२ पत्रुस 1:3 - परमेश्‍वरए ताँ तमु क्युइर

³ परमेश्‍वर बेल्‍ले छ्याँब नेरो थेब मुँ। ङ्योलाइ हुइबै परमेश्‍वरलाइ ङ्योइ ङो सेइमुँ, छतसि खीए सेवा लबर ङ्योए छ्हर चैदिबै तोन्दोंरि सैमैं खीए अचम्मबै शक्‍तिउँइँले खीजी ङ्योलाइ पिंइमुँ।

२ पत्रुस 1:3 Iomraidhean Croise

भजनमैं 110:3

क्हिजी नेल् त्हुबै त्हिंइर क्हिए म्हिमैं खेंमैंए सैंइ मैंसि नेबै ल्हागिर न्हागर्न खब्मुँ। न्हाँगर्बै शीत धोंले क्हिए फ्रेंसिमैं सियोनए पबित्र कोंमैंर क्हि ङाँर खब्मुँ।”

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

हितोपदेश 12:4

सिर सुबास मुँबै च्हमिरि ह्रोंसए प्युँए ल्हागिर मुकुट ग, दिलेया प्युँलाइ फापिल् लबै प्ह्रेंस्यो प्युँए ह्रिब क्राँयाब धोंन् तब् ग।

हितोपदेश 31:10

छ्याँबै सिर-सुबास मुँबै प्ह्रेंस्यो खाबै योंल् खाँमुँ? च हिरा-मोति भन्दै या ल्हें छ्याँब् तम्।

हितोपदेश 31:29

“ल्हें च्हमिरिमैंइ छ्याँबै के लमुँ, दिलेया चमैं ताँनलाइ क्हिइन ट्होवाइमुँ।”

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

रोमी 8:32

परमेश्‍वरजी ह्रोंसए घ्रिदे मुँबै च्‍हलाइ जोगेसि आथें, बरु ङ्यो ताँनए ल्हागिर ख्रो तबर पिंवाइ। ङ्योए ल्हागिर ह्रोंसए च्‍हलाइ पिंल् खाँबै परमेश्‍वरजी झन् अरू तोन्दोंरि सैमैं ङ्योलाइ आपिं रो वा?

रोमी 9:24

तलेबिस्याँ खीजी हुइबै म्‍हिमैं ङ्यो ग। खीजी यहूदीमैं मत्‍त्रे हुइब आङिं, अरू ह्रेंमैंलाज्यै या हुइमुँ।

१ कोरिन्थी 1:9

तलेबिस्याँ परमेश्‍वर बेल्‍ले भर लल् खाँब मुँ, खीजी ह्रोंसए च्‍ह येशू ख्रीष्‍ट ङ्योए प्रभुने बालु टिबर क्‍हेमैंलाइ त्‍हाँइ।

२ कोरिन्थी 12:9

दिलेया प्रभुजी ङने बिइ, “ङए दयाम्हाँया योंसेरो क्हिलाइ अरू सै तोइ आचैदि, तलेबिस्याँ क्‍हि आखाँ आथुबै त्हेर ङए भोंइन तोन्दोंरि के लम्।” छतसि ख्रीष्‍टए भों ङने तरिगे बिसि आखाँ आथुबै त्हेरै या ङ सैं तोंन्लेन् प्हैंब्मुँ।

एफिसी 4:1

प्रभुए ल्हागिर के लबइलेन् ङ झेलर टिल् त्हुइमुँ, दिलेया ङ क्‍हेमैंने यो छ्युँ लमुँ: क्हेमैं परमेश्‍वरजी त्हाँबै म्हिमैं ग। छतसि क्हेमैं छ्याँबै बानि ब्योरउँइँले छ्ह थोद्।

एफिसी 4:4

ज्यु घ्रिन् मुँ, पबित्र प्ल्ह या घ्रिन् मुँ। च धोंलेन् परमेश्‍वरजी ङ्योलाइ पिंबै आशा या घ्रिन् मुँ।

