२ कोरिन्थी 4:3 - परमेश्‍वरए ताँ तमु क्युइर

³ छतसि ङिइ बिबै सैं तोंबै ताँ नास तब्मैंए ल्हागिर मत्‍त्रे हुथेंब् धों तइमुँ।

२ कोरिन्थी 4:3 Iomraidhean Croise

मत्ती 11:25

च त्हेर्न येशूजी प्राथना लसि “ओ आबा, स्वर्ग नेरो पृथ्‍बीर्बै क्‍ल्‍हे, ङ क्‍हिलाइ धन्‍यबाद पिंम्, तलेबिस्याँ ज्ञान बुद्धि मुँ बिसि ह्रब्-सेब् प्हैंब्मैंउँइँले क्‍हिजी चु ताँमैं लोथेंइ। दिलेया कोलोमैं धों तबै तोइ आसेबै म्‍हिमैंलाइ क्हिजी चु ताँ क्‍होल् लमिंइ।

रोमी 2:16

छतमा निसाफ लबै त्हिंइर परमेश्‍वरजी येशू ख्रीष्‍टउँइँले म्‍हिमैंए सैं न्‍होंर्बै ताँमैंए निसाफ लब्‍मुँ। ङइ बिबै सैं तोंबै ताँइ बिब् धोंलेन् चु ताँ तब्मुँ।

१ कोरिन्थी 1:18

तलेबिस्याँ ङ्योए पाप ख्रुमिंबै ल्हागिर येशू ख्रीष्‍टजी क्रूसर ख्रो पिंब् ग बिबै ताँ नास तबर होंब्मैंइ बुद्धि आरेब्मैंए ताँ धों ङ्हाँम्, दिलेया येशूए फिर बिश्‍वास लसि पापउँइँले फ्रेब्मैंइ बिस्याँ ङ्योए ल्हागिर चु ताँ परमेश्‍वरए शक्‍ति ग ङ्हाँम्।

१ कोरिन्थी 2:6

दिलेया परमेश्‍वरए फिर बिश्‍वासर भोंब्मैंए उँइँर ङ्यो बुद्धिए ताँमैं या पोंम्। ङ्योइ पोंबै बुद्धिए ताँमैं चु ह्‍युलर्बै आङिं, ह्‍युलर ग्याल्स लब्मैंउँइँले खबै या आङिं। (चु ह्‍युलर ग्याल्स लब्मैं नास तयाम्।)

२ कोरिन्थी 2:12

ख्रीष्‍ट येशूउँइँले खबै सैं तोंबै ताँ बिबर ङ त्रोआस बिबै नाँसर ह्‍यामा प्रभुजी ङलाइ चर खीए के लबै मौका पिंइ।

२ कोरिन्थी 3:14

मोशाए मोंड क्वेंइ हुब् धोंले इस्राएलथेंमैंए सैं या हुथेंब् धोंन् तइमुँ। छतसि तिंयाँ समै या ठिम खेमा चमैंइ परमेश्‍वरए ताँ क्‍होल् आखाँ। ख्रीष्‍ट येशूजी मत्‍त्रे च हुथेंबै क्‍वें स्‍योवासि परमेश्‍वरए ताँ क्होमिंल् खाँम्।

२ कोरिन्थी 4:4

परमेश्‍वर खैब मुँ, ख्रीष्‍टै या छाबन् मुँ। खी ङाँइँले खबै सैं तोंबै ताँ आक्होरिगे बिसि चु ह्‍युलर्बै देवताइ बिश्‍वास आलब्मैंए सैंर्बै मिइ च ताँ म्रोंल् आखाँब लवाइमुँ।

१ थेसलोनिकी 1:5

तलेबिस्याँ ङिइ क्हेमैंने सैं तोंबै ताँ ओंसोंन् बिमिंमा ङिए सुँइ मत्‍त्रे पोंब आङिं, परमेश्‍वरए पबित्र प्ल्ह नेरो भोंउँइँले बिब् ग। चु ताँ क्ह्रोंसेंन् ग बिब सैं न्‍होंर था सेसि ङि क्‍हेमैं ङाँर युइ। क्‍हेमैंए म्‍हाँजोर टिमा क्‍हेमैंए ल्हागिर्न ङिइ खैले त्हिंइ थोल बिसि क्‍हेमैंज्यै सेइमुँ।

१ तिमोथी 1:11

च ठिक लोमिंबै ताँमैं बेल्‍ले छ्याँबै नेरो ताँनइ म्हाँदिल् त्हुबै परमेश्‍वरजी ङने पिंबै सैं तोंबै ताँने क्ह्रिम्।