२ थेसलोनिकी 1:7 - परमेश्‍वरए ताँ तमु क्युइर

⁷ झाइले क्‍हेमैं दुःख योंब्‍मैं नेरो ङि या परमेश्‍वरजी सुख पिंब्‍मुँ। प्रभु येशू ह्रोंसए शक्‍ति मुँबै स्‍वर्गदूतमैंने लुँरिबै मिने स्‍वर्गउँइँले युबै त्हेर परमेश्‍वरजी ङ्योलाइ च सुख पिंब्मुँ।

२ थेसलोनिकी 1:7 Iomraidhean Croise

प्रस्थान 19:18

याहवेह मि तसि चर युबइले सिनै कों मिखु-मिखुइ प्लिंयाँइ। मिए भट्टिउँइँले मिखु त्होंब् धोंलेन् मिखु त्होंमा कोंमैं बेल्‍ले त्हारबर होंइ।

प्रस्थान 3:2

चर लुँरिबै झ्याडि घ्रिर याहवेहए दूत च ङाँर म्रोंयुइ। धै मोशाइ झ्‍याडिर ङ्ह्‍योमा चर मि लुँरिल दिलेया झ्याडि बिस्याँ आख्रोंल।

मत्ती 16:27

तलेबिस्याँ म्हिए च्ह खीए आबाए मान योंसि स्‍वर्गदूतमैंने युमा म्‍हिमैंइ खैबै के लइमुँ छाबन् नों खीजी पिंब्‍मुँ।

मत्ती 16:28

क्ह्रोंसेंन ङ क्हेमैंने बिमुँ, चुर मुँब्मैं न्होंरि कति म्हिइ म्हिए च्ह खीए ग्याल्सर युरिब आम्रोंन् समा सिरिब् आरे।”

मत्ती 25:31

“म्हिए च्ह म्रुँ तसि खीए थेबै मानर ल्हें स्‍वर्गदूतमैंने बालुन युब्मुँ, धै ह्रोंसए पबित्र राजगद्दिर टिब्‍मुँ,

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 26:64

येशूजी चने बिइ, “ङ चन् ग बिसि क्‍हिइन बिइमुँ दि। ङ क्हेमैंने बिमुँ, तारे म्हिए च्ह ताँनइ म्हाँदिल् त्हुबै परमेश्‍वरए क्‍योलोउँइँ क्हुँरिब नरो मुर्बै न्‍हाँम्‍स्योर युरिब क्‍हेमैंइ म्रोंब्‍मुँ।”

मर्कूस 14:62

येशूजी “अँ ङन् ग बिइ, क्‍हेमैंइ तिगें म्हिए च्ह परमेश्‍वरए क्‍योलो हार टिरिब् नेरो न्हाँम्स्योए न्होंउँइँले युरिब् म्रोंब्‍मुँ।”

मर्कूस 8:38

छतसि खाबइ चु आछ्याँबै पापि जुगरि ङ नेरो ङए ताँ थेसि फापिमुँ, ङ म्हिए च्ह या ह्रोंसए आबाजी पिंबै मान नेरो पबित्र स्‍वर्गदूतमैंने बालु चु ह्‍युलए निसाफ लबर युमा च म्‍हि म्रोंसि ङै या फा पिब्‍मुँ।”

लूका 16:25

“दिलेया अब्राहामइ बिइ, ‘बाबु, क्‍हिइ मैंन्। क्‍हिए छ्हर छ्याँ-छ्याँबै सैमैं योंसि क्हिइ सुखले छ्ह थोइ। दिलेया लाजरसइ दुःखै दुःखर्न छ्ह थोइ। दुःख योंलेया चइ परमेश्‍वर मैंइ, क्हिइ बिस्याँ परमेश्‍वर खोंयोंइ आमैं, ङम् ङन् ग बिसि टिइ। छतसि तोगो लाजरसइ चुर सुख योंइमुँ, क्‍हिइ बिस्याँ चर दुःख योंइमुँ।

लूका 17:30

म्हिए च्ह युबै त्हेरै या छान् तब्‍मुँ।

यूहन्‍ना 1:3

तोन्दोंरि सै खीजीन् बनेइ, बनेबै तोन्दोंरि सैमैं खी बिना आबन्दि।

यूहन्‍ना 1:51

धबै येशूजी बिइ, “क्ह्रोंसेंन ङइ क्हेमैंने बिमुँ, क्‍हेमैंइ स्‍वर्ग थोंब नेरो परमेश्‍वरए स्‍वर्गदूतमैं ङ म्हिए च्‍हए फिर क्रेदै, तदै लरिब म्रोंब्‍मुँ।” (खी स्वर्ग नेरो पृथ्‍बीए म्हाँजोर्बै घ्याँ ग।)

चेला चिब्मैंए केमैं 1:11

“ओ गालीलथेंमैं, क्हेमैं तले मुउँइँ ङ्‍ह्‍योसि रारिल? चुन् येशू, क्हेमैंउँइँले परमेश्‍वरजी स्वर्गर बोयाइ। तोगो खी खैले स्वर्गर ह्‍यारिब क्हेमैंइ म्रोंइ छलेन खी धबै युब्मुँ।”

