२ पत्रुस 2:10 - परमेश्‍वरए ताँ तमु क्युइर

¹⁰ बिलन् त्हुमा च म्हिमैं छाब् तम्: चमैंइ ह्रोंसलाइन पापर च्होवाबै केमैं लम्। चमैंइ परमेश्‍वरजी ल्हैदिबै ताँ आङिं। धै छ्याँबै के लबै स्वर्गदूतमैंलाज्यै या चमैंइ तो धोंइ आङ्हाँन्ले पोंम्।

२ पत्रुस 2:10 Iomraidhean Croise

उत्पत्ति 49:6

ओ ङए सो, चमैंए म्हि च्होंर आखो, चमैंने प्रब टिब आलद्, तलेबिस्याँ चमैं ह्रिस खसि म्हिमैं सैवाइमुँ, चमैंइ तो लदा ङ्हाँमुँ चन् लसि क्ल्यामैंए मुल च थोवाइमुँ।

भजनमैं 12:4

“ङिइ पोंसि पोंइ चमैंलाइ ट्होब्मुँ,” बिसि चमैंइ बिमुँ। “ङिए सुँ ङिलन् ग! ङिए फिर खाब् क्ल्हे तल् खाँमुँ?”

प्रस्थान 22:28

“परमेश्‍वर आस्यारद्, छलेन क्हेमैंए फिर्बै चिब्मैंलाज्यै या सराप आझोंन्।

लूका 11:25

“छले च मों एखमा च धिं खाँसों ङ्हाँन्ले फ्योसि सजेथेंब् चइ स्याम्।

लूका 19:14

“दिलेया चए ह्‍‍युलर्बै म्हिमैंइ च चिबलाइ आखोमल। छतसि चिब ह्‍याबै लिउँइँ ‘चु म्‍हि ङिए फिर म्रुँ तब ङि आसैदि,’ बिद् बिसि थेबै म्रुँ ङाँर चमैंइ स्यार्बो कुलइ।

चेला चिब्मैंए केमैं 23:5

पावलइ बिइ, “ओ अलिमैं, चु ख्रो पिंबै खेगि क्रथे ग बिसि ङइ आसेल। ‘क्हिइ ह्रोंसए म्हिमैंए चिबए फिर आछ्याँबै ताँ आपोंन्।’ बिसि ठिमर प्ह्रिथेंइँमुँ।”

रोमी 8:1

छतसि ख्रीष्‍ट येशूए फिर बिश्‍वास लब्‍मैंए ल्हागिर दण्ड आरे।

१ कोरिन्थी 6:9

अधर्मिमैंइ परमेश्‍वरए ग्याल्सर्बै आशिक आयों बिब क्‍हेमैं आसेइमुँ वा? क्‍हेमैंइ धोका योंबै के आतरिगे। छेरन् तबै के लब्‍मैं, कु पूजा लब्मैं, ब्यभिचारिमैं, मुयुँमैंनेन् आछ्याँबै के लबै मुयुँमैं,

२ कोरिन्थी 10:3

ङि चु ह्‍युलर टिलेया, चु ह्‍युलर्बै म्‍हिमैं धोंले ङि प्होंब्-न्हेब् आल।

एफिसी 4:19

चमैंए सैं सारो तबइले चमैंइ तो धोंइ आङ्हाँन्‍ले तो लदा ङ्हाँमुँ चन् लप्रम्।

एफिसी 5:5

ख्रीष्‍ट नेरो परमेश्‍वरए ग्याल्सर ब्यभिचारिमैं, लोबिमैं, आछ्याँबै के लब्मैं खैलसे होंल् आयों बिसि क्हेमैंइ छेनाले सेल् त्हुम्। [अथवा परमेश्‍वरलाइ आम्‍हाँदिसेरो चमैंइ खी ङाँइले आशिक आयों।] लोब लबै केमैं परमेश्‍वरए उँइँर कु पूजा लब् धोंन् ग।

कलस्सी 3:5

छतसि क्‍हेमैं ह्‍युलर्बै सैजरे सैं आह्‍याद्: फ्रें क्ल्योंब नेरो रण्डिबाजी लसि फोहोरी के आलद्, छाडा आतद्, दुष्‍ट सैं आप्ह्‍याब नेरो लोब आलद्। लोब लबम् कु पूजा लब् धों तब् ग।

