२ तिमोथी 2:10 - परमेश्‍वरए ताँ तमु क्युइर

¹⁰ छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

२ तिमोथी 2:10 Iomraidhean Croise

हितोपदेश 8:35

तलेबिस्याँ खाबइ ङलाइ त्होमुँ, चइ छ्ह योंम् धै याहवेहजी चए फिर ल्हयो खम्।

मत्ती 24:22

दिलेया च दुःखए त्हिंइ परमेश्‍वरजी आघटिमिंस्याँ खाबै या सोल् आखाँमल। छतसि परमेश्‍वरजी खीजी त्हाँबै म्‍हिमैं सोरिगे बिसि च त्हिंइ घटिमिंब्मुँ।

मत्ती 24:24

तलेबिस्याँ ‘ङ परमेश्‍वरजी कुल्मिंबै म्रुँ ख्रीष्‍ट ग’ बिसि स्‍योर तेब्मैं खब्मुँ। चमैंइ थे-थेबै चिनुमैं नेरो प्लेटोयान् तबै केमैं लसि उँइँब्मुँ, धै परमेश्‍वरजी त्हाँबै म्‍हिमैं खेंमैं ङाँइ बोल् म्‍हैब्‍मुँ।

मत्ती 24:31

झाइले थेबै कैलै थुतुरि ह्रासि खीजी ह्रोंसए स्‍वर्गदूतमैं कुल्‍मिंब्‍मुँ। धै खीजी त्हाँबै म्हिमैं मुर्बै छेउ घ्रिउँइँले अर्को छेउ समा ह्‍युलर्बै ताँन् क्ल्ह्‍योउँइँले स्‍वर्गदूतमैंइ खी ङाँर खागु लब्मुँ।”

लूका 18:7

छलेन परमेश्‍वरजी त्हाँबै म्हिमैंइ त्हिंयाँ म्हुँइँस खीने प्राथना लब्मैंए निसाफ खीजी आलमिं रो वा? क्हेमैंए ल्हागिर निसाफ लमिंबर खीजी क्हैल् लम् रो वा?

लूका 22:57

दिलेया पत्रुसइ च च्हमिरिने “ओ नानि, ङइ खी ङो आसे,” बिइ।

यूहन्‍ना 11:52

यहूदी ह्रेंए ल्हागिर मत्‍त्रे आङिं, दिलेया खन्तोंदोंन् प्हुँयाबै परमेश्‍वरए सन्तानमैं खागु लसि घ्रि लबै ल्हागिर येशू सिब्मुँ।

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

यूहन्‍ना 17:9

“ङ चमैंए ल्हागिर प्राथना लमुँ। ह्‍युलर्बै म्हिमैंए ल्हागिर प्राथना आल, दिलेया क्हिजी ङने पिंबै म्हिमैंए ल्हागिर ङ प्राथना लमुँ, तलेबिस्याँ चमैं क्हिलन् ग।

रोमी 2:7

तोन् तलेया छ्याँबै के लसि स्‍याबासि, इजेत नेरो खोंयोंइ आखाँबै छ्ह म्‍हैब्मैंलाइ परमेश्‍वरजी खोंयोंइ आखाँबै छ्ह पिंब्‍मुँ।

रोमी 9:23

चमैंलाइ तले सैदिइ बिस्‍याँ परमेश्‍वरजी खीए बेल्‍ले थेबै मान तबै चारबै ह्‍वे ताँनलाइ उँइँबै सैं लइ। च ह्‍वे ङ्योज्‍यै या योंरिगे बिसि ङ्योलाइ थेबै केर फेबै भाँडो धों तब् लमिंइ,

१ कोरिन्थी 1:21

तलेबिस्याँ परमेश्‍वरए बुद्धिउँइँलेन् म्‍हिमैंइ ह्रोंसने बुद्धि मुँब् धों ङ्हाँलेया चमैंइ खेंमैंए “बुद्धिउँइँले” खीलाइ ङो सेल् आखाँ। छतसि ङ्योइ बिप्रबै सैं तोंबै ताँउँइँलेन् खीजी ह्रोंसए फिर बिश्‍वास लब्‍मैंलाइ जोगेबै चाँजो लइ।

१ कोरिन्थी 9:22

छलेन बिश्‍वासर आभोंब्मैंए बिश्‍वास भोंब् तरिगे बिसि ङै या बिश्‍वासर आभोंब्मैं धोंन् तइ। खैले तमुँ छले खाब् आङिं खाबइ प्रभुए फिर बिश्‍वास लरिगे बिसि म्हिमैं खै तल ङै या छान् तल।

२ कोरिन्थी 1:6

परमेश्‍वरजी क्हेमैंलाइ जोगेमिंसि ल्होमिंरिगे बिसि ङिइ दुःख नोसिन् मुँ। धै परमेश्‍वरजी ङिए दुःखर ल्होमिंब् धोंले खीजी क्हेमैंलाज्यै या ल्होमिंब्मुँ, झाइले ङिइ नोब् धों तबै दुःख क्हेमैंज्यै या नोस्याँ क्‍हेमैंइ सैदिबै भों योंम्।

२ कोरिन्थी 12:15

क्‍हेमैंए ल्हागिर सैं तोंदै ङने मुँबै ताँन् सै न्होर नेरो ङए ज्यु या पिंब्मुँ। छले ङइ क्‍हेमैंए फिर ल्हें म्हाँया लसेरो क्‍हेमैंइ ङलाइ च्युगुदे म्हाँया लब् वा?

