२ तिमोथी 2:25 - परमेश्‍वरए ताँ तमु क्युइर

²⁵ ह्रोंसने आक्‍ह्रिब्‍मैंलाज्यै या छेनाले लोदा सैंदा लल् खाँब तल् त्‍हुम्। छ लस्याँ परमेश्‍वरजी चमैंए सैं एसि क्ह्रोंसेंन्बै ताँ क्होबै सैं पिंलै।

२ तिमोथी 2:25 Iomraidhean Croise

मत्ती 11:29

ङए खर्गु नोद्, धै ङने बालु लोद्, तलेबिस्याँ ङ ताँनए फिर ल्हयो खम्, धै ङ थेब् आप्‍हैं। छतसि क्‍हेमैंए सैंर छिं ङ्हाँल् योंब्मुँ।

मत्ती 21:32

तलेबिस्याँ यूहन्‍ना छ्याँबै घ्‍याँ उँइँबर क्‍हेमैं ङाँर युँइ, दिलेया क्‍हेमैंइ चए फिर बिश्‍वास आल। दिलेया रोमी म्रुँए ल्हागिर बालि रेब्मैं नेरो फ्यालुस्योमैंइ चए फिर बिश्‍वास लइ। चु म्रोंसेया क्हेमैंइ पापउँइँले सैं आए, धै चए फिर बिश्‍वास आल।”

मर्कूस 1:15

येशूजी छ बिइ, “तारे त्हे तल् खाँइमुँ, परमेश्‍वरए ग्याल्स चेंदो तखइमुँ। छतसि पाप लब पिसि परमेश्‍वरउँइँ सैं एसि सैं तोंबै ताँ क्वेंन्।”

यूहन्‍ना 5:34

“दिलेया ङइ चैदिबै ग्वाइ म्हिमैंल् आङिं, बरु क्‍हेमैं जोगेल् योंरिगे बिसि ङइ चु ताँ बिब् ग।

चेला चिब्मैंए केमैं 11:18

चु ताँ थेसि यरूशलेमर्बै बिश्‍वासीमैंइ पत्रुसलाइ छ्याब् ल्‍हैदिब् पिवाइ, धै “तारे अरू ह्रेंर्बै म्हिमैंज्यै या मुक्‍ति योंरिगे बिसि परमेश्‍वरजी चमैंलाइ सैं एबै मौका पिंना!” बिसि चमैंइ ताँ क्होइ। झाइले चमैंइ परमेश्‍वरए मिं क्वेइ।

चेला चिब्मैंए केमैं 2:38

पत्रुसइ बिइ, “ङिइ आछ्याँबै केमैं लना बिसि क्‍हेमैं ताँनइ‍ ह्रों-ह्रोंसए आछ्याँबै केमैं पिसि परमेश्‍वरउँइँ सैं एद्, धै क्हेमैंए पाप क्षमा तबै ल्हागिर येशू ख्रीष्‍टए मिंर बप्‍तिस्‍मा किंन्। छलमा परमेश्‍वरउँइँले क्हेमैंइ पबित्र प्ल्हए बरदान योंब्मुँ।

चेला चिब्मैंए केमैं 20:21

यहूदीमैं नेरो ग्रिकमैंने पाप केमैं पिसि परमेश्‍वरउँइँ सैं एद् धै ङ्योए प्रभु येशूए फिर बिश्‍वास लद् बिसि ङइ ग्वाइ पिंइँमुँ।

चेला चिब्मैंए केमैं 5:21

चु ताँ थेसि चमैं न्हाँकार्न मन्दिर न्होंर होंसि म्हिमैंलाइ लोमिंबर होंइ। छतमा ख्रो पिंबै खेगि क्रथे नेरो चने बालु मुँब्मैंइ थेबै म्हि च्हों खागु लबर इस्रालिमैंए ताँन् चिबनाँब्मैं हुइइ। धै चमैंइ “चमैं पखो” बिसि झेलउँइँ म्हिमैं कुलइ।

चेला चिब्मैंए केमैं 5:31

इस्राएलीमैंइ परमेश्‍वरउँइँ सैं एसि पाप क्षमा योंरिगे बिसि परमेश्‍वरजी येशूलाइ म्रुँ नेरो जोगेमिंबै म्हि लमिंसि ह्रोंसए क्योलोउँइँ धाँसे नुल्‍ले थेंमिंइ।

