२ तिमोथी 1:6 - परमेश्‍वरए ताँ तमु क्युइर

⁶ छतसि ङइ क्‍हिए फिर यो थेंसि प्राथना लमा, परमेश्‍वरजी क्हिलाइ पिंबै बरदानमैं आम्‍लेद्। परमेश्‍वरजी पिंबै बरदान अनुसार्बै केमैं क्हिइ लरिद्।

२ तिमोथी 1:6 Iomraidhean Croise

प्रस्थान 35:26

पै पेरल् ह्रबै च्हमिरिमैंइ रए मुइ पेरइ।

प्रस्थान 36:2

छतसि बजलेल, ओहोलीआब नेरो याहवेहजी ज्ञान नेरो सिपमैं पिंबै ताँन् म्हिमैं मोशाइ हुइसि के लद् बिसि ल्हैदिइ।

लूका 19:13

झाइले खी ह्‍याब् भन्दा ओंसों ह्रोंसए के लबै म्हिमैं च्‍युउलो हुइसि ‘ङ आएखन् समा चु माराए सिक्‍काउँइँले छों लद्,’ बिसि माराए सिक्‍का घ्रि घ्रि पिंइ।

चेला चिब्मैंए केमैं 19:6

झाइले पावलइ चमैंए फिर यो थेंमा पबित्र प्ल्ह चमैं फिर युइ, धै चमैं स्यो-स्योबै क्युइर पोंब नेरो अगमबाणि लबर होंइ।

चेला चिब्मैंए केमैं 6:6

चमैंइ च त्हाँबै म्हिमैं कुल्मिंबै चेला चिब्मैंए उँइँर पखइ धै कुल्मिंबै चेला चिब्मैंइ चमैंए फिर यो थेंसि प्राथना लमिंइ।

१ थेसलोनिकी 5:19

परमेश्‍वरए प्ल्हजी बिब क्‍हेमैंइ ङिंनु।

१ तिमोथी 4:14

अगमबक्‍तामैंइ पोंब् धोंले चजर्बै एल्डरमैंइ क्हिए क्रर यो थेंसि प्राथना लमा परमेश्‍वरउँइँले क्हिइ योंबै बरदानए हेल आलद्।

१ तिमोथी 4:6

प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्‍वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्‍हि येशू ख्रीष्‍टए के लबै छ्याँबै म्‍हि तब्‍मुँ।

२ तिमोथी 2:14

छतसि च्युथिरि ताँमैं लाँछेंसि छ तइ छु तइ आबि प्रद् बिसि चमैंने बिद्, तलेबिस्याँ परमेश्‍वरए प्हसेमैं छ तब आङ्‍हें, छाबै ताँमैंइ म्हिए सैं मत्‍त्रे न्होंवाम्। छाबै ताँमैंइ तोइ फायदा आत।

२ तिमोथी 4:2

प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।

हिब्रू 6:2

बप्‍तिस्मा बारेर्बै ताँमैं, यो थेंसि आशिक पिंबै ताँमैं, परमेश्‍वरजी म्हिमैं सिबउँइँले धबै सोगों लमिंबै ताँमैं धै परमेश्‍वरजी म्हिमैंए निसाफ लमा खोंयोंइ दण्ड योंरिल् त्हुम् बिबै ताँमैं लाछेंरि आटिले।

२ पत्रुस 1:12

चु ताँन् ताँमैं क्‍हेमैंइ सेलेया, क्‍हेमैंने मुँबै चु क्ह्रोंसेंन्बै ताँर क्‍हेमैं दर मुँलेया, क्हेमैंइ चु ताँ आम्‍लेरिगे बिसि ङइ चु ताँमैं क्‍हेमैंने खोंयोंइ बिरिब् ग।

२ पत्रुस 3:1

ओ ङए खोबै थुमैं, ङइ धबै क्‍हेमैंलाइ चु प्ह्रिछ्या प्ह्रिइमुँ। क्‍हेमैंए सैंर खोंयोंन् बिलै छ्याँबै ताँ खरिगे बिसि क्‍हेमैंइ म्‍लेयाबै ताँमैं धबै मैंल् लमिंबर ङइ चु प्ह्रिछ्या ङ्हिंना-ङ्हिंनर्न क्हेमैंए सैंर भों खल् लमिंबै ताँमैं प्ह्रिइमुँ।

यहूदाइ प्‍ह्रिबै प्ह्रिछ्या 1:5

क्‍हेमैंइ चु ताँ ओंसोंन् था सेल् खाँल। दिलेया धबै क्हेमैंलाइ तिब्ले मैंमिंदा ङ्हाँइ, प्रभुजी इस्राएलीमैंलाइ मिश्र ह्‍युलउँइँले जोगेसि पखल, दिलेया चमैं न्होंरि लिउँइँ बिश्‍वास आलब्मैंलाइ परमेश्‍वरजी नास लवाइ।