२ यूहन्‍ना 1:1 - परमेश्‍वरए ताँ तमु क्युइर

¹ ङ बिश्‍वासीमैं न्होंर्बै एल्डरउँइँले परमेश्‍वरजी त्‍हाँबै आना नेरो क्‍हिए कोलोमैंने जय मसीह मुँ। ङइ क्‍हेमैंलाइ सैं न्होंउँइँलेन् म्हाँया लमुँ। ङइ मत्‍त्रे आङिं, क्ह्रोंसेंन्‍बै ताँ था सेबै ताँन् बिश्‍वासीमैंज्यै या क्‍हेमैंलाइ म्हाँया लम्,

२ यूहन्‍ना 1:1 Iomraidhean Croise

लूका 1:3

छतमा ङज्‍यै या चु ताँन् के ओंसों ओंनोंन् खैले तइ बिसि छेन्‍ले मैंसि क्‍हिए ल्हागिर ओंसोंउँइँले लिउँइँ समा तबै ताँमैं तों फ्यार्ले प्‍ह्रिब ठिक तलै ङ्हाँसि प्ह्रिइमुँ।

यूहन्‍ना 8:32

झाइले क्हेमैंइ क्‍ह्रोंसेंन्बै ताँ तो जा बिसि सेब्मुँ, धै च क्ह्रोंसेंन्बै ताँइ क्हेमैंलाइ दुःखउँइँले फ्रेमिंब्मुँ।”

चेला चिब्मैंए केमैं 11:30

झाइले चमैंइ छान् लसि रेबै सैमैं बारनाबास नेरो शाऊलए योउँइँले यरूशलेमर्बै एल्डरमैंए ङाँर चमैंइ पिमिंइ।

रोमी 16:13

झाइले प्रभुए ल्हागिर थेबै के लबै रूफसलाइ ङए जय मसीह मुँ। रूफसए आमालाज्यै या ङए जय मसीह मुँ बिमिंन्। चइ ङलाइ खीए च्‍ह धोंलेन् म्हाँया लमल।

गलाती 2:14

सैं तोंबै ताँइ बिब् धोंले चमैं आप्रब् म्रोंसि ताँन् म्हिमैंए उँइँर ङइ पत्रुसने बिइ, “क्‍हि यहूदी तसेया यहूदीमैंए छ्यार आप्रल्‍ले अरू ह्रेंमैं धोंले प्रइमुँ। छतसि अरू ह्रेंर्बै म्‍हिमैंने यहूदीमैंए छ्यार प्रल् त्‍हुम् बिसि क्हिइ खैले कर ल्‍हैदिम्?”

गलाती 2:5

सैं तोंबै ताँउँइँले योंबै आशिक क्‍हेमैंए लागिर जोगेल् खाँरिगे बिसि चमैंए उँइँर ङि तिफुँइँ आकुर।

गलाती 3:1

ओ बुद्धि आरेबै गलातीमैं! खाबइ क्‍हेमैंलाइ म्होंनि झोंइ? येशू ख्रीष्‍ट क्रूसर च्‍योवाबै ताँ क्हेमैंने ङिइ छेनाले बिल।

गलाती 5:7

ओंसों क्‍हेमैं छेनालेन् प्ररिल। तोगो खाबइ क्‍हेमैंलाइ चु क्ह्रोंसेंन्बै छ्याँबै घ्‍याँर प्रल् आपिं?

कलस्सी 1:5

क्हेमैंइ योंल् त्हुबै सैमैं परमेश्‍वरजी क्हेमैंए ल्हागिर स्वर्गर जोगेथेंइमुँ बिबै आशा लसि क्हेमैंइ छाबै बिश्‍वास नेरो म्हाँया लब् ग। चु आशाए ताँ ओंसोंन् ख्रीष्‍टउँइँले खबै सैं तोंबै ताँउँइँले सेल।

१ तिमोथी 2:4

तलेबिस्याँ ताँन् म्हिमैंइ मुक्‍ति योंरिगे धै चमैंइ क्ह्रोंसेंन्बै ताँ था सेरिगे बिब खीए सैं मुँ।

हिब्रू 10:26

तलेबिस्याँ क्ह्रोसंन्बै ताँ सेसेया ङ्योइ ह्रना-ह्नन् पाप लइ बिस्याँ पाप त्होमिंबै ल्हागिर तारे अरू ख्रो आरे।

१ पत्रुस 1:2

येशू ख्रीष्‍टजी बिबै ताँ क्हेमैंइ ङिंसि खीए कोजी ख्रुमिंसि पबित्र प्ल्हउँइँले चोखो तबै ल्हागिर परमेश्‍वर आबाजी क्हेमैंलाइ स्योंमन् त्हाँल। क्हेमैं ताँनए फिर परमेश्‍वरए दयाम्हाँया नेरो शान्ति खोंयोंन् बिलै ल्हें ततै ह्‍यारिगे।

१ पत्रुस 5:1

ङ बिश्‍वासी न्होंर्बै एल्डर पत्रुसउँइँले क्‍हेमैंए एल्डरमैंने यो छ्युँ लमुँ। ख्रीष्‍टजी खैले दुःख सैदिल बिबै साक्षि ङ मुँ। धै लिउँइँ खीए थेबै मान तमैंया ङ खीने बालुन् तब्मुँ।

१ पत्रुस 5:13

चु बेबिलोन सहरर्बै बिश्‍वासीमैं नेरो ङए च्ह मर्कूसज्यै क्‍हेमैंने जय मसीह बिमिंइमुँ। क्‍हेमैंलाइ धोंले चमैंलाज्यै या परमेश्‍वरजी त्‍हाँब् ग।

१ यूहन्‍ना 2:21

क्‍हेमैंइ क्ह्रोंसेंन्बै ताँ आसेइमुँ बिसि ङइ चु प्ह्रिछ्या प्‍ह्रिब आङिं, दिलेया क्‍हेमैंइ येशूए बारेर्बै क्ह्रोंसेंन्बै ताँ सेइमुँ। धै क्ह्रोंसेंन्बै ताँउँइँले स्योलिबै ताँ आख बिबै या क्‍हेमैंइ था सेइमुँ। छतसि ङइ चु प्ह्रिछ्या प्‍ह्रिब् ग।

१ यूहन्‍ना 3:18

ओ ङइ खोबै कोलोमैं, ङ्योइ लबै म्हाँया ताँ नेरो सुँइ पोंब मत्‍त्रे आङिं, योज्यै या छ्याँबै के लसि सैं न्होंउँइँलेन् क्ह्रोंसेंन्‍बै म्हाँया लल् त्‍हुम्।

२ यूहन्‍ना 1:13

परमेश्‍वरजी त्हाँबै क्‍हिए खोबै अङाँए कोलोमैंइ क्हिने जय मसीह बिमिंइमुँ।

२ यूहन्‍ना 1:5

छतसि ओ आना, ङइ क्हेमैंलाइ छारा ताँ तोइ आप्ह्रिइमुँ, ङ्यो ताँनइ घ्रिइ घ्रिने सैं न्होंउँइँलेन् म्हाँया लल् त्हुम् बिसि ओंसों ओंनोंन् ङ्योने बिबै ताँ ङइ चु प्ह्रिछ्यार प्ह्रिइमुँ।

३ यूहन्‍ना 1:1

ङ बिश्‍वासीमैं न्होंर्बै एल्डरउँइँले ङइ खोबै थु गायसलाइ जय मसीह मुँ। ङइ सैं न्होंउँइँले क्हिलाइ म्हाँया लमुँ।