चेला चिब्मैंए केमैं 3:19

छतसि खीजी क्हेमैंए पाप ख्रुमिंरिगे, खीउँइँले क्हेमैं छिं ङ्हाँन् योंरिगे, झाइले खीजी क्हेमैंए ल्हागिर ओंसोंन् त्हाँबै म्रुँ ख्रीष्‍ट येशू कुल्‍मिंरिगे बिसि

रोमी 8:17

ङ्यो परमेश्‍वरए च्‍ह-च्हमिमैं तसेरो परमेश्‍वरजी खीए च्‍ह-च्हमिमैंए ल्हागिर साँथेंबै अँश ङ्योइ योंब्‍मुँ, धै परमेश्‍वरजी ख्रीष्‍टए ल्हागिर साँथेंबै अँश या ङ्योइ खीने बालो योंब्‍मुँ। तलेबिस्याँ येशू ख्रीष्‍टजी दुःख नोब् धोंले ङ्योज्यै या छाबै दुःख नोस्‍याँ खीजी योंबै मान ङ्योज्यै या योंब्‍मुँ।

१ कोरिन्थी 3:13

ख्रीष्‍टजी निसाफ लबै त्हिंइर ताँन् म्हिमैंइ लबै केमैं खीजी उँइँमिंब्मुँ। तलेबिस्याँ खीए ओंसों तोइ सै या लोल् आखाँ। म्हिमैंए के खैब मुँगे बिसि खीजी मिउँइँले जाँच लब्मुँ।

२ कोरिन्थी 4:17

तलेबिस्याँ ङिइ योंबै तिस्याँबै च्‍युगुथिरि दुःखइ ङिए ल्हागिर खोंयोंइ आखाँबै छ्ह नेरो थेबै मान योंबै के लइन मुँ।

एफिसी 1:2

ङ्योए परमेश्‍वर आबा नेरो प्रभु येशू ख्रीष्‍टउँइँले क्हेमैंइ दयाम्हाँया नेरो छिं ङ्हाँल् योंरिगे।

कलस्सी 1:16

तलेबिस्याँ ख्रीष्‍टउँइँलेन् परमेश्‍वरजी स्‍वर्ग नेरो पृथ्‍बीर्बै ताँन् सैमैं बनेइ। म्रोंल् खाँबै सैमैं, म्रोंल् आखाँबै सैमैं, ताँन् शक्‍ति मुँबै सैमैं परमेश्‍वरजी ख्रीष्‍टउँइँलेन् ख्रीष्‍टए ल्हागिर्न बनेइ।

१ थेसलोनिकी 3:13

खीजी क्हेमैंलाइ भोंब् लमिंब्मुँ, धै प्रभु येशू खीए म्हिमैंने बालु धबै चु ह्‍युलर युमा क्हेमैं ङ्योए परमेश्‍वर आबाए उँइँर बेल्‍ले छ्याँब खोट आरेब तब्मुँ।

२ तिमोथी 2:12

ङ्योइ दुःख सैदिसि टिइबिस्‍याँ खीनेन् ग्याल्स लल् योंब्‍मुँ। ङ्योइ खीलाइ ‘ङो आसे’ बिइबिस्‍याँ खिज्‍यै या ङ्योलाइ ‘ङो आसे’ बिब्‍मुँ।

तीतस 2:13

छाबै छ्ह थोमा ङ्योइ थेंबै आशा तो जा बिस्याँ: ङ्योए ताँन् भन्दा थेबै परमेश्‍वर ङ्योलाइ जोगेमिंबै येशू ख्रीष्‍ट थेबै मानले युबै त्हिंइ पैंरिब् ग।

हिब्रू 10:27

बरु ङ्हिंन् ङ्हाँबै दण्ड पैंसि टिल् त्हुम्, धै परमेश्‍वरए बिरोध लब्‍मैंलाइ नास लवाबै मिए राबा मत्‍त्रे तब्मुँ।

हिब्रू 12:29

तलेबिस्याँ ङ्योए परमेश्‍वर नास लवाबै मि ग।

हिब्रू 4:1

परमेश्‍वरजी खी टिबै क्ल्ह्‍योर भों न्हल् पिंम् बिसि ङ्योने फैबै बाछा अझै मुँ। छतसि न्ह क्रों मि क्रोंले टिद्, क्‍हेमैं न्‍होंरि खाबै या च भों न्‍हबै क्ल्ह्‍योउँइँले स्योवाल् आत्हुरिगे।

हिब्रू 4:11

छतसि परमेश्‍वरजी भों न्हल् पिंबै क्ल्ह्‍योर होंल् योंबै ल्हागिर ङ्योइ भों लले। स्योंम्बै म्हिमैं परमेश्‍वरजी बिबै ताँ आङिंसि भों न्हबै क्ल्ह्‍योर होंल् आयों छतमा ङ्यो या चमैं धोंब तल आत्हुरिगे।

