२ तिमोथी 3:2 - परमेश्‍वरए ताँ तमु क्युइर

² च त्हेर म्हिमैंइ ह्रोंसलाइ मत्‍त्रे म्हाँया लब, मुइए लोब लब, ह्रोंसन् थेब् प्‍हैंब, सैं सार तब, अरूलाइ म्हि आलल्‍ले पोंब, आबा-आमाइ बिब आङिंब, खाबइ तो सै पिंलेया धन्यबाद आपिंब धै परमेश्‍वर आम्हाँदिब गुन् आरेब अपबित्र तब्‍मुँ।

२ तिमोथी 3:2 Iomraidhean Croise

भजनमैं 10:3

तलेबिस्याँ दुष्‍टमैं ह्रोंसए सैंर मैंबै आछ्याँबै ताँर्न प्हैंरिम्, चमैंइ खोंबै म्हिलाइ आशिक पिंम्, धै याहवेहलाइ स्यारम्।

भजनमैं 49:6

प्लबै म्हिमैंइ खेंमैंए सै न्होरए फिर थेब् प्हैंसि ङलाइ म्हि आच्हिन् ललेया ङ ङ्हिंरिब् आरे।

भजनमैं 52:1

ओ भोंबै म्हि, आछ्याँबै केमैं लसि क्हि तले थेब् प्हैंल? क्हि तले त्हिंतिमिन् प्हैंरिम्? छाबै म्हि परमेश्‍वरजी तिफुँइ आखो!

हितोपदेश 6:17

ह्रिस खल्‍ले ङ्ह्‍योबै मि, स्योलिबै ताँ पोंबै ले, छ्याब आरेबै म्हि सैबै यो,

मत्ती 15:6

छतसि क्हेमैंइ ह्रोंसए छ्या म्हाँदिबै ल्हागिरि परमेश्‍वरजी बिबै ताँ आम्हाँदिइमुँ।

लूका 12:15

खीजी धबै चर मुँब्मैंने बिइ, “छेनाले मैंन्, नना ओलिबै लोब् आलद्, तलेबिस्याँ म्‍हि कति प्‍ल्हो‍ब तनाबिलेया सै न्होरउँइँले क्‍ह्रोंसेंन्‍बै छ्ह योंल् आखाँ।”

लूका 16:14

येशूजी बिबै ताँ थेसि फरिसीमैंइ खीए बिल्‍लि लइ। तलेबिस्याँ चमैंए ल्हागिर मुइ थेबै सै मुँल।

लूका 6:35

छले आङिं, ह्रोंसए शत्तुरमैंलाज्यै या म्‍हाँया लद्, चमैंए फिर ल्हयो खद्, एल् आखाँबै म्‍हिमैंलाज्यै या छे पिंन्। छलस्याँ परमेश्‍वरङाँइँले क्‍हेमैंइ थेबै इनाम योंब्‍मुँ। धै क्‍हेमैं ताँन् भन्दा थेबै परमेश्‍वरए च्ह-च्हमि ठर्दिब्‍मुँ, तलेबिस्याँ परमेश्‍वरजी बैगुनिमैं नेरो दुष्‍टमैं फिर ल्हयो खम्।

चेला चिब्मैंए केमैं 5:36

तलेबिस्याँ चु त्हे भन्दा ओंसों थुदासइ ङम् ङन् ग बिसि थेब् प्हैंल, धै चए लिलि योदा-अयोदा प्लिब्रादे म्हिमैं प्रल। छान् तलेया च सैवाइ, धै चए लिलि प्रब्मैं या ताँन् प्हुँयाँइ। छतमा चइ लबै के फाक्‍कर्न तयाइ।

रोमी 11:18

छतसि क्‍हेमैं च चोयाबै हाँग धों तबै यहूदीमैंलाइ हेल लल् आत। चमैं भन्दा ह्रोंसन् स्‍वाब मुँ ङ्हाँस्‍याँ, चु ताँ सैंर मैंन्: क्‍हेमैं सिं धुँने प्हेरबै हाँग धों तब्मैं मत्‍त्रे ग। क्‍हेमैंइ जरा आधाँदिइमुँ, बरु जराइ क्‍हेमैंलाइ धाँदिइमुँ।

