२ तिमोथी 1:10 - परमेश्‍वरए ताँ तमु क्युइर

¹⁰ चु दयाम्हाँया ङ्यो मुक्‍ति पिंबै येशू ख्रीष्‍ट युसि उँइँमिंइँमुँ। खीजी कालए फिर ट्होगों तसि खोंयोंइ आखाँबै छ्हलाइ सैं तोंबै ताँउँइँले था सैमिंइमुँ।

२ तिमोथी 1:10 Iomraidhean Croise

लूका 11:36

क्‍हिए ज्युर मिछु आतल्‍ले ज्यु तिगोंन् चारब सै मुँस्‍याँ बत्ति चारब धोंले क्‍हिए ज्युउँइँले परमेश्‍वर‍ए मिं चारब्मुँ।”

लूका 13:7

चइ के लबै म्हिने ‘ङइ चु तुँबु धुँर रो म्‍हैब सोंदिं तइ, दिलेया खोंयोंइ रो आरो। क्ल्ह्‍यो पैबर तले थेंरिब? छतसि चु धुँ थोवाद्,’ बिइ।

लूका 2:11

तिंयाँ बेथलेहेम बिबै दाऊदए नाँसर क्‍हेमैंए ल्हागिर मुक्‍ति पिंबै म्‍हि फिइमुँ। खीन परमेश्‍वरजी कुल्‍मिंबै प्रभु ख्रीष्‍ट ग।

यूहन्‍ना 1:9

ताँन् म्हिमैंलाइ ज्ञान पिंबै क्‍ह्रोंसेंन्‍बै चारबै ह्‍वे ह्‍युलर युसिन् मुँल।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 4:42

चमैंइ च च्हमिरिने बिइ, “तोगो क्‍हिइ बिबै ताँ थेसि ङिइ खीए फिर बिश्‍वास लब आङिं, दिलेया ङिइ ह्रोंसइन खीए ताँ थेबइले क्ह्रोंसेंन खी ताँन् ह्‍युलर्बै मुक्‍तिदाता मुँन बिसि ङिइ सेइमुँ।”

यूहन्‍ना 5:40

दिलेया क्‍हेमैं खोंयोंइ आखाँबै छ्ह योंबर ङ ङाँर खल् आङिं।

चेला चिब्मैंए केमैं 13:23

परमेश्‍वरजी बाछा लब् धोंले दाऊदए सन्तानउँइँले इस्राएलीमैं जोगेमिंबै ल्हागिर खीजी येशूलाइ कुल्मिंइ।

चेला चिब्मैंए केमैं 5:31

इस्राएलीमैंइ परमेश्‍वरउँइँ सैं एसि पाप क्षमा योंरिगे बिसि परमेश्‍वरजी येशूलाइ म्रुँ नेरो जोगेमिंबै म्हि लमिंसि ह्रोंसए क्योलोउँइँ धाँसे नुल्‍ले थेंमिंइ।

रोमी 16:26

चु क्ह्रोंसेंन्बै ताँ परमेश्‍वरए छ्वेर अगमबक्‍तामैंइ प्‍ह्रिथेंल छतसि तारे म्‍हिमैंइ छेनाले क्‍होल् खाँम्। खोंयोंइ तरिबै सोगों परमेश्‍वरजी बिब् धोंले च आसेल्‍ले मुँबै सैं तोंबै ताँ ताँन् ह्रेंमैंलाइ बिमिंसिन् मुँ। च आसेल्‍ले मुँबै ताँ तो मुँ बिस्‍याँ यहूदी मुँले अरू ह्रें मुँले ताँन् ह्रेंमैंइ बिश्‍वास लसिन् परमेश्‍वरलाइ म्हाँदिल् योंम्।

रोमी 2:7

तोन् तलेया छ्याँबै के लसि स्‍याबासि, इजेत नेरो खोंयोंइ आखाँबै छ्ह म्‍हैब्मैंलाइ परमेश्‍वरजी खोंयोंइ आखाँबै छ्ह पिंब्‍मुँ।

रोमी 3:31

येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम् बिस्याँ खीए ठिम केर आफेब तइ वा? कत्ति आत! बरु ङ्योइ खीए ठिम छेनाले म्हाँदिम्।

रोमी 6:6

ङ्योइ पाप आलरिगे धै ङ्यो पापए न्होंर आटिरिगे बिसि परमेश्‍वरजी ङ्योए ओंसोंबै छ्ह येशू ख्रीष्‍टने बालु क्रूसर च्योवाइमुँ बिब ङ्योइ सेइमुँ।

१ कोरिन्थी 15:26

धाँसे लिउँइँ नास लल् त्हुबै शत्तुर काल ग।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