चेला चिब्मैंए केमैं 8:22

छतसि क्हिइ ह्रोंसए चु दुष्‍ट केउँइँले सैं एद् धै प्रभुने प्राथना लद्, छलस्याँ क्हिइ मैंबै आछ्याँबै ताँमैं क्षमा योंलै।

गलाती 6:1

ओ ङए अलि-अङाँमैं, खाबज्यै आछ्याँबै केमैं लब स्यास्याँ क्हेमैं पबित्र प्ल्ह मुँबै म्हिमैं च्योंने तसि चलाइ छ्याँबै घ्याँर पखल् त्हुम्। झाइले क्‍हेमैं या छाबै आछ्याँबै केर आफसेरिगे बिसि छेनाले मैंब च्हैंब लसि न्ह क्रों मि क्रोंले टिल् त्‍हुम्।

१ तिमोथी 2:4

तलेबिस्याँ ताँन् म्हिमैंइ मुक्‍ति योंरिगे धै चमैंइ क्ह्रोंसेंन्बै ताँ था सेरिगे बिब खीए सैं मुँ।

१ तिमोथी 6:11

छतसि बाबु, क्‍हि परमेश्‍वरए म्‍हि ग। क्‍हिइ चु छाबै लोबए केमैं आलद्। बरु परमेश्‍वरए उँइँर छेनाले सेवा लबर, बिश्‍वासर, म्हाँयार, खैतबै दुःखन् तलेया भोंब् तसि सैदिसि थेब् आप्हैंनले ढुक्‍कले टिद्।

२ तिमोथी 3:7

छाबै च्हमिरिमैंइ लोबम् लोमुँ, दिलेया क्ह्रोंसेंन्बै ताँ खोंयोंइ क्‍होल् आखाँ।

तीतस 1:1

परमेश्‍वरए के लबै म्हि, येशू ख्रीष्‍टजी कुल्मिंबै चेला चिब ङ पावलउँइँले तीतसलाइ जय मसीह मुँ। परमेश्‍वरजी त्‍हाँबै म्‍हिमैंए बिश्‍वास भोंब् लमिंबर नेरो खीए उँइँर खैले छ्याँबै छ्ह थोल् त्‍हुम् बिबै क्ह्रोंसेंन्बै ताँ लोमिंबर खीजी ङ कुलब् ग।

तीतस 3:2

चमैंइ खाबै बारेरै या आछ्याँबै ताँ आपोंरिगे, प्होंगि आलरिगे, च्योंने तसि ताँन् म्‍हिने क्‍ह्रिसि छ्याँबै ब्यबार लरिगे।

याकूब 1:17

तलेबिस्याँ ताँन् छ्याँबै दान बरदानमैं त्हिंयाँ नेरो लयाँ बनेबै परमेश्‍वरउँइँले युम्। तलेबिस्याँ खी खोंयोंइ ङ्हरि कुरि आत।

१ पत्रुस 3:15

बरु ह्रोंसए सैं न्‍होंरि ख्रीष्‍टलाइ “प्रभु” मैंसि खीए सेवा छेनाले लद्। खाबज्यै या “क्हेमैंइ ख्रीष्‍टए फिर बिश्‍वास लसि तो योंम्?” बिसि ङ्योएस्याँ छ्याँबै सुँले ह्रिस आखल्‍ले ज्वाफ पिंबर खोंयोंइ बिले तयार तद्।

१ यूहन्‍ना 5:16

खाबज्‍यै या ह्रोंसए बिश्‍वासी अलि-अङाँइ पाप लरिब् म्रोंस्‍याँ, चइ लबै पाप केमैं नर्गर्न ह्‍याल् त्हुबै खालर्बै आङिंस्‍याँ, च अलि-अङाँए ल्हागिर चइ प्राथना लल् त्‍हुम्, धै नर्गर्न ह्‍याल् त्हुबै खालर्बै पाप आलबै म्हिलाइ परमेश्‍वरजी खोंयोंइ आखाँबै छ्ह पिंब्मुँ। दिलेया नर्गर्न ह्‍याल् त्हुबै खालर्बै पाप या मुँ। छाबै पाप केमैं लबै म्हिए ल्हागिर बिस्याँ परमेश्‍वरने प्राथना लमिंरिगे बिसि ङइ आबि।