फिलिप्पी 3:8

च्हौ मत्‍त्रे आङिं, क्ह्रोंसेंन बिब् गो बिस्याँ येशू ख्रीष्‍ट ङए प्रभु ङो सेल् योंबै थेबै ताँ, अरू सैमैंने च्हैंमा ताँन् सैमैं तोगो ङइ फाकर्बै सैमैं धों ङ्हाँम्। तोगो ङइ ख्रीष्‍ट येशूजी पिंबै ताँन् सैमैं योंल् खाँरिगे बिसि खीए ल्हागिर ताँन् सै पिवाइमुँ, च ताँन् सैमैं स त्हुल धोंन् ङ्हाँइमुँ।

फिलिप्पी 4:8

ओ अलि-अङाँमैं, आखिरि ताँ चु मुँ: तो ताँमैं क्ह्रोंसेंन्बै मुँ, तो ताँमैं म्हाँदिल् त्हुब मुँ, तो ताँमैं ठिक मुँ, तो ताँमैं बेल्‍ले स्‍वाब मुँ, तो ताँमैंए बारेर छ्याँब बयन तमुँ, तो ताँमैं छ्याँब मुँ, तो ताँर म्हाँया लल् त्हुब मुँ, तो ताँर ल्हयो खल् त्हुब मुँ, अझै छ्याँब लल् त्हुब नेरो थेब लल् त्हुबै ताँ तोइ मुँस्याँ, चु ताँमैं छेनाले मैंन्।

कलस्सी 1:16

तलेबिस्याँ ख्रीष्‍टउँइँलेन् परमेश्‍वरजी स्‍वर्ग नेरो पृथ्‍बीर्बै ताँन् सैमैं बनेइ। म्रोंल् खाँबै सैमैं, म्रोंल् आखाँबै सैमैं, ताँन् शक्‍ति मुँबै सैमैं परमेश्‍वरजी ख्रीष्‍टउँइँलेन् ख्रीष्‍टए ल्हागिर्न बनेइ।

१ थेसलोनिकी 2:12

परमेश्‍वरजी खोबै छ्ह क्हेमैंइ थोरिगे बिसि ङिज्यै या क्‍हेमैंलाइ लोदा सैंदा लसि भों पिंइ बिसि क्हेमैंइ सेइमुँ। तलेबिस्याँ खीए मिं थेब् लबर परमेश्‍वरजी क्हेमैंलाइ खीए ग्याल्सर हुइब् ग।

१ थेसलोनिकी 4:7

परमेश्‍वरजी ङ्योलाइ आछ्याँबै केर प्रबर आङिं, बरु पबित्र छ्ह थोबै ल्हागिर हुइब् ग।

२ थेसलोनिकी 2:14

ङिइ क्हेमैंने बिबै सैं तोंबै ताँउँइँले ङ्योए प्रभु येशू ख्रीष्‍टए मान क्हेमैंज्यै या योंरिगे बिसि परमेश्‍वरजी क्हेमैं हुइब् ग।

१ तिमोथी 4:8

तलेबिस्याँ ज्युए ल्हागिर लबै के तिस्याँदे मत्‍त्रे फायदा तम्। दिलेया परमेश्‍वरए घ्याँर प्रबै ल्हागिर तालिम लस्‍याँ ल्हें सैर फायदा तम्, तलेबिस्याँ चए रो चु छ्हर मत्‍त्रे आङिं अर्को छ्हरै या योंम्।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।

१ पत्रुस 1:15

क्‍हेमैंलाइ हुइबै परमेश्‍वर पबित्र मुँ, छतसि क्हेमैं या ह्रोंसए छ्हर तोन्दोंरि सैर पबित्र तद्।

१ पत्रुस 1:5

क्‍हेमैंइ परमेश्‍वर फिर बिश्‍वास लइ। छतसि खीए शक्‍तिउँइँले क्‍हेमैंइ चु आशिक योंबै ल्हागिर खीजी क्हेमैंलाइ जोगेसि थेंइमुँ। च आशिक चु ह्‍युल नुयाबै त्हिंइर खीजी उँइँमिंब्‍मुँ।