२ कोरिन्थी 4:15

तलेबिस्याँ ङिइ दुःख नोदै के लब क्‍हेमैंए ल्हागिर्न ग। खैले परमेश्‍वरए दयाम्हाँया ल्हें म्‍हिमैंइ योंइमुँ, छलेन परमेश्‍वरए मान कति थेब मुँ बिसि धन्‍यबाद पिंब्‍मैं या ल्हेंन् तब्मुँ।

२ कोरिन्थी 4:17

तलेबिस्याँ ङिइ योंबै तिस्याँबै च्‍युगुथिरि दुःखइ ङिए ल्हागिर खोंयोंइ आखाँबै छ्ह नेरो थेबै मान योंबै के लइन मुँ।

एफिसी 3:13

छतसि ङ क्‍हेमैंने यो छ्युँ लमुँ, क्हेमैंए ल्हागिर ङइ दुःख नोब् म्रोंसि क्‍हेमैं सैं च्योंब् आलद्, तलेबिस्याँ ङइ दुःख नोबइले क्‍हेमैंल फायदा तइमुँ।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।

१ थेसलोनिकी 5:9

तलेबिस्याँ परमेश्‍वरजी ङ्योलाइ दण्ड पिंबै ल्हागिर त्‍हाँब आङिं, दिलेया ङ्योए प्रभु येशू ख्रीष्‍टउँइँले जोगेबर ओंसों ओंनोंन् खीजी ङ्योलाइ त्‍हाँब् ग।

२ थेसलोनिकी 2:14

ङिइ क्हेमैंने बिबै सैं तोंबै ताँउँइँले ङ्योए प्रभु येशू ख्रीष्‍टए मान क्हेमैंज्यै या योंरिगे बिसि परमेश्‍वरजी क्हेमैं हुइब् ग।

२ तिमोथी 1:1

ङ पावलउँइँले तिमोथीलाइ जय मसीह मुँ। परमेश्‍वरए इच्छा अनुसार येशू ख्रीष्‍टजी ङ कुल्मिंबै चेला चिब तबर त्हाँइ। येशू ख्रीष्‍टउँइँले छ्ह योंम् बिसि परमेश्‍वरजी फैबै बाछाए ताँ बिप्रबै ल्हागिर खीजी ङलाइ कुलइमुँ।

२ तिमोथी 2:1

छतसि ओ, ङए च्‍ह तिमोथी, येशू ख्रीष्‍टउँइँले योंबै दयाम्हाँयार क्हि बेल्‍ले भोंब तद्।

२ तिमोथी 2:3

येशू ख्रीष्‍टजी बिब् ङिंबै सिपाइ तसि दुःख नोल् त्हुलेया ङिइ सैदिब् धोंलेन् क्हिज्यै या सैदिद्।

तीतस 1:1

परमेश्‍वरए के लबै म्हि, येशू ख्रीष्‍टजी कुल्मिंबै चेला चिब ङ पावलउँइँले तीतसलाइ जय मसीह मुँ। परमेश्‍वरजी त्‍हाँबै म्‍हिमैंए बिश्‍वास भोंब् लमिंबर नेरो खीए उँइँर खैले छ्याँबै छ्ह थोल् त्‍हुम् बिबै क्ह्रोंसेंन्बै ताँ लोमिंबर खीजी ङ कुलब् ग।

१ पत्रुस 2:10

ओंसों क्‍हेमैं परमेश्‍वरए म्हिमैं आतल, दिलेया तिंजोरो क्हेमैं खीए म्हिमैं तइमुँ। ओंसों क्हेमैंइ परमेश्‍वरए म्हाँया आयोंल, दिलेया तिंजोरो क्‍हेमैंइ परमेश्‍वरए म्हाँया योंइमुँ।

१ पत्रुस 5:10

दयाम्हाँया मुँबै परमेश्‍वरजी क्हेमैंलाइ येशू ख्रीष्‍टने घ्रिन् लमिंइमुँ, धै खीजी योंब् धों तबै खोंयोंइ आनुबै मान ङ्योज्यै या योंरिगे बिसि खीजी ङ्योलाइ त्‍हाँइमुँ। क्‍हेमैंइ तिस्याँदे दुःख योंबै लिउँइँ खीजीन् क्हेमैंलाइ धबै छारा लमिंसि, भोंसि लमिंब्मुँ धै बेल्‍ले शक्‍ति मुँब लमिंब्‍मुँ।