२ कोरिन्थी 7:9 - परमेश्‍वरए ताँ तमु क्युइर

⁹ दिलेया तोगो ङ सैं तोंइमुँ। क्‍हेमैंए सैं नल् लवासि ङ सैं तोंब आङिं, बरु च प्ह्रिछ्याए ताँइ लमा क्‍हेमैंइ ह्रोंसए आछ्याँबै केउँइँले सैं एइमुँ बिब् थेसि ङ सैं तोंइमुँ। क्हेमैंए सैं परमेश्‍वरजीन् नल् लब् ग, छतसि क्‍हेमैंए सैं नलेया ङि ङाँइँले क्‍हेमैंला तोइ न्होह्रों आतइमुँ।

२ कोरिन्थी 7:9 Iomraidhean Croise

भजनमैं 38:18

ङइ छेरन् ङ्हाँबै केमैं लइमुँ बिसि ङइ क्हिने बिइमुँ; ङइ लबै आछ्याँबै केमैंइ लमन् ङइ शोक लइमुँ।

मत्ती 3:8

बरु परमेश्‍वरउँइँ सैं एसि छ्याँबै केमैं लसि उँइँन्।

लूका 15:10

ङ कहेमैंने बिमुँ, च धोंलेन् दुष्‍ट के पिसि खी ङाँइ सैं एसि छ्याँबै घ्‍याँर प्रबै म्‍हि घ्रि म्रोंसि परमेश्‍वरए स्‍वर्गदूतमैं बेल्‍ले सैं तोंम्।”

लूका 15:32

तिंयाँ ङ्योइ भत्‍यार लसि बेल्‍ले सैं तोंल् त्‍हुम्। तलेबिस्याँ क्‍हिए अलि सियाल, सोसि खइ, म्‍हयालेया योंइ।’”

लूका 15:7

“ङ क्हेमैंने बिमुँ, ‘ङइ पाप के लइमुँ ङलाइ क्षमा पिंन्,’ बिल् आत्हुबै कुच्युसे कु धर्मि म्‍हिमैं भन्दा ‘ङ पापि मुँ, ङइ पाप केमैं लइमुँ, ङलाइ क्षमा पिंन्,’ बिसि सैं एबै म्‍हि घ्रि म्रोंसि परमेश्‍वर स्‍वर्गर बेल्‍ले सैं तोंम्।”

चेला चिब्मैंए केमैं 20:21

यहूदीमैं नेरो ग्रिकमैंने पाप केमैं पिसि परमेश्‍वरउँइँ सैं एद् धै ङ्योए प्रभु येशूए फिर बिश्‍वास लद् बिसि ङइ ग्वाइ पिंइँमुँ।

२ कोरिन्थी 1:12

चु ताँ बिल् योंमा ङि ङ्‍हो च्हौ प्ल्ह्‍याब् धों ङ्हाँइमुँ, ङिए सैंज्यै या छान् बिम्। ङिइ चु ह्‍युलर छ्ह थोमा छ्याँबै केमैं लसि छेनाले प्रब्-टिब लइ, क्‍हेमैंने मुँमै या ङि छेनाले प्रब्-टिब पोंब लसि परमेश्‍वरए क्‍ह्रोंसेंन्बै घ्याँर प्रल। ङिइ छाबै केमैं म्‍हिए ज्ञान बुद्धिउँइँले लब आङिं, चु केमैं ङिइ परमेश्‍वरए दयाम्हाँयाउँइँले लल् खाँब् ग।

२ कोरिन्थी 2:16

दिलेया नास तब्‍मैंए ल्हागिर ङ्यो सिनु थाँ नाँब् धों तम्। छतसि चमैं नर्गर फेनेम्। मुक्‍ति योंब्‍मैंए ल्हागिर ङ्यो लिंबै थाँ खबै धुप धोंन् तम्। छतसि चमैं स्वर्गर फेनेम्। च्हौ थेबै के खाबइ लल् खाँम्?

२ कोरिन्थी 7:8

ङइ ओंसों च हौदिबै प्ह्रिछ्या प्‍ह्रिसि क्‍हेमैंए सैं नवालेया ङइ च प्ह्रिछ्या प्‍ह्रिलन् त्हुमल। च प्ह्रिछ्याइ तिस्याँदे क्‍हेमैंए सैं नइ। क्हेमैंए सैं नब् म्रोंसि ङइ “आप्‍ह्रिलेन् तमल” ङ्हाँइ,