१ पत्रुस 2:21

छाबै खालर्बै दुःख सैदिबै ल्हागिर्न खीजी क्‍हेमैंलाइ त्‍हाँब् ग। ख्रीष्‍टजी क्‍हेमैंए ल्हागिरि नमुना तसि थेबै दुःख सैदिइ, क्हेमैं खीए म्‍हैर्न प्रल् त्हुम्।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।

१ पत्रुस 3:9

अरूइ क्हेमैंए न्होह्रों ललेया क्हेमैंइ चमैंए न्होह्रों आलद्, अरूइ क्‍हेमैंए फिर गाल् केलेया क्हेमैंइ गाल् आकेद्। बरु आशिक पिंन्, तलेबिस्याँ क्‍हेमैंइ आशिक योंरिगे बिसि परमेश्‍वरजी क्‍हेमैंलाइ हुइब् ग।

१ पत्रुस 5:10

दयाम्हाँया मुँबै परमेश्‍वरजी क्हेमैंलाइ येशू ख्रीष्‍टने घ्रिन् लमिंइमुँ, धै खीजी योंब् धों तबै खोंयोंइ आनुबै मान ङ्योज्यै या योंरिगे बिसि खीजी ङ्योलाइ त्‍हाँइमुँ। क्‍हेमैंइ तिस्याँदे दुःख योंबै लिउँइँ खीजीन् क्हेमैंलाइ धबै छारा लमिंसि, भोंसि लमिंब्मुँ धै बेल्‍ले शक्‍ति मुँब लमिंब्‍मुँ।

२ पत्रुस 1:10

छतसि ओ ङए अलि-अङाँमैं, परमेश्‍वरजी क्‍हेमैंलाइ त्हाँसि हुइमुँ बिबै ताँ क्ह्रोंसेंन् ग बिसि उँइँबै ल्हागिर क्हेमैं छेनले छ्ह थोद्। छ लस्‍याँ क्‍हेमैं परमेश्‍वरउँइँले खोंयोंइ ह्रेंगो तरिब् आरे।

२ पत्रुस 1:2

क्हेमैंइ परमेश्‍वर नेरो ङ्योए प्रभु येशूलाइ ङो सेइमुँ, छतसि खीए दयाम्हाँया नेरो शान्ति क्‍हेमैंने ल्हें ततै ह्‍यारिगे।

२ पत्रुस 1:5

छतसि छ्याँबै केमैं लबै भों लसि क्हेमैंए बिश्‍वासए फिर छ्याँबै बानि लद्। धै छ्याँबै बानिए फिर परमेश्‍वरए इच्‍छाए बारेर क्होबै ज्ञान म्हैद्।

२ पत्रुस 1:6

च ज्ञान योंसि ह्रोंसलाइ ठिक अधीनर थेंन्। ह्रोंसलाइ ठिक अधीनर थेंसि दुःख ढुक्‍कले सैदिद्। च सैदिबै शक्‍ति योंसि परमेश्‍वरलाइ छेनले म्हाँदिद्।

२ पत्रुस 1:8

तलेबिस्याँ चु ताँमैं क्हेमैंइ लइबिस्याँ ङ्योए प्रभु येशू ख्रीष्‍टलाइ छेनले ङो सेल् खाँम्, धै ङ्योइ खीए फिर बिश्‍वास लबै ताँ खेरो ह्‍याल् आपिं।

२ पत्रुस 2:20

ह्रोंसलाइ जोगेमिंबै येशू ख्रीष्‍टलाइ ङो सेसि चु ह्‍युलर्बै ह्रोंसलाइ पापर च्होवाबै सैमैंउँइँले स्योइ खसेया म्हिमैं धबै आछ्याँबै केमैं लसि पापर्न च्होयाम् बिस्याँ चमैंए गति ओंसोंबै भन्दा लिउँइँबै झन् आछ्याँब् तम्।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।

रूथ 3:11

तारे ढुक्‍का तसि टिद्। क्हिलाइ चैदिबै के ङइ क्हिए लागिर लमिंब्मुँ, तलेबिस्याँ क्हि छ्याँबै सुबास मुँबै च्हमिरि ग बिसि चुर्बै ताँन् म्हिमैंइ सेइमुँ।