२ कोरिन्थी 5:4

चु ज्युर मुँमा ङ्योए फिर ल्हें दुःखमैं तमा ङ्योइ दुःखए सो हेंम्। दिलेया ङ्यो क्लुना तरिगे बिसि आङिं, झन ल्हें छ्याँबै क्वेंमैं खिल् योंरिगे, धै चु सिसि क्राँयाबै ज्यु खोंयोंइ आसिबै प्ल्हर्बै ज्यु तरिगे बिबै सैं खम्।

गलाती 5:4

ठिमर बिब् धोंले लसि परमेश्‍वरए उँइँर ठिक ठर्दिल् म्‍हैब्मैंइ खेंमैंलाइ ख्रीष्‍टउँइँले फ्रेवाइमुँ, धै परमेश्‍वरए दयाम्हाँयाउँइँले या ह्रेंगो तयाइमुँ।

एफिसी 1:18

क्‍हेमैंए सैं न्‍होंर्बै मि थोंसि परमेश्‍वरए चारबै ह्‍वे म्रोंरिगे बिसे या ङइ प्राथना लम्। तलेबिस्‍याँ च ह्‍वे म्रोंस्‍याँ क्‍हेमैंइ चु ताँ सों था सेब्‍मुँ: घ्रि, खीजी प्‍हना लिउँइँ क्‍हेमैंलाइ खैबै खालर्बै छार छ्ह पिंम् बिसि क्‍हेमैंइ था सेब्‍मुँ। ङ्हिं, खीए म्‍हिमैंलाइ पिंबै बेल्‍ले छ्याँबै आशिकमैं कति थेब मुँ बिसि क्‍हेमैंइ सेब्‍मुँ।

एफिसी 1:9

येशू ख्रीष्‍टउँइँलेन् पूरा लब्‍मुँ बिसि परमेश्‍वरजी ओंसों ओंनोंन् मैंल। छतसि ख्रीष्‍टउँइँले तोगो खीजी च ताँ ङ्योलाइ सेल् पिंइमुँ।

२ थेसलोनिकी 2:8

लिउँइँ परमेश्‍वरजी पिवासि च दुष्‍ट शत्‍त्रु त्‍होंब्मुँ, दिलेया प्रभु येशू युबै त्हेर्बै चारबै ह्‍वे नेरो खीए सुँउँइँले त्होंबै सोइ चलाइ नास लवाब्‍मुँ।

२ तिमोथी 1:1

ङ पावलउँइँले तिमोथीलाइ जय मसीह मुँ। परमेश्‍वरए इच्छा अनुसार येशू ख्रीष्‍टजी ङ कुल्मिंबै चेला चिब तबर त्हाँइ। येशू ख्रीष्‍टउँइँले छ्ह योंम् बिसि परमेश्‍वरजी फैबै बाछाए ताँ बिप्रबै ल्हागिर खीजी ङलाइ कुलइमुँ।

२ तिमोथी 1:8

छतसि प्रभुए क्ह्रोंसेंन्बै ताँमैंए ग्वाइ पिंबर फा आपिद्। ङ झेलर मुँबै ताँरै या फा आपिद्। बरु ङ्योए प्रभुउँइँले खबै सैं तोंबै ताँमैं बिप्रमा दुःखन् खलेया सैदिद्।

२ तिमोथी 4:1

तिगें येशू ख्रीष्‍ट ग्याल्स लबर युब्‍मुँ। च त्हेर खीजी सियाब्‍मैं नेरो सोगोंमैं ताँनए निसाफ लब्‍मुँ। छतसि क्हिइ लल् त्हुबै के तो जा बिबै ताँ ङइ येशू ख्रीष्‍ट नेरो परमेश्‍वर आबाए उँइँर क्हिने बिमुँ।

२ तिमोथी 4:8

छले ङइ लबै केमैं खीए उँइँर ठिक ठर्दिबइले खीजी ङए ल्हागिर थेबै क्रेगि थेंइमुँ। छेनाले निसाफ लबै प्रभुजी च त्हिंइर च क्रेगि ङलाइ पिंब्मुँ - ङलाइ मत्‍त्रे आङिं, दिलेया प्रभुलाइ म्हाँया लसि खी युबै त्हिंइए घ्‍याँ ङ्ह्‍योरिब्‍मैं ताँनलाइ खीजी च क्रेगि पिंब्‍मुँ।

तीतस 2:11

तलेबिस्याँ ताँन् म्‍हिमैं जोगेमिंबै ल्हागिर परमेश्‍वरजी खीए दयाम्हाँया उँइँमिंइमुँ।

तीतस 2:13

छाबै छ्ह थोमा ङ्योइ थेंबै आशा तो जा बिस्याँ: ङ्योए ताँन् भन्दा थेबै परमेश्‍वर ङ्योलाइ जोगेमिंबै येशू ख्रीष्‍ट थेबै मानले युबै त्हिंइ पैंरिब् ग।

