२ तिमोथी 3:8 - परमेश्‍वरए ताँ तमु क्युइर

⁸ यान्‍नेस नेरो याम्‍ब्रेसइ मोशाए बिरोध लब् धोंले छाबै स्योलिबै ताँ लोमिंब्‍मैंइ क्ह्रोंसेंन्बै ताँए बिरोध लम्। छाबै म्हिमैं मदि न्होंयाब्मैं, बिश्‍वास लल् आखाँबै म्हिमैं ग।

२ तिमोथी 3:8 Iomraidhean Croise

प्रस्थान 7:11

छतमा फारोज्यै या ह्रोंसए ह्रब सेब्मैं नेरो टुना मुना लब्मैं हुइबर कुलइ। धै च मिश्रर्बै जादु लब्मैंज्यै या ह्रों-ह्रोंसए न्होंर्बै सिपउँइँले छान् लइ।

प्रस्थान 7:22

दिलेया मिश्रर्बै जादु लब्मैंज्यै या ह्रोंसए न्होंर्बै सिपउँइँले छान् लइ। याहवेहजी बिब् धोंलेन् फारोए सैं सारो तसि चमैंए ताँ आथे।

प्रस्थान 8:18

धै जादु लब्मैंज्यै ह्रोंसए न्होंर्बै सिपउँइँले मोसो बनेल् म्हैइ, दिलेया बनेल् आखाँ। दिलेया म्हिमैं नेरो खेदोमैंने मोसो तरिइ।

प्रस्थान 8:7

छलेन जादु लब्मैंज्यै ह्रोंसए न्होंर्बै सिपउँइँले छान् लसि मिश्रर प्हद्गोमैं तेवाइ।

चेला चिब्मैंए केमैं 15:24

ङिए न्होंर्बै को-कोइ म्हिमैं चर ह्‍यासि स्योलिबै ताँमैं क्हेमैंलाइ लोमिंसि क्हेमैंए सैं ङ्हिरि लवासि दुःख पिंइ बिब ङिइ थेइमुँ। च म्हिमैं ङिंइ कुलब आङिं।

रोमी 1:28

म्‍हिमैंइ परमेश्‍वरलाइ पिंल् त्हुबै मान आपिं, छतसि चमैंइ तो लदा ङ्हाँम् लरिगे बिसि पिवाइ।

रोमी 16:18

तलेबिस्याँ छाबै म्‍हिमैंइ ङ्योए प्रभु येशू ख्रीष्‍टए ल्हागिर आङिं, दिलेया ह्रोंसए फोए ल्हागिर सेवा लम्। चमैंइ ननाओलिबै छ्याँबै ताँमैं पोंसि सोजो म्‍हिमैं धोका पिंम्।

एफिसी 4:14

धै ङ्यो कोलोमैं धों तरिब् आरे। म्हिमैंइ स्‍योर तेसि स्‍यो स्‍योबै ताँ लोमिंन बिलेया ङ्योइ च्हैब् मैंब् लल् खाँसि सैं ङ्हिं तरिब् आरे। च म्हिमैंइ लुसि स्योलिबै ताँ लोमिंलेया ङ्योइ क्‍वेंरिब् आरे।

१ तिमोथी 1:19

खोंयोंन् बिलै छ्याँबै सैंउँइँले बिश्‍वासर भोंब् तद्। तलेबिस्याँ को-कोइ म्हिमैंए सैं आछ्याँब तबइले चमैं बिश्‍वासउँइँले ह्रेंगो तयाइमुँ।

१ तिमोथी 4:2

छाबै ताँमैं स्‍योर तेबै म्हिमैंउँइँले खम्। चमैंए बुद्धि लाबै पैइ ख्रोंवाब् धों तम्।

१ तिमोथी 6:5

छाबै म्हिमैं मदि न्होंयाब्मैं नेरो क्ह्रोंसेंन्बै ताँ आक्वेंब्मैं ङाँर ह्‍यासि प्होंगि लल् म्हैम्, धै परमेश्‍वरए मिंर के लब् प्हैंसि ङ खैले प्लब् तब् ङ्‍हे बिसि चमैंइ मैंम्।

२ तिमोथी 4:15

छतसि क्हि या चउँइँले जोगेसि टिद्, तलेबिस्याँ ङिइ म्हिमैंने सैं तोंबै ताँ बिमा चइ बेल्‍ले बिरोध लइ।

तीतस 1:10

तलेबिस्याँ ल्‍हें म्‍हिमैं आगुए न्होंर टिदा आङ्हाँब, केर आफेबै ताँमैं ल्हें लब धै स्योर तेब्मैं तम्। चु छाबै केमैं ज्युर चिनु लब्मैंइ झन् ल्हें लम्।

तीतस 1:16

चमैंइ परमेश्‍वर ङो सेइमुँ बिम्, दिलेया चमैंइ परमेश्‍वरजी आखोबै केमैं लम्, तलेबिस्याँ चमैंइ छेरन् तबै बानि प्ह्‍याब्मैं, परमेश्‍वरजी बिब आङिंब्मैं, झाइले छ्याँबै केए ल्हागिर तोइ केरै आफेब्मैं तम्।

२ पत्रुस 2:14

चमैंए सैं खोंयोंन् बिलै म्रिंस्योमैं ङाँइन तमुँ। आछ्याँबै केमैं लसि चमैं खोंयोंइ आम्रें, सैं फैल् आखाँब्मैंलाइ चमैंइ फस्ला फुस्लु लवाम्, छाबै केमैं लबर चमैं तालिम् योंबै म्हिमैं धोंन् तब् मुँ, छतसि चमैं सराप योंल् त्हुबै म्हिमैं ग।

१ यूहन्‍ना 2:18

ओ ङइ खोबै कोलोमैं, आखिरि त्हे तखइमुँ। क्‍हेमैंइ “आखिरि त्हेर ख्रीष्‍टए बिरोधी त्‍होंब्‍मुँ” बिबै ताँ थेल। धै तिंजोरो ख्रीष्‍टए बिरोधीमैं ल्‍हें त्‍होंइमुँ। छतमा आखिरि त्हे तखन बिसि ङ्योइ सेल् खाँम्।

१ यूहन्‍ना 4:1

ओ ङइ खोबै थुमैं, “ङने परमेश्‍वरए प्ल्ह मुँ, ङ अगमबक्‍ता ग,” बिब्‍मैंए ताँ आक्‍वेंन्। चमैंइ पोंबै ताँ पबित्र प्ल्ह परमेश्‍वरउँइँले युबै ताँ ङिंब् उ आङिं बिसि छेनाले च्हैंब् मैंब् लद्। तलेबिस्याँ स्योलिबै ताँ पोंबै ल्हें अगमबक्‍तामैं खन्तोदोंन् फेनेइमुँ।

दर्शन 2:20

दिलेया क्‍हेमैंए बिरोधर चु ताँ ङइ बिल् त्हुइमुँ: क्‍हिइ ईजेबेल बिबै च्हमिरिलाइ क्हेमैंने बालुन् टिल् पिंइमुँ। चइ ह्रोंसलाइन अगमबक्‍ता ग बिसि बिइमुँ, दिलेया चइ ङए के लब्‍मैंलाइ वाँसि ब्यभिचार लले या, कुर चडेबै सै चले या तोइ आत बिसि लोमिंम्।

दर्शन 2:6

दिलेया निकोलाइटसए लिलि प्रब्मैंए के ङइ आखोब् धोंले क्‍हेमैंज्यै या चमैंए के आखोमना, चु ताँर क्हेमैंइ ठिक लइमुँ।