२ कोरिन्थी 5:15

ङ्यो ह्रोंसए ल्हागिर छ्ह थोब आङिं, खीए ल्हागिर छ्ह थोरिगे बिसि येशू ख्रीष्‍ट ङ्योए ल्हागिर सिमिंसि धबै सोगों तइ।

फिलिप्पी 2:21

(चमैंइ खाबज्यै येशू ख्रीष्‍टए ताँला तोइ वास्‍ता आल, ह्रोंसए फायदा मत्‍त्रे म्हैम्।)

कलस्सी 3:5

छतसि क्‍हेमैं ह्‍युलर्बै सैजरे सैं आह्‍याद्: फ्रें क्ल्योंब नेरो रण्डिबाजी लसि फोहोरी के आलद्, छाडा आतद्, दुष्‍ट सैं आप्ह्‍याब नेरो लोब आलद्। लोब लबम् कु पूजा लब् धों तब् ग।

२ थेसलोनिकी 2:4

म्हिमैंइ म्हाँदिरिबै ताँन् सैमैं भन्दा खी थेब् ग बिसि म्हिमैंइ म्हाँदिरिबै सैमैंए बिरोध चइ लम्। धै ङन् परमेश्‍वर ग बिसि च परमेश्‍वरए मन्‍दिरर क्हुँम्।

१ तिमोथी 1:20

चमैं न्होंरि हुमेनियस नेरो अलेक्जेन्डर बिब छाबै म्‍हिमैं ग। चमैंइ परमेश्‍वरए बारेर आछ्याँबै ताँ आपोंरिगे बिसि ङइ चमैं दुष्‍टए योर्न पिंवाइ।

१ तिमोथी 1:9

मोशाइ च ठिममैं छ्याँबै के लब्‍मैंए ल्हागिर आपिं, ठिम आङिंब्मैं नेरो आछ्याँबै के लप्रब्मैंए ल्हागिर पिंइ बिसि क्हेमैंइ क्होल् त्हुम्। आबा आमा सैब्मैं, परमेश्‍वरलाइ आम्हाँदिब्मैं, आबा-आमा सैब्मैं, म्हि सैब्मैं,

१ तिमोथी 3:3

प्हा आथुँब, प्होंगि आलब, ह्रिस आखब, सैदिल् खाँब, मुइए लोब आलब तल् त्हुम्।

१ तिमोथी 6:10

तलेबिस्याँ ताँन् आछ्याँबै सैमैंए जरन् मारा-मुइए म्हाँया लब् ग। मारा-मुइए लोबइ लमा को-कोइ परमेश्‍वरए फिर बिश्‍वास लबन् पिवासि आछ्याँबै घ्याँउँइँ प्रयाइमुँ, धै चमैंए फिर सैदिलै आखाँन् तबै दुःख तइमुँ।

१ तिमोथी 6:4

च म्‍हि फाक्‍कर्न ह्रब सेब प्‍हैंम्, चइ तोइ आह्र, तोइ आसे। छाबै म्‍हिमैंइ स्योलिबै ताँ घ्रि लाछेंसि प्‍होंगि मिम्, छाबै ताँमैंउँइँलेन् ह्रिस लब, प्होंगि मिब, आब्रु वाब नेरो आछ्याँबै सैं मैंल् लम्।

२ तिमोथी 3:4

अझै चमैंइ अरूलइ धोका पिंब, खैचिज्हिले पोंब, ह्रब् प्‍हैंब, परमेश्‍वरए सैं तोंन् लबै साटोर चमैं मोज-मज्‍जा लब् खोब।

याकूब 2:8

बरु क्‍हेमैंइ परमेश्‍वरए छ्वेर प्ह्रिबै खीए ग्याल्सर्बै ताँमैं छेनाले म्हाँदिसि क्हेमैंइ “ह्रोंसए ङ्‍हेब् ट्हुब्मैंने ह्रोंसलाइन धोंले म्हाँया लद्!” बिबै ताँ ङिंस्याँ क्हेमैंइ छ्याँबै के लब्मुँ।