तीतस 3:4

दिलेया ङ्योलाइ जोगेमिंबै परमेश्‍वरजी खीए ल्हयो नेरो म्हाँया उँइँमिंसि,

हिब्रू 10:32

च ह्‍याबै त्हिंइमैं मैंन्, परमेश्‍वरए चारबै ह्‍वे योंबै लिउँइँ खैबै दुःख योंलेया क्हेमैं बिश्‍वासर भोंसि तइ टिल।

२ पत्रुस 1:1

येशू ख्रीष्‍टए के लबै कुल्मिंबै चेला चिब ङ सिमोन पत्रुसउँइँले क्हेमैंलाइ जय मसीह मुँ। ङ्योए परमेश्‍वर नेरो ङ्योलाइ जोगेमिंबै येशू ख्रीष्‍टजी खाबलाज्यै या आफेलल्‍ले ठिक के लइमुँ। खीजी ङिलाइ पिंब् धोंले क्हेमैंलाज्यै या ठिक बिश्‍वास लल् पिंइमुँ।

२ पत्रुस 1:11

धै ङ्योलाइ जोगेमिंबै ङ्योए प्रभु येशू ख्रीष्‍टए खोंयोंन् बिलै तरिबै ग्याल्सर परमेश्‍वरजी ङ्योलाइ थेबै मान्ले होंल् पिंब्मुँ।

२ पत्रुस 1:3

परमेश्‍वर बेल्‍ले छ्याँब नेरो थेब मुँ। ङ्योलाइ हुइबै परमेश्‍वरलाइ ङ्योइ ङो सेइमुँ, छतसि खीए सेवा लबर ङ्योए छ्हर चैदिबै तोन्दोंरि सैमैं खीए अचम्मबै शक्‍तिउँइँले खीजी ङ्योलाइ पिंइमुँ।

२ पत्रुस 2:20

ह्रोंसलाइ जोगेमिंबै येशू ख्रीष्‍टलाइ ङो सेसि चु ह्‍युलर्बै ह्रोंसलाइ पापर च्होवाबै सैमैंउँइँले स्योइ खसेया म्हिमैं धबै आछ्याँबै केमैं लसि पापर्न च्होयाम् बिस्याँ चमैंए गति ओंसोंबै भन्दा लिउँइँबै झन् आछ्याँब् तम्।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।

२ पत्रुस 3:2

स्‍योंम्‍बै पबित्र अगमबक्‍तामैंइ पोंबै अगमबाणिए ताँमैं नेरो क्‍हेमैं ङाँर खबै कुल्मिंबै चेला चिब्मैंइ बिबै ताँमैं क्हेमैंइ मैंरिगे बिब ङए सैं मुँ।

१ यूहन्‍ना 1:2

खी चु ह्‍युलर मुँमा ङिइ खीलाइ म्रोंल, छतसि खीए बारेर ङिइ ग्वाइ पिंम्। च खोंयोंइ आखाँबै छ्ह ओंसों ओंनोंन् परमेश्‍वर आबाने मुँल, धै तिंजोरो ङ्यो ङाँर म्रोंयुइ बिसि ङिइ क्हेमैंने बिम्।

१ यूहन्‍ना 4:14

परमेश्‍वर आबाजी खीए च्‍हलाइ ह्‍युलर्बै म्‍हिमैं जोगेबर कुल्‍मिंब् ग बिसि ङिइ म्रोंइमुँ धै ग्वाइ पिंम्।

दर्शन 18:1

च लिउँइँ ङइ स्‍वर्गउँइँले अर्को स्‍वर्गदूत घ्रि युरिब् म्रोंइ। च स्‍वर्गदूतने थेबै हग मुँल, चए लिर्बै ह्‍वेइ ताँन् ह्‍युल चारयाइ।

दर्शन 2:7

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ परमेश्‍वरए बगैंचार मुँबै छ्ह पिंबै सिं धुँर्बै रोमैं ङइ चल् पिंब्‍मुँ।”

दर्शन 20:14

च लिउँइँ परमेश्‍वरजी काल नेरो क्रोंलाइ मि मुँबै होंल्दोंर भ्‍योंवाइ। च मि मुँबै होंल्दों प्ल्हइ दु:ख योंबै क्ल्ह्‍यो ग।

दर्शन 22:14

खोंयोंइ आखाँबै छ्ह पिंबै सिंधुँउँइँले रोमैं चल् योंसि सहरर्बै म्रामैंउँइँले होंल् योंरिगे बिसि ह्रोंसए क्‍वें ख्रुब्‍मैं ङ्‍हो सब्मैं ग।

दर्शन 22:17

पबित्र प्ल्ह नेरो प्‍ह्रेंस्‍योइ खीने बिइमुँ, “यु”। चु ताँ थेबै म्हिमैंज्यै या छलेन खीने “यु” बिल् त्‍हुम्। क्‍यु पिब्मैं क्‍यु मूलर खरिगे। छ्ह पिंबै क्‍यु थुँदा ङ्हाँब्मैंइ छलेन् थुँरिगे।