२ तिमोथी 1:9 - परमेश्‍वरए ताँ तमु क्युइर

⁹ परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

२ तिमोथी 1:9 Iomraidhean Croise

मत्ती 1:21

चइ च्‍ह घ्रि फिब्‍मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्‍हिमैंलाइ चमैंए पापउँइँले जोगेमिंब्‍मुँ।”

लूका 10:21

च त्‍हेर्न येशू परमेश्‍वरए पबित्र प्ल्हजी प्लिंसि सैं तोंदै बिइ, “ओ आबा, स्वर्ग नेरो पृथ्‍बीर्बै क्‍ल्‍हे क्हिन् ग, ज्ञान मुँब्‍मैं नेरो ह्रब्-सेब्मैंउँइँले लोथेंबै छ्याँबै ताँ कोलोमैं धों तबै तोइ आह्र आसेब्मैंलाइ क्‍हिइ क्होमिंइमुँ। ओ आबा, क्‍हिजी छान् लब छ्याँब ङ्हाँइ। छतसि ङ क्हिलाइ धन्यबाद पिंमुँ।

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

यूहन्‍ना 17:9

“ङ चमैंए ल्हागिर प्राथना लमुँ। ह्‍युलर्बै म्हिमैंए ल्हागिर प्राथना आल, दिलेया क्हिजी ङने पिंबै म्हिमैंए ल्हागिर ङ प्राथना लमुँ, तलेबिस्याँ चमैं क्हिलन् ग।

यूहन्‍ना 6:37

ङए आबाजी ङने पिंब्‍मैं ताँन् ङ ङाँर खब्‍मुँ, धै ङ ङाँर खब्‍मैंलाइ ङइ खैलसे या पिरिब् आरे।

चेला चिब्मैंए केमैं 15:18

बिसि याहवेहजी बिइमुँ। खीजी चु ताँ स्योंम् ओंनोंन् था सेल् पिंइँमुँ।’

चेला चिब्मैंए केमैं 2:47

झाइले परमेश्‍‍वरए मिं क्वेदै, ताँन् म्हिमैंउँइँले मान योंमल। धै प्रभुजी त्हिंइ ह्रोंसे जोगेमिंबै म्‍हिमैं चमैंए फिर थप्‍दिमिंब्रें लमल।

रोमी 11:14

चु केइ लमा ह्रोंसए ह्रेंर्बै म्‍हिमैंज्‍यै या क्‍हेमैं म्रोंसि ह्रिस लसि को-कोइ परमेश्‍वर ङाँइ सैं एल् खाँलै।

रोमी 11:29

तलेबिस्याँ परमेश्‍वरजी खीजी त्‍हाँबै म्हिमैंलाइ युगुर्ले आत्‍याग्‍दि, धै खीजी पिंबै आशिकमैं या आप्हें।

रोमी 16:25

ङ्यो ताँनइ परमेश्‍वरए मिं थेब लले! खीजी क्‍हेमैंलाइ बिश्‍वासर भोंसि लमिंल् खाँम्। येशू ख्रीष्‍टउँइँले खबै सैं तोंबै ताँ ङइ बिप्रमा जुग जुग ओनोंन् लोथेंबै ताँ तारे छर्लङ्ग तसि ताँनइ सेइमुँ।

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

रोमी 9:11

चमैंइ छ्याँब आछ्याँब तोइ आलमन् फो न्होंर मुँमन् चमैंए के ङ्‌ह्‍योसि आङिं, बरु परमेश्‍वरजी बिब् धोंलेन्, च च्हमैं ङ्हिंर घ्रिलाइ त्हाँल बिबै प्रमाण उँइँबर

रोमी 9:24

तलेबिस्याँ खीजी हुइबै म्‍हिमैं ङ्यो ग। खीजी यहूदीमैं मत्‍त्रे हुइब आङिं, अरू ह्रेंमैंलाज्यै या हुइमुँ।

