२ पत्रुस 2:6 - परमेश्‍वरए ताँ तमु क्युइर

⁶ छलेन परमेश्‍वरजी स्‍योंम्‍बै सदोम नेरो गमोरा बिबै सहरमैं ख्रोंसि मि क्ह्रन् म्हलाइ। छले खीजी बिब् आङिंसि खैच्हिजी लब्मैंए ल्हागिर खीजी चु नमुना उँइँमिंइ।

२ पत्रुस 2:6 Iomraidhean Croise

उत्पत्ति 19:28

चर ह्‍यासि माइ ङ्ह्‍योमा सदोम, गमोरा नेरो ब्याँसिर्बै ताँन् क्ल्ह्‍योमैं म्रोंइ। च क्ल्ह्‍योउँइँले भट्टिर्बै मिखु धोंब कैंडो खरिब् म्रोंइ।

मत्ती 10:15

क्ह्रोंसेंन ङ क्हेमैंने बिमुँ, लिउँइँ परमेश्‍वरजी निसाफ लबै त्हिंइर स्‍योंम्‍बै पाप लबै सदोमथेंमैं नेरो गमोराथेंमैंइ भन्दा च सहरर्बै म्‍हिमैंइ ल्हें सजैं योंब्मुँ।”

मत्ती 11:23

ओ कफर्नहुमथेंमैं, क्‍हेमैं स्वर्गर्न फेनेम् बिल् वा? आङिं! क्‍हेमैं नर्गर्न भ्‍योंवाब्‍मुँ। तलेबिस्याँ क्‍हेमैं ङाँर लब् धोंबै औदिबै केमैं सदोम सहरर लस्‍याँ च सहर नास आतल्‍ले तोगो समा तरिमल।

रोमी 9:29

चु भन्दा ओंसों यशैयाइ चु या बिइमुँ, “स्वर्गर्बै सेनामैंए चिब याहवेहजी सदोम नेरो गमोरा बिबै सहरर्बै म्‍हिमैं नास लवामा ङ्योए ल्हागिर सन्‍तान घ्रि या आथेंस्‍याँ ङ्यो यहूदीमैं च सहरर्बै म्‍हि धोंलेन् नास तबर फेमल।”

१ कोरिन्थी 10:11

चमैंए फिर तबै चु ताँन् ताँमैं अरूमैंलाइ लोमिंबै ल्हागिर तल। च ताँमैं ङ्योज्यै सेरिगे बिसि प्‍ह्रिथेंइ। तलेबिस्याँ चु ह्‍युल नुखबै त्हे तखइमुँ।

हिब्रू 4:11

छतसि परमेश्‍वरजी भों न्हल् पिंबै क्ल्ह्‍योर होंल् योंबै ल्हागिर ङ्योइ भों लले। स्योंम्बै म्हिमैं परमेश्‍वरजी बिबै ताँ आङिंसि भों न्हबै क्ल्ह्‍योर होंल् आयों छतमा ङ्यो या चमैं धोंब तल आत्हुरिगे।

यहूदाइ प्‍ह्रिबै प्ह्रिछ्या 1:15

ताँन् म्‍हिए निसाफ लबर युब्‍मुँ। चमैंइ खीलाइ आम्हाँदिल्‍ले आछ्याँबै केमैं लइ, धै खीलाइ आम्हाँदिब्मैंइ खीए बिरोधर आछ्याँबै ताँ पोंइ, छतसि चमैंलाइ निसाफ लसि दण्ड पिंबर खी युब्मुँ।”

यहूदाइ प्‍ह्रिबै प्ह्रिछ्या 1:7

धै सदोम, गमोरा नेरो चमैंए खागुबै सहरर्बै म्हिमैंलाइ मैंन्। चमैंइ ब्यभिचार लसि आतबै के लइ। छतसि खोंयोंइ आसिबै मिर दण्‍ड योंसि चमैं नमुना तइमुँ।