२ थेसलोनिकी 3:4 - परमेश्‍वरए ताँ तमु क्युइर

⁴ ङिइ बिबै ताँ खैले तोगो क्‍हेमैंइ लरिइमुँ, च ताँ धबै लिउँइँज्‍यै या लरिब्‍मुँ बिसि प्रभुजी ङिलाइ पक्‍का था पिंइमुँ।

२ थेसलोनिकी 3:4 Iomraidhean Croise

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

रोमी 15:14

ओ ङए अलि-अङाँमैं, क्‍हेमैंइ छ्याँबै केमैं लरिइमुँ, धै तोन्दोंरि ताँर ह्रब् सेब् तसि घ्रिइ घ्रिलाइ छेनाले लोमिंल् खाँब्मैं तइमुँ बिसि ङइ सेइमुँ।

रोमी 15:18

तलेबिस्याँ अरू सैए बारेर आङिं, दिलेया येशू ख्रीष्‍टजी ङए छ्हउँइँले लबै केए बारेर मत्‍त्रे प्‍हैंमुँ। ङए के नेरो प्रचारउँइँले,

रोमी 2:7

तोन् तलेया छ्याँबै के लसि स्‍याबासि, इजेत नेरो खोंयोंइ आखाँबै छ्ह म्‍हैब्मैंलाइ परमेश्‍वरजी खोंयोंइ आखाँबै छ्ह पिंब्‍मुँ।

१ कोरिन्थी 14:37

खाबज्यै या ह्रोंसलाइ अगमबक्‍ता अथवा पबित्र प्ल्ह मुँबै म्‍हि ग बिसि मैंम् बिस्याँ, ङइ प्‍ह्रिबै चु ताँमैं प्रभुजी लद् बिबै ताँमैं ग बिसि चइ सेरिगे।

१ कोरिन्थी 7:19

तलेबिस्याँ ज्युर चिनु लबै ताँ थेब आङिं। बरु परमेश्‍वरजी बिबै ताँ ङिंब थेबै ताँ ग।

२ कोरिन्थी 2:3

छतसि ङ क्‍हेमैं ङाँर खमा ङए सैं तोंन् लमिंब्मैं ङाँइलेन् ङए सैं च्योंब् तल् आत्हुरिगे बिसि ओंसोंबै प्ह्रिछ्यार क्‍हेमैंलाइ छ छ लद् बिसि प्‍ह्रिब् ग। ङए सैं तोंमा क्‍हेमैं या सैं तोंम् बिब ङइ सेइमुँ।

२ कोरिन्थी 2:9

क्‍हेमैंए जाँच लबै ल्हागिर नेरो ताँन् सैर क्‍हेमैंइ ङइ बिबै ताँ ङिंम् उ आङिं बिबै ताँ था सेबर ङइ च ओंसोंबै प्ह्रिछ्या प्‍ह्रिल।

२ कोरिन्थी 8:22

चमैंने ङिए अर्को बिश्‍वासी अलि या क्‍हेमैं ङाँर कुल्मिंइमुँ। च अलिलाइ ङिइ ल्हें खे तोन्दोंरि सैर जाँच लमा चल छ्याँबै के लबै सैं मुँ बिब ङिइ सेल् खाँइमुँ। तोगो च अलिइ क्‍हेमैंए फिर बेल्‍ले भर म्हाँदिसि अझै छ्याँबै के लबै सैं लइमुँ।

गलाती 5:10

ङ्यो ताँन् प्रभुए फिर बिश्‍वास लब्मैं ग। छतसि ङइ बिबै ताँ थोसि क्हेमैं तिराइ ल्हैदिरिब् आरे बिसि ङइ बिश्‍वास लइमुँ। क्‍हेमैंए सैंलाइ खैला तोला ङ्हाँन् लबै म्हि, खाब मुँलेया, चलाइ परमेश्‍वरजी सजैं पिंब्‍मुँ।

फिलिप्पी 1:6

परमेश्‍वरजी क्हेमैंए न्होंरि छ्याँबै के तों लइ, खीजीन् येशू ख्रीष्‍ट युबै त्हिंइ समा च के नुमिंब्मुँ बिसि ङइ बिश्‍वास लइमुँ।

फिलिप्पी 2:12

छतसि, ओ ङइ खोबै अलि-अङाँमैं, क्हेमैंइ खोंयोंइ ङइ बिबै ताँमैं ङिंरिइमुँ। ङ क्‍हेमैंने मुँमा ङए उँइँर लब् धोंले मत्‍त्रे आङिं, ङ क्हेमैंने आरेबै त्हेरै या छलेन परमेश्‍वरने ङ्हिंदै ह्रोंसइ योंबै मुक्‍ति जोगेबर के लसि उँइँन्।

१ थेसलोनिकी 4:10

धै क्हेमैंइ माकेडोनिया ह्‍युलर्बै ताँन् प्रभुए फिर बिश्‍वास लबै अलि-अङाँमैंने क्ह्रोंसेंन म्हाँया लइमुँ। ओ अलि-अङाँमैं, छलेन अझै म्हाँया लरिद् बिसि ङि क्हेमैंलाइ अर्थि पिंमुँ।

२ थेसलोनिकी 3:12

तारे छाबै म्हिमैंलाइ प्रभु येशू ख्रीष्‍टए मिंर ङिइ चु अर्थि पिंमुँ: चमैंइ चब-थुँबै ल्हागिर खुरूखुरू ह्रोंसैना के लरिगे धै ह्रोंसए कमैं चरिगे।

२ थेसलोनिकी 3:6

ओ अलि-अङाँमैं, ङ्योए प्रभु येशू ख्रीष्‍टए मिंर ङिइ क्हेमैंने बिमुँ: ङिइ क्हेमैंने लोमिंबै ताँर आप्रबै प्ल्हेउ अलि-अङाँमैंउँइँले स्‍योले टिद्।

फिलेमोन 1:21

ङइ बिब् धोंले क्‍हिइ लब्‍मुँ, अझै च भन्दा ल्हें क्‍हिइ लब्‍मुँ बिसि चु ताँ प्‍ह्रिरिमा ङइ मैंइमुँ।