हिब्रू 4:9

छतसि परमेश्‍वरजी ङिरोर भों न्‍हब् धोंलेन् खीए म्‍हिमैंए ल्हागिर अझै या भों न्‍हबै क्ल्ह्‍यो मुँ।

हिब्रू 9:28

छलेन ल्‍हें म्‍हिमैंए पाप त्होमिंबर ख्रीष्‍ट या तिब्‍ले ख्रो तसि सिमिंइ। दिलेया खी धबै युब्‍मुँ। च त्हेर खी म्हिमैंए पाप त्होमिंबै ल्हागिर आङिं, दिलेया सैं तोंदै खीलाइ ह्रेरिब्मैंलाइ जोगेमिंबर युब्‍मुँ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।

२ पत्रुस 3:7

दिलेया परमेश्‍वरए च ताँउँइँलेन् तिंजरोबै मु नेरो ह्‍युल लिउँइँ मिइ ख्रोंसि नास लबै ल्हागिर तोगो समा नास आतल्‍ले खीजी थेंइमुँ। छले खीलाइ आम्हाँदिब्मैंलाइ दोषि ठर्दिसि निसाफ लबै त्हिंइर मु नेरो ह्‍युलै या खीजी नास लवाब्मुँ।

यहूदाइ प्‍ह्रिबै प्ह्रिछ्या 1:7

धै सदोम, गमोरा नेरो चमैंए खागुबै सहरर्बै म्हिमैंलाइ मैंन्। चमैंइ ब्यभिचार लसि आतबै के लइ। छतसि खोंयोंइ आसिबै मिर दण्‍ड योंसि चमैं नमुना तइमुँ।

दर्शन 1:7

ङ्ह्‍योत्ति, येशू न्‍हाँम्‍स्योर युइन मुँ। खीलाइ सैब्मैं नेरो अरू ताँन् म्हिमैंज्यै या खी म्रोंब्‍मुँ। छले खि युरिब् म्रोंमा ह्‍युलर्बै ताँन् म्हिमैं न्हुँ लसि क्रोब्‍मुँ। आमेन, छान् तरिगे।

दर्शन 14:10

चमैंइ परमेश्‍वरए बेल्‍ले थेबै ह्रिसए प्हा थुँल् त्‍हुब्‍मुँ। च त्हेर तिफुँइ ल्हयो आखल्‍ले परमेश्‍वरजी सजैं पिंब्‍मुँ। च म्‍हिमैंइ पबित्र स्‍वर्गदूतमैं नेरो क्‍यु च्हजए उँइँरि मि नेरो गन्‍धकरि बेल्‍ले दुःख योंब्‍मुँ।

दर्शन 14:13

च लिउँइँ “चु ताँ प्‍ह्रिद्: प्रभुए फिर बिश्‍वास लबइले तारे पिरु दु:ख योंसि सिब्‍मैंइ आशिक योंब्मुँ,” बिसि स्‍वर्गउँइँले युबै कै ङइ थेइ। झाइले पबित्र प्ल्हजी बिइ, “चु ताँ क्‍ह्रोंसेंन् ग। चमैंइ दु:खले लबै केमैंए नों योंसि छिं ङ्हाँल् योंब्‍मुँ।”

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”

दर्शन 22:16

येशूजी बिइमुँ, “क्हेमैं ङए फिर बिश्‍वास लब्‍मैंए ल्हागिर चु ताँ बिमिंबर ह्रोंसए स्‍वर्गदूत ङइ कुल्मिंइमुँ। ङ दाऊदए सन्‍तानर्बै मुल खे ग। न्‍हाँगर्बै चारबै मुसारा ङन् ग।”

दर्शन 22:6

च लिउँइँ स्‍वर्गदूतइ ङने बिइ, “चु ताँमैं क्वेंल् त्हुब नेरो भर लल् खाँब् मुँ। याहवेह परमेश्‍वरजी खीए अगमबक्‍तामैंलाइ खीए प्ल्ह पिंम्। तारे युनन् तखबै सैमैं उँइँबर परमेश्‍वरजी ह्रोंसए स्‍वर्गदूतलाइ खीए के लब्मैं ङाँर कुल्मिंइमुँ।”

दर्शन 22:9

दिलेया चइ ङने बिइ, “छ आलद्! परमेश्‍वर मत्‍त्रे फ्‍योद्! क्हि, अगमबाणि पोंबै क्‍हिए आघें-अलिमैं नेरो चु कितबर मुँबै ताँमैंइ बिब् धोंले प्रब्मैं धोंबन् ङ परमेश्‍वरए के लबै दूत मत्‍त्रे ग।”

दर्शन 6:11

चमैं घ्रि घ्रिलाइ फोस्रे ब्योंबै क्‍वें पिंसि “म्‍हिमैंइ क्‍हेमैंलाइ सैवाब् धोंलेन्, क्‍हेमैंए अलि-अङाँमैं नेरो अरू के लबै थुमैंलाज्यै या सैवाब्‍मुँ। च सैल् त्हुब्मैं ताँन् आसैन् समा अझै तिस्‍याँदे पैंन्,” बिसि परमेश्‍वरजी चमैंने बिइ।