१ थेसलोनिकी 4:7

परमेश्‍वरजी ङ्योलाइ आछ्याँबै केर प्रबर आङिं, बरु पबित्र छ्ह थोबै ल्हागिर हुइब् ग।

२ तिमोथी 3:2

च त्हेर म्हिमैंइ ह्रोंसलाइ मत्‍त्रे म्हाँया लब, मुइए लोब लब, ह्रोंसन् थेब् प्‍हैंब, सैं सार तब, अरूलाइ म्हि आलल्‍ले पोंब, आबा-आमाइ बिब आङिंब, खाबइ तो सै पिंलेया धन्यबाद आपिंब धै परमेश्‍वर आम्हाँदिब गुन् आरेब अपबित्र तब्‍मुँ।

तीतस 1:7

तलेबिस्याँ परमेश्‍वरए के लल् त्हुबै म्‍हि तबइले च छ्याब् आरेब तल् त्‍हुम्। च सैं सारो नेरो युनन् ह्रिस खब, प्हा थुँब, प्‍होंगि मिब, मारा-मुइए लोब लल् आत।

हिब्रू 13:4

ताँन् म्हिमैंए उँइँर ब्ह्‍या इजेत मुँल्‍ले तल् त्हुम्। ब्ह्‍या लल् खाँबै लिउँइँ मुँयुँमैं खाबज्यै या छमिं न्हल् आत, छलेन च्हमिरिमैंज्यै या फ्रें क्ल्योंल् आत, तलेबिस्याँ छाबै के लब्मैंए फिर परमेश्‍वरजी थेबै दण्ड पिंम्।

२ पत्रुस 3:3

क्हेमैंइ सेल् त्हुबै ताँ: तारे खबै त्हिंइ जरे ह्रोंसए सैंर तो मैंमुँ, चन् लप्रब्मैं त्‍होंब्‍मुँ। क्हेमैंए बिल्‍लि लदै चमैंइ छ बिब्मुँ,

यहूदाइ प्‍ह्रिबै प्ह्रिछ्या 1:10

दिलेया चु स्‍योलिबै ताँ लोमिंब्‍मैंइ ह्रोंसइ आक्‍होबै ताँ या बिल्‍लि लसि पोंम्। धै बुद्धि आरेबै खेदोमैं धोंले च्हैंब् मैंब् आलल्‍ले चमैं सैंर्बै ताँमैंए लिलि प्रसि आछ्याँबै के लम्। छाबै केमैंइन चमैंलाइ नास लवाम्।

यहूदाइ प्‍ह्रिबै प्ह्रिछ्या 1:16

च स्योलिबै ताँ लोमिंब्‍मैं प्होंगि कैगि लब्मैं, अरूलाइ छ्याब् ल्हैदिब्मैं, ह्रोंसए सैंउँइँले खबै आछ्याँबै ताँमैंए लिलि प्रब्मैं, थेब् प्‍हैंब्मैं, ह्रोंसए फायदाए ल्हागिर म्‍हिमैंलाइ वाँब्मैं ग।

यहूदाइ प्‍ह्रिबै प्ह्रिछ्या 1:18

“आखिरि त्हिंइर क्‍हेमैंलाइ बिल्‍लि लब्‍मैं त्होंब्मुँ। चमैं परमेश्‍वरलाइ आम्हाँदिल्‍ले ह्रोंसए सैंउँइँले खबै आछ्याँबै ताँमैंए लिलिन् प्रब्‍मुँ,” बिसि चमैंइ क्‍हेमैंने बिब्रें लमल।

यहूदाइ प्‍ह्रिबै प्ह्रिछ्या 1:4

तलेबिस्याँ को-कोइ म्‍हिमैं स्योलिबै ताँ बिबर क्हेमैंए म्हाँजोर था आसेल्‍ले होंयाल् खाँइमुँ। चुमैंइ परमेश्‍वरलाइ आम्हाँदि, धै चुमैंए आछ्याँबै केमैं लबै ल्हागिर ङ्योए परमेश्‍वरए दयाम्हाँयालाइ तो धोंइ आङ्हाँन्ल्‍ले छाइ खैने माइ खै लवाम्। धै ङ्योए घ्रि मत्‍त्रे क्ल्हे प्रभु येशू ख्रीष्‍टए फिर चमैंइ बिश्‍वास आल। छतसि ओंसों ओंनोंन् चमैं दण्ड योंबर ठर्दिल् खाँइमुँ।