२ थेसलोनिकी 2:1 - परमेश्‍वरए ताँ तमु क्युइर

¹ ओ अलि-अङाँमैं, अर्को ताँ, ङ्योए प्रभु येशू ख्रीष्‍ट धबै युबै ताँ नेरो ङ्यो खागु तसि खीने त्होबै ताँए बारेर ङिइ क्‍हेमैंने चु यो छ्युँ लम्:

२ थेसलोनिकी 2:1 Iomraidhean Croise

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

मत्ती 16:27

तलेबिस्याँ म्हिए च्ह खीए आबाए मान योंसि स्‍वर्गदूतमैंने युमा म्‍हिमैंइ खैबै के लइमुँ छाबन् नों खीजी पिंब्‍मुँ।

मत्ती 16:28

क्ह्रोंसेंन ङ क्हेमैंने बिमुँ, चुर मुँब्मैं न्होंरि कति म्हिइ म्हिए च्ह खीए ग्याल्सर युरिब आम्रोंन् समा सिरिब् आरे।”

मत्ती 24:31

झाइले थेबै कैलै थुतुरि ह्रासि खीजी ह्रोंसए स्‍वर्गदूतमैं कुल्‍मिंब्‍मुँ। धै खीजी त्हाँबै म्हिमैं मुर्बै छेउ घ्रिउँइँले अर्को छेउ समा ह्‍युलर्बै ताँन् क्ल्ह्‍योउँइँले स्‍वर्गदूतमैंइ खी ङाँर खागु लब्मुँ।”

मत्ती 25:32

झाइले ताँन् ह्रें-ह्रेंर्बै म्‍हिमैं खीए उँइँर खागु तब्‍मुँ, धै प्‍ह्रोंछैंमैंइ र नेरो क्यु स्यो-स्यो लब् धोंलेन् खीजी घ्रिउँइँले घ्रि स्यो लब्मुँ।

मर्कूस 13:27

झाइले खीजी स्वर्गदूतमैं स नेरो मुर खन्तोदोंन् कुलब्मुँ, धै खीजी त्‍हाँबै म्‍हिमैं खन्तोदोंनउँइँले खागु लब्मुँ।

रोमी 12:1

छतसि ओ ङइ खोबै अलि-अङाँमैं, परमेश्‍वरजी ङ्योए फिर च्हौ थेबै ल्हयो लबइले ङ क्‍हेमैंने यो छ्युँ लमुँ: सोगों ख्रो धोंले ह्रों-ह्रोंसए ज्यु परमेश्‍वरलाइ पिंन्। छाबै ख्रो पबित्र नेरो परमेश्‍वरलाइ सैं तोंन् लबै क्‍ह्रोंसेंन्‍बै सेवा ग।

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।

१ थेसलोनिकी 2:19

तो तलेया ङ्योए प्रभु येशू युमा खीए उँइँर राबै त्हेर ङिए इनाम योंबै आशा, सैं तोंबै ताँ क्हेमैंन् ग। धै क्हेमैं म्रोंसि ङि थेब् प्हैंबै क्रेगि योंब्मुँ।

१ थेसलोनिकी 3:13

खीजी क्हेमैंलाइ भोंब् लमिंब्मुँ, धै प्रभु येशू खीए म्हिमैंने बालु धबै चु ह्‍युलर युमा क्हेमैं ङ्योए परमेश्‍वर आबाए उँइँर बेल्‍ले छ्याँब खोट आरेब तब्मुँ।

१ थेसलोनिकी 4:1

ओ अलि-अङाँमैं, आखिरि ताँ तो मुँ बिस्‍याँ, क्हेमैंइ छ्ह खैले थोल् त्हुमुँ धै परमेश्‍वरए सैं खैले तोंन् लल् त्हुम् बिबै ताँ क्हेमैंइ ङिउँइँले लोइमुँ। छतसि ओंसोंन् लोब् धोंले क्हेमैंइ लसिन् मुँ, अझै छलेन् छ्ह थोदै ह्‍याद् बिसि ङि प्रभु येशूए मिंर क्हेमैंने यो छ्युँ लसि अर्थिमैं पिंम्।

२ थेसलोनिकी 1:3

ओ अलि-अङाँमैं, क्‍हेमैंए ल्हागिर ङिइ परमेश्‍वरलाइ खोंयोंन् बिलै धन्‍यबाद पिंलन् त्‍हुम्। छ लब ठिक मुँ, तलेबिस्याँ क्हेमैंइ लबै प्रभु येशूए फिर्बै बिश्‍वास बडिसि ह्रों-ह्रोंसए न्होंरै या घ्रिइ घ्रिने झन् ल्हें म्हाँया लरिइमुँ।

२ तिमोथी 4:1

तिगें येशू ख्रीष्‍ट ग्याल्स लबर युब्‍मुँ। च त्हेर खीजी सियाब्‍मैं नेरो सोगोंमैं ताँनए निसाफ लब्‍मुँ। छतसि क्हिइ लल् त्हुबै के तो जा बिबै ताँ ङइ येशू ख्रीष्‍ट नेरो परमेश्‍वर आबाए उँइँर क्हिने बिमुँ।