२ तिमोथी 1:2 - परमेश्‍वरए ताँ तमु क्युइर

² ओ ङइ खोबै च्ह तिमोथी, ङ्योए परमेश्‍वर आबा नेरो ङ्योए प्रभु येशू ख्रीष्‍टए दयाम्हाँया नेरो शान्ति क्हिए फिर खोंयोंन् बिलै तरिगे।

२ तिमोथी 1:2 Iomraidhean Croise

चेला चिब्मैंए केमैं 16:1

पावल डर्बि नेरो लुस्‍त्रा बिबै सहररै या खइ। चर तिमोथी मिं मुँबै चेला घ्रि मुँल। चए आमा येशूए फिर बिश्‍वास लबै यहूदीस्यो मुँल, आबा बिस्याँ ग्रिक ह्रेंर्बै म्हि मुँल।

रोमी 1:7

परमेश्‍वरजी क्‍हेमैंए फिर म्हाँया लसि खीए म्‍हिमैं तरिगे बिसि त्‍हाँइमुँ। छतसि क्‍हेमैं रोमर टिब्‍मैंलाइ ङइ चु ताँमैं प्‍ह्रिसिन् मुँ: ङ्योए परमेश्‍वर आबा नेरो प्रभु येशू ख्रीष्‍टउँइँले क्‍हेमैंए फिर दयाम्हाँया नेरो शान्‍ति तरिगे।

रोमी 12:19

ओ ङए खोबै अलि-अङाँमैं, ह्रोंसए न्होह्रों लब्मैंने खोंयोंइ खि आकिंन्। चमैंलाइ परमेश्‍वरए ह्रिसर्न पिवाद्, तलेबिस्याँ “खि किंबै के ङल् ग, ङजीन् खि किंब्‍मुँ,” बिसि छ्वेर प्ह्रिइमुँ।

१ कोरिन्थी 4:17

ङइ क्हेमैं ङाँर प्रभुए फिर बिश्‍वास लबै खोबै तिमोथी कुलइमुँ। च ङए च्‍ह धोंन् तब् ग। ङइ क्ल्ह्‍यो-क्ल्ह्‍योर्बै बिश्‍वासीमैंलाइ लोमिंब् धोंलेन् ख्रीष्‍टर ङइ खैबै छ्ह थोइमुँ बिबै ताँ चइ क्‍हेमैंने बिब्‍मुँ।

फिलिप्पी 4:1

छतसि, ङइ खोबै अलि-अङाँमैं, छलेन् क्हेमैं प्रभुए भोंब् तरिद्। ङइ क्‍हेमैंलाइ म्हाँया लमुँ, धै क्हेमैंए साँ खरिम्। क्हेमैंइ ङए सैं तोंन् लमिंइमुँ छतसि क्हेमैं ङए मुकुट ग।

१ तिमोथी 1:2

क्हिइ येशूए फिर बिश्‍वास लबइले क्हि ङए क्ह्रोसेंन्बै च्ह ग। परमेश्‍वर आबा नेरो ङ्योए प्रभु येशू ख्रीष्‍टउँइँले खोंयोंन् बिलै क्हिए फिर दयाम्हाँया, आशिक नेरो शान्ति तरिगे।

२ तिमोथी 2:1

छतसि ओ, ङए च्‍ह तिमोथी, येशू ख्रीष्‍टउँइँले योंबै दयाम्हाँयार क्हि बेल्‍ले भोंब तद्।

तीतस 1:4

क्हि नेरो ङए बिश्‍वास घ्रिन् तसेरो क्हि ङए च्‍ह धोंन् तइमुँ। परमेश्‍वर आबा नेरो ङ्योलाइ जोगेमिंबै येशू ख्रीष्‍टए दयाम्हाँया नेरो शान्ति क्हिए फिर तरिगे।

तीतस 2:13

छाबै छ्ह थोमा ङ्योइ थेंबै आशा तो जा बिस्याँ: ङ्योए ताँन् भन्दा थेबै परमेश्‍वर ङ्योलाइ जोगेमिंबै येशू ख्रीष्‍ट थेबै मानले युबै त्हिंइ पैंरिब् ग।

३ यूहन्‍ना 1:4

ङए कोलोमैं छले क्ह्रोंसेंन्‍बै घ्याँर प्रइमुँ बिबै ताँ थेमा चु भन्दा थेबै सैं तोंन् लबै ताँ ङए ल्हागिर अरू तोइ आरे।