२ तिमोथी 1:4 - परमेश्‍वरए ताँ तमु क्युइर

⁴ ङ्यो फ्रेबै त्हेर क्‍हिइ पिबै मिग्लि मैंमा त्हियाँ-म्हिसा ङ खोंयों क्हिने त्होसि सैं तोंल् योंब् ङ्‍हे ङ्हाँइमुँ।

२ तिमोथी 1:4 Iomraidhean Croise

भजनमैं 126:5

क्रोदै प्लु प्लुब्मैंइ सैं तोंबै क्वे प्रिंदै खैंब्मुँ।

यूहन्‍ना 16:22

छलेन तोगो क्हेमैंलाइ शोक तमुँ। दिलेया ङ धबै क्‍हेमैंने त्‍होयुमा क्‍हेमैंए सैं बेल्‍ले तोंब्‍मुँ। धै खाबज्यै क्हेमैंलाइ सैं आतोंल् लल् खाँरिब् आरे।

यूहन्‍ना 16:24

तोगो समा ङए मिंरि क्‍हेमैंइ आबाने तोइ आह्रिइमुँ। तारे ह्रिद् क्‍हेमैंइ योंब्मुँ। झाइले क्‍हेमैं बेल्‍ले सैं तोंल् योंब्‍मुँ।

चेला चिब्मैंए केमैं 20:19

च्योंने तसि मिक्लि पिदै यहूदीमैंइ लबै जाल झेलर ने दुःख कष्‍टरै या ङइ प्रभुए सेवा लइ।

चेला चिब्मैंए केमैं 20:31

छतसि चु ताँ मैंसि छेनाले टिद्! सोंदिं समन् त्हिंयाँ म्‍हुँइँसा मिक्लि पिंदै ताँन् म्हिमैंने ङइ लोमिंबै ताँ आम्‍लेद्।

रोमी 1:11

तलेबिस्याँ परमेश्‍वरए ताँमैं अझै छेनाले लोमिंसि क्हेमैंलाइ बिश्‍वासर भोंब् लमिंबै ल्हागिर ङ क्हेमैं ङाँर खदा ङ्हाँइमुँ।

फिलिप्पी 1:8

क्‍हेमैंए फिर ख्रीष्‍ट येशूजी खैले म्हाँया लमुँ, छलेन ङज्यै या क्‍हेमैं ताँनए फिर म्हाँया लसि साँ खम्। चु ताँ परमेश्‍वरज्यै सेइमुँ।

फिलिप्पी 2:26

तलेबिस्याँ क्‍हेमैंइ च नइ बिबै ताँ थेसि चइ न्हुँ लइमुँ। छतसि चइ क्‍हेमैंए साँ खसि त्होबै सैं लइमुँ।

१ थेसलोनिकी 2:17

ओ अलि-अङाँमैं, क्‍हेमैंने फ्रेदा आङ्हाँलेया क्हेमैंउँइँले दे त्हिंइए ल्हागिर फ्रेयाल् त्हुइ। म्हि फ्रेसि ह्रेंगो तलेया सैंर आफ्रेइमुँ। छतसि ङि धबै क्‍हेमैंने त्‍होखबै सैं मुँ।

२ तिमोथी 4:21

खाँन् समा क्हि सर्ख खब् भन्दा ओंसोंन् खो। युबुलस, पुडेस, लिनस, क्‍लौडिया नेरो चुर्बै ताँन् बिश्‍वासी अलि-अङाँमैंइ क्हिलाइ जय मसीह बिमिंइमुँ।

२ तिमोथी 4:9

छतसि खाँन् समा ङ ङाँर युनन् खो।

१ यूहन्‍ना 1:4

छतसि ङ्यो ताँन् बेल्‍ले सैं तोंल् योंरिगे बिसि क्‍हेमैंए ल्हागिर ङिइ चु ताँ प्‍ह्रिइमुँ।

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”

दर्शन 7:17

तलेबिस्याँ राजगद्दिए म्‍हाँजोर मुँबै क्‍यु च्हजजीन् चमैंए प्‍ह्रोंछैं तसि रक्षा लब्मुँ, धै खोंयोंइ आखाँबै छ्ह योंबै क्‍युए मूलर खीजी चमैंलाइ डोरेसि बोमिंब्‍मुँ। धै परमेश्‍वरजी चमैंए मिर्बै मिग्लि फ्‍योमिंब्‍मुँ।”