२ पत्रुस 3:12 - परमेश्‍वरए ताँ तमु क्युइर

¹² परमेश्‍वरए निसाफ लबै त्हिंइलाइ पैंरिल् त्‍हुम्। झाइले प्रभु येशू युबै त्हिंइ युनन तरिगे बिसि बेल्‍ले सैं झोंसि खीए के लद्। च त्हिंइर मुर मि लुँब्मुँ, धै चर मुँबै सैमैं ताँन् मिए राबाइ बिलिदिवाब्‍मुँ।

२ पत्रुस 3:12 Iomraidhean Croise

भजनमैं 50:3

ङ्योए परमेश्‍वर युसिन् मुँ, युसि खी च्याँले टिरिब् आरे; खीए ओंसों लुँबै मि मुँ, खीए कारर्ग्युले नाँ-खैंमैं मुँ।

मत्ती 16:27

तलेबिस्याँ म्हिए च्ह खीए आबाए मान योंसि स्‍वर्गदूतमैंने युमा म्‍हिमैंइ खैबै के लइमुँ छाबन् नों खीजी पिंब्‍मुँ।

मत्ती 16:28

क्ह्रोंसेंन ङ क्हेमैंने बिमुँ, चुर मुँब्मैं न्होंरि कति म्हिइ म्हिए च्ह खीए ग्याल्सर युरिब आम्रोंन् समा सिरिब् आरे।”

फिलिप्पी 1:6

परमेश्‍वरजी क्हेमैंए न्होंरि छ्याँबै के तों लइ, खीजीन् येशू ख्रीष्‍ट युबै त्हिंइ समा च के नुमिंब्मुँ बिसि ङइ बिश्‍वास लइमुँ।

तीतस 2:13

छाबै छ्ह थोमा ङ्योइ थेंबै आशा तो जा बिस्याँ: ङ्योए ताँन् भन्दा थेबै परमेश्‍वर ङ्योलाइ जोगेमिंबै येशू ख्रीष्‍ट थेबै मानले युबै त्हिंइ पैंरिब् ग।

२ पत्रुस 3:10

दिलेया खाबज्यै आसेल्‍ले ह्‍यो खब् धोंले प्रभु खैलसे युब्‍मुँ। च त्हिंइर मु थेबै कैले म्हयाब्मुँ, मुर्बै ताँन् सैमैं मिइ ख्रोंसि नास तयाब्मुँ, धै चु ह्‍युल नेरो ह्‍युलर्बै सैमैं ताँन् म्हयाब्‍मुँ।

२ पत्रुस 3:11

छले तोन्दोंरि नास तयाम् बिब् सेसेरो क्हेमैं खैबै म्‍हि तल् त्‍हुम्? परमेश्‍वरजी बिब ङिंदै छ्याँबै केमैं लसि क्हेमैं छेनाले छ्ह थोसि

२ पत्रुस 3:4

“येशूजी खी धबै युम् बिसि बाछा फैल। तिंयाँ समा तले आयु? ङ्योए खेमैं-माँमैं सियाल् खाँइ, झाइले ह्‍युलर मुँबै सैमैं या ह्‍युल् बनेब् ओंनोंबै खैब मुँल तिंयाँ या छाबन् मुँ!” बिसि चमैंइ बिब्मुँ।

२ पत्रुस 3:7

दिलेया परमेश्‍वरए च ताँउँइँलेन् तिंजरोबै मु नेरो ह्‍युल लिउँइँ मिइ ख्रोंसि नास लबै ल्हागिर तोगो समा नास आतल्‍ले खीजी थेंइमुँ। छले खीलाइ आम्हाँदिब्मैंलाइ दोषि ठर्दिसि निसाफ लबै त्हिंइर मु नेरो ह्‍युलै या खीजी नास लवाब्मुँ।

यहूदाइ प्‍ह्रिबै प्ह्रिछ्या 1:21

धै खोंयोंइ आखाँबै छ्ह योंबै ल्हागिर ङ्योए प्रभु येशू ख्रीष्‍टजी लबै ल्हयो ह्रेरिमा क्हेमैं परमेश्‍वरए म्हाँयार टिरिद्।