातिया ह्‍युल ततै ह्‍यामा

चेला चिब्मैंए केमैं 17:1

पावल नेरो सिलास अम्‍फिपोलिस नेरो अपोल्‍लोनियाए घ्याँ ततै थेसलोनिकार फेखइ। चर यहूदीमैंए च्हों धिं घ्रि मुँल।

चेला चिब्मैंए केमैं 17:11

चर्बै यहूदीमैं थेसलोनिकाथेंमैं भन्दा स्वाब मुँल: चमैंइ परमेश्‍वरए ताँ बेल्‍ले छ्याँब ङ्हाँसि सैंर किंइ, धै चु ताँमैं पावलइ बिबै ताँने क्ह्रिम् उ आक्ह्रि बिसि त्हिंइ ह्रोंसे परमेश्‍वरए छ्वेर्बै ताँमैं खेसि क्होल् म्हैमल।

चेला चिब्मैंए केमैं 17:13

दिलेया थेसलोनिकार्बै यहूदीमैंइ “पावलइ परमेश्‍वरए ताँ बेरियारै या बिइ प्रइमुँ!” बिब् सेसि चमैं चरै या म्हिमैं उस्केबर फेखइ।

चेला चिब्मैंए केमैं 18:23

पावल एन्‍टिओखियार दे त्हिंइ टिसि च क्ल्ह्‍योउँइँले त्होंसि गलातिया नेरो फ्रिगिया जरेर्बै ताँन् चेलामैं सैं भोंसि लमिंदै ल्हें क्ल्ह्‍योजरै या ह्‍याइ।

२ कोरिन्थी 2:13

दिलेया चर ङए अलि तीतसलाइ त्‍होल् आयोंमा ङए सैं आतों। छतसि तीतसने घ्‍याँर त्‍होम् उ ङ्हाँसि चर्बै म्‍हिमैंने बिदा तसि ङ माकेडोनिया ह्‍युलउँइँ ह्‍याइ।

२ कोरिन्थी 7:6

दिलेया सैं च्‍योंब तब्‍मैंलाइ सैं थेब् लमिंबै परमेश्‍वरजी तीतस ङि ङाँर कुल्मिंसि ङिए सैं भोंब् लमिंइ।

२ कोरिन्थी 8:16

परमेश्‍वरलाइ धन्‍यबाद तरिगे, तलेबिस्याँ खीजी तीतसलाइ क्‍हेमैं ल्होमिंबै सैं पिंइमुँ।

२ कोरिन्थी 8:23

तीतस बिस्याँ ङए थु तसि ङने बालुन् क्हेमैंलाइ ल्होबै के लम्। चने बालु खबै अरू अलिमैं ख्रीष्‍टए मान तबै के लबर बिश्‍वासीमैंइ कुल्मिंब् ग।

२ कोरिन्थी 8:6

छतसि चु भेटि रेबै केर तीतसइ क्हेमैंलाइ ल्होरिगे धै क्हेमैंज्यै च छ्याँबै के पूरा लल् खाँरिगे बिसि ङइ चने यो छ्युँ लइमुँ। तलेबिस्याँ ओंसों ओंनोंन् तीतसइ छाबै के लसेन्मुँ।

गलाती 1:2

ङ नेरो ङने मुँबै ताँन् अलि-अङाँमैंउँइँले क्हेमैं गलातिया ह्‍युलर्बै बिश्‍वासीमैं ताँनलाइ जय मसीह मुँ।

फिलिप्पी 2:21

(चमैंइ खाबज्यै येशू ख्रीष्‍टए ताँला तोइ वास्‍ता आल, ह्रोंसए फायदा मत्‍त्रे म्हैम्।)

१ तिमोथी 6:10

तलेबिस्याँ ताँन् आछ्याँबै सैमैंए जरन् मारा-मुइए म्हाँया लब् ग। मारा-मुइए लोबइ लमा को-कोइ परमेश्‍वरए फिर बिश्‍वास लबन् पिवासि आछ्याँबै घ्याँउँइँ प्रयाइमुँ, धै चमैंए फिर सैदिलै आखाँन् तबै दुःख तइमुँ।

१ तिमोथी 6:17

चु ह्‍युलर्बै प्लबै म्हिमैंने थेब् आप्हैंन् बिद्, चमैं प्लब् आप्‍हैंरिगे, आटिक्‍दिबै सै न्होरर आशा आथेंरिगे, बरु चमैंए आशा ङ्योलाइ चैदिबै सैमैं तोन्दोंरि योल्‍ले ख्युल्‍ले पिंबै परमेश्‍वरए फिर थेंरिगे।

२ तिमोथी 1:15

एशिया ह्‍युलर्बै म्हिमैं ताँन् ङ ङाँइले स्योयाइ बिब क्हिइ सेइमुँ, स्योइ ह्‍याब्मैं न्होंरि फाइगेलस नेरो हेर्मोगेनेस बिब् ग।

२ तिमोथी 4:16

ङइ ओंसों रोमर्बै अड्डारि राइ पोंमा खाबज्यै या ङए ख आल। बरु ताँन् ङलाइ वाथेंसि छ्युडिह्‍याइ। दिलेया चु ताँए दोष चमैंलाइ आल्हैदिरिगे।

तीतस 1:4

क्हि नेरो ङए बिश्‍वास घ्रिन् तसेरो क्हि ङए च्‍ह धोंन् तइमुँ। परमेश्‍वर आबा नेरो ङ्योलाइ जोगेमिंबै येशू ख्रीष्‍टए दयाम्हाँया नेरो शान्ति क्हिए फिर तरिगे।

फिलेमोन 1:24

छलेन ङने बालु के लब्‍मैं मर्कूस, अरिस्‍तार्खस, डेमास नेरो लूकाज्यै या क्हिलाइ जय मसीह बिमिंइमुँ।

२ पत्रुस 2:15

ल्हें मुइए लोबइ लमा छ्याँबै घ्‍याँ पिसि चमैं आछ्याँबै घ्‍याँउँइँ ल्‍हैदिइमुँ। छले चमैं स्‍योंम्‍बै बओरए च्‍ह बालामए लिलि प्रइमुँ।