याकूब 4:16

दिलेया तोगो क्‍हेमैं ह्रों-ह्रोंसन् ह्रब् प्हैंसि चाँजो लम्। छाबै प्हैंबै ताँमैं ताँन् आछ्याँब् ग।

याकूब 4:6

दिलेया खीजी अझै दयाम्हाँया लम्। छतसि परमेश्‍वरए छ्वेर छले बिइमुँ, “थेब् प्हैंब्मैंलाइ खीजी आखो, दिलेया च्योंने तब्मैंए फिर दयाम्हाँया लम्।”

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”

२ पत्रुस 2:10

बिलन् त्हुमा च म्हिमैं छाब् तम्: चमैंइ ह्रोंसलाइन पापर च्होवाबै केमैं लम्। चमैंइ परमेश्‍वरजी ल्हैदिबै ताँ आङिं। धै छ्याँबै के लबै स्वर्गदूतमैंलाज्यै या चमैंइ तो धोंइ आङ्हाँन्ले पोंम्।

२ पत्रुस 2:12

च स्‍योलिबै ताँ लोमिंब्‍मैं बिस्‍याँ ह्रोंसइन क्होल् आखाँबै ताँमैंए ताँ लप्रम्। छाबै म्हिमैं क्ह्‍योंर टिबै चेत आरेबै खेदोमैं धों तम्। चमैंइ खेंमैंए सैंर तो मैंमुँ चन् लप्रम्। चुमैं क्‍हासि सैवाबै ल्हागिर फिबै खेदोमैं धोंलेन् नास तयाब्मुँ।

२ पत्रुस 2:18

चमैंइ ङिम् ङिन् ग बिब् प्हैंसि थे-थेबै ताँमैं लम्, धै भर्खर आछ्याँबै घ्याँ पिसि छ्याँबै घ्याँर ल्हैदिब्मैंलाइ ज्युउँइँले खबै इच्‍छार लोब उँइँमिंसि फस्ला फस्लु लवाम्।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।

यहूदाइ प्‍ह्रिबै प्ह्रिछ्या 1:16

च स्योलिबै ताँ लोमिंब्‍मैं प्होंगि कैगि लब्मैं, अरूलाइ छ्याब् ल्हैदिब्मैं, ह्रोंसए सैंउँइँले खबै आछ्याँबै ताँमैंए लिलि प्रब्मैं, थेब् प्‍हैंब्मैं, ह्रोंसए फायदाए ल्हागिर म्‍हिमैंलाइ वाँब्मैं ग।

दर्शन 13:1

च लिउँइँ मा ङ्युँउँइँले खेदो घ्रि त्‍होंरिब् ङइ म्रोंइ। च खेदोल रुँ च्‍यु, क्र ङि मुँल। चए रुँ ह्रोंसे मुकुट मुँल, क्र ह्रोंसे परमेश्‍वरए मिं वाबै आछ्याँबै मिं प्‍ह्रिल।

दर्शन 16:11

झाइले चमैंलाइ बेल्‍ले नल् लबै घा नेरो रुँइ दुःख पिंमा चमैंइ स्वर्गर्बै परमेश्‍वरए फिर गाल् केइ। दिलेया चमैं खेंमैंइ लबै पापउँइँले अझै सैं आए।

दर्शन 16:21

प्लिच्यु-प्लिच्यु किलोर्बै थे-थेबै तिस्‍यु मुउँइँले म्‍हिमैंए फिर युइ। छतमा बेल्‍ले थेबै दुःख तसि म्‍हिमैंइ परमेश्‍वरए फिर गाल् केइ।

दर्शन 16:9

छतसि त्‍हिंयाँ बेल्‍ले छसि म्‍हिमैंलाइ ख्रोंवाइ। धै चमैंइ च्हौ थेबै दुःख पिंल् खाँबै परमेश्‍वरए मिं स्यारइ। दिलेया चमैंइ खेंमैंइ लबै पापउँइँले अझै सैं आए, धै परमेश्‍वरए मानै या आल।