१ कोरिन्थी 1:18

तलेबिस्याँ ङ्योए पाप ख्रुमिंबै ल्हागिर येशू ख्रीष्‍टजी क्रूसर ख्रो पिंब् ग बिबै ताँ नास तबर होंब्मैंइ बुद्धि आरेब्मैंए ताँ धों ङ्हाँम्, दिलेया येशूए फिर बिश्‍वास लसि पापउँइँले फ्रेब्मैंइ बिस्याँ ङ्योए ल्हागिर चु ताँ परमेश्‍वरए शक्‍ति ग ङ्हाँम्।

एफिसी 1:11

खीजी मैंबै ताँन् केमैं परमेश्‍वरजी ह्रोंसए चाँजोर्न लम्। छले खीजी ओंसोंन् चाँजो लबइले ङि यहूदीमैंलाइ ख्रीष्‍टने घ्रिन् लमिंसि खीए म्‍हिमैं तबर त्हाँइ।

एफिसी 1:9

येशू ख्रीष्‍टउँइँलेन् पूरा लब्‍मुँ बिसि परमेश्‍वरजी ओंसों ओंनोंन् मैंल। छतसि ख्रीष्‍टउँइँले तोगो खीजी च ताँ ङ्योलाइ सेल् पिंइमुँ।

एफिसी 2:5

छतसि ङ्योइ पाप लसि सिल् त्हुलेया खीजी ङ्योलाइ ख्रीष्‍टने बालुन् सोगों लमिंइ। परमेश्‍वरए थेबै दयाम्हाँयाजी क्‍हेमैंलाइ जोगेमिंइमुँ।

एफिसी 3:11

च चाँजो ह्‍युल बनेब् भन्दा ओंसों ओंनोंन् परमेश्‍वरजी मैंसि ङ्योए प्रभु येशू ख्रीष्‍टउँइँले पूरा लइ।

फिलिप्पी 3:14

छतसि परमेश्‍वरजी ख्रीष्‍ट येशूर थेंमिंबै स्वर्गर्बै आशिक योंबर फेल् त्हुबै क्ल्ह्‍योर फेबै ल्हागिर ङ भोंन्ले ओंसों बडिसेन्मुँ।

१ थेसलोनिकी 4:7

परमेश्‍वरजी ङ्योलाइ आछ्याँबै केर प्रबर आङिं, बरु पबित्र छ्ह थोबै ल्हागिर हुइब् ग।

१ तिमोथी 1:1

ङ पावलउँइँले तिमोथीलाइ जय मसीह मुँ। ङ्योलाइ मुक्‍ति पिंबै परमेश्‍वर नेरो ङ्योलाइ क्ह्रोंसेंन्बै आशा पिंबै ख्रीष्‍ट येशूजी बिबइले ङ येशू ख्रीष्‍टजी कुल्मिंबै चेला चिब तइमुँ।

२ तिमोथी 1:1

ङ पावलउँइँले तिमोथीलाइ जय मसीह मुँ। परमेश्‍वरए इच्छा अनुसार येशू ख्रीष्‍टजी ङ कुल्मिंबै चेला चिब तबर त्हाँइ। येशू ख्रीष्‍टउँइँले छ्ह योंम् बिसि परमेश्‍वरजी फैबै बाछाए ताँ बिप्रबै ल्हागिर खीजी ङलाइ कुलइमुँ।

तीतस 1:2

खोंयोंन् बिलै स्योर आतेबै परमेश्‍वर आबाजी सृष्‍टि लब् भन्दा ओंसोंन् खोंयोंइ आखाँबै छ्ह चमैंलाइ पिंम् बिबै बाछा खीजी लल।

हिब्रू 3:1

छतसि ओ परमेश्‍वरजी त्‍हाँबै ङिने स्वर्गर्बै हग योंबै अलि अङाँमैं, ङ्योइ बिश्‍वास लबै ङ्योए खेगि क्रथे येशूलाइ मैंन्।

१ पत्रुस 1:20

परमेश्‍वरजी ह्‍युल बनेब् भन्दा ओंसोंन् ख्रीष्‍टलाइ त्‍हाँल, दिलेया क्हेमैं जोगेबै ल्हागिर चु नुखबै त्हेर खी युइ।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।