२ पत्रुस 3:18 - परमेश्‍वरए ताँ तमु क्युइर

¹⁸ बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।

२ पत्रुस 3:18 Iomraidhean Croise

भजनमैं 92:12

ठिक के लबै म्हिमैं बिस्याँ छोग्रए धुँ धोंले मौलदिम्; लेबनानल कोंर्बै थेबै देवदारु सिं धुँ धोंले चमैं थेब त-तै ह्‍याब्मुँ।

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

यूहन्‍ना 17:3

म्हिमैंइ क्हि घ्रि मत्‍त्रे क्ह्रोंसेंन्बै परमेश्‍वरलाइ ङो सेब नेरो क्हिजी कुल्मिंबै येशू ख्रीष्‍टलाइ ङो सेबन् खोंयोंइ आखाँबै छ्ह ग।

यूहन्‍ना 5:23

तलेबिस्याँ खैले म्हिमैंइ परमेश्‍वर आबाए मान लमुँ, छलेन ताँन् म्हिमैंइ खीए च्हए मान लरिगे। च्‍हए मान आलब्मैंइ च्‍हलाइ कुल्‍मिंबै आबालै या मान आल।

रोमी 11:36

तलेबिस्याँ परमेश्‍वरजी तोन्दोंरि सै बनेइ, तोन्दोंरि सै खीउँइँलेन् खीए ल्हागिर्न ग। परमेश्‍वरए मिं खोंयोंन् बिलै थेब तरिगे। आमेन, छान् तरिगे।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

एफिसी 1:17

ङ्योए प्रभु येशू ख्रीष्‍टए आबा थेबै मान मुँबै परमेश्‍वरजी खीए बारेर अझै क्‍हेमैंइ छेनाले क्होबै ल्हागिर खीए ज्ञान बुद्धि नेरो पबित्र प्ल्ह पिंरिगे बिसे या ङइ क्हेमैंए ल्हागिर प्राथना लइन मुँ।

एफिसी 4:15

बरु ङ्योइ म्हाँया लसि खोंयोंइन क्‍ह्रोंसेंन्‍बै ताँ पोंसि ङ्यो तोन्दोंरि सैर बडिसि बिश्‍वासीमैंए क्र ख्रीष्‍ट धोंन् तल् त्‍हुम्।

फिलिप्पी 3:8

च्हौ मत्‍त्रे आङिं, क्ह्रोंसेंन बिब् गो बिस्याँ येशू ख्रीष्‍ट ङए प्रभु ङो सेल् योंबै थेबै ताँ, अरू सैमैंने च्हैंमा ताँन् सैमैं तोगो ङइ फाकर्बै सैमैं धों ङ्हाँम्। तोगो ङइ ख्रीष्‍ट येशूजी पिंबै ताँन् सैमैं योंल् खाँरिगे बिसि खीए ल्हागिर ताँन् सै पिवाइमुँ, च ताँन् सैमैं स त्हुल धोंन् ङ्हाँइमुँ।

कलस्सी 1:10

च क्होस्याँ क्‍हेमैंइ प्रभुए सैं तोंन् लसि खीजी खोबै छ्ह थोब्मुँ, धै क्‍हेमैंइ ताँन् खालर्बै छ्याँबै के लमा क्‍हेमैं छ्याँबै रो रोबै धुँ धों ततै परमेश्‍वरए ज्ञानर बडिदै ह्‍याब्मुँ।

कलस्सी 3:10

छतसि छारा बानि योंसि तारे क्हेमैंइ छ्याँबै सैं प्ह्‍यासि छारा म्‍हिमैं तइमुँ। धै क्हेमैंइ खीलाइ छेनाले ङो सेरिगे बिसि परमेश्‍वरजी चु छाबै छारा म्हि बनेसि खी धोंबन् लमिंरिइमुँ।

२ थेसलोनिकी 1:3

ओ अलि-अङाँमैं, क्‍हेमैंए ल्हागिर ङिइ परमेश्‍वरलाइ खोंयोंन् बिलै धन्‍यबाद पिंलन् त्‍हुम्। छ लब ठिक मुँ, तलेबिस्याँ क्हेमैंइ लबै प्रभु येशूए फिर्बै बिश्‍वास बडिसि ह्रों-ह्रोंसए न्होंरै या घ्रिइ घ्रिने झन् ल्हें म्हाँया लरिइमुँ।

२ तिमोथी 4:18

प्रभुजी ङलाइ ताँन् आछ्याँबै सैमैंउँइँले जोगेमिंब्मुँ। झाइले खीए स्‍वर्गर मुँबै ग्याल्सर बोब्मुँ। खीलाइ म्हिमैंइ खोंयोंइन् बिलै या थेबै मान लरिगे। आमेन, छान् तरिगे!

१ पत्रुस 2:2

बरु भर्खर फिबै कोलोमैंइ ङ्‍हे म्हैब् धोंले सैं भोंब् लमिंबै परमेश्‍वरए ताँ म्हैद्। छ लस्याँ परमेश्‍वरए फिर लबै क्हेमैंए बिश्‍वास बडिदै ह्‍याल् खाँब्मुँ।

२ पत्रुस 1:11

धै ङ्योलाइ जोगेमिंबै ङ्योए प्रभु येशू ख्रीष्‍टए खोंयोंन् बिलै तरिबै ग्याल्सर परमेश्‍वरजी ङ्योलाइ थेबै मान्ले होंल् पिंब्मुँ।

२ पत्रुस 1:2

क्हेमैंइ परमेश्‍वर नेरो ङ्योए प्रभु येशूलाइ ङो सेइमुँ, छतसि खीए दयाम्हाँया नेरो शान्ति क्‍हेमैंने ल्हें ततै ह्‍यारिगे।

२ पत्रुस 1:3

परमेश्‍वर बेल्‍ले छ्याँब नेरो थेब मुँ। ङ्योलाइ हुइबै परमेश्‍वरलाइ ङ्योइ ङो सेइमुँ, छतसि खीए सेवा लबर ङ्योए छ्हर चैदिबै तोन्दोंरि सैमैं खीए अचम्मबै शक्‍तिउँइँले खीजी ङ्योलाइ पिंइमुँ।

२ पत्रुस 1:8

तलेबिस्याँ चु ताँमैं क्हेमैंइ लइबिस्याँ ङ्योए प्रभु येशू ख्रीष्‍टलाइ छेनले ङो सेल् खाँम्, धै ङ्योइ खीए फिर बिश्‍वास लबै ताँ खेरो ह्‍याल् आपिं।

२ पत्रुस 2:20

ह्रोंसलाइ जोगेमिंबै येशू ख्रीष्‍टलाइ ङो सेसि चु ह्‍युलर्बै ह्रोंसलाइ पापर च्होवाबै सैमैंउँइँले स्योइ खसेया म्हिमैं धबै आछ्याँबै केमैं लसि पापर्न च्होयाम् बिस्याँ चमैंए गति ओंसोंबै भन्दा लिउँइँबै झन् आछ्याँब् तम्।

यहूदाइ प्‍ह्रिबै प्ह्रिछ्या 1:25

छाबै ङ्योलाइ जोगेमिंबै घ्रि मत्‍त्रे मुँबै परमेश्‍वरलाइ ङ्योए प्रभु येशू ख्रीष्‍टउँइँले थेबै मान, थेबै शक्‍ति, थेबै भों नेरो अधिकार, ओंसोंउँइँले तिंयाँ धै प्हँना लिउँइँ समा खोंयोंन् बिलै तरिगे! आमेन, छाबन् तरिगे!

दर्शन 1:6

खीए परमेश्‍वर आबाए सेवा लरिगे बिसि येशूजी ङ्योलाइ परमेश्‍वरए मिंर ख्रो पिंबै खेगिमैं लमिंइमुँ। येशू ख्रीष्‍टए मिं खोंयोंन् बिलै थेब् तरिगे। आमेन, छान् तरिगे।