२ कोरिन्थी 4:1 - परमेश्‍वरए ताँ तमु क्युइर

¹ परमेश्‍वरजी खीए दयाम्हाँयाउँइँले ङिलाइ खीए सेवा लबै के पिंइमुँ। छतसि ङिए सैं खोंयोंइ च्योंब आत।

२ कोरिन्थी 4:1 Iomraidhean Croise

लूका 18:1

चेलामैं खोंयोंन् बिलै प्राथना लरिगे धै सैं च्योंब आलरिगे बिबै सैंले येशूजी अहान् घ्रि बिइ।

१ कोरिन्थी 3:5

अपोल्‍लोस खाब् जा? ङै या खाब् जा? ङिम् परमेश्‍वरए के लबै म्‍हिमैं मत्‍त्रे ग। ङिउँइँले क्‍हेमैंइ खीए फिर बिश्‍वास लइ। खीजी खटिदिबै के ङि लमुँ।

१ कोरिन्थी 7:25

तारे कन्‍येमैंए बारेर प्रभु येशूउँइँले बिल् त्‍हुबै ताँ ङने तोइ आरे। दिलेया प्रभु येशूउँइँले दयाम्हाँया योंसि ङ म्हिमैंइ क्वेंल् खाँबै म्हि तबइले ङइ क्‍हेमैंलाइ सल्‍ला पिंम्।

२ कोरिन्थी 3:12

छतसि ङिल छाबै क्ह्रोंसेंन्बै आशा मुँबइले सैं तोंबै ताँ बिप्रमा थेबै भों खम्।

२ कोरिन्थी 3:6

छारा बाछार्बै के लल् खाँब्मैं खीजी ङिलाइ लमिंइ। च बाछा म्‍हिइ प्‍ह्रिबै ठिम आङिं, दिलेया पबित्र प्ल्हजी फैबै बाछा ग। तलेबिस्याँ म्‍हिइ प्ह्रिबै ठिम म्हाँदिल् आखाँबइले ताँन् म्‍हि सिल् त्‍हुमल, दिलेया पबित्र प्ल्हजी ङ्योलाइ पापउँइँले फ्रेमिंसि छारा छ्ह पिंम्।

२ कोरिन्थी 4:16

छतसि ङि सैं च्योंब आल। ङिए ज्युर्बै भों नु-नुइ ह्‍यालेया ङिए सैं त्हिंइ ह्रोंसे भोंब् ततै ह्‍याम्।

२ कोरिन्थी 5:18

चु ताँन् छारा के परमेश्‍वरजीन् लमिंब् ग। परमेश्‍वर खीजीन् ख्रीष्‍टउँइँले ङ्योलाइ खीने क्ह्रिल् लमिंइमुँ, धै अरू म्हिमैंलाज्यै या खीने क्ह्रिल् लमिंबै के ङ्योलाइ पिंइमुँ।

गलाती 6:9

छतसि ङ्योइ आनारल्‍ले अरूमैंलाइ ल्होले, तलेबिस्याँ ङ्यो आनारल्‍ले के लसिन् टिइबिस्‍याँ ठिक त्हेर ङ्योइ रोमैं योंब्‍मुँ।

एफिसी 3:13

छतसि ङ क्‍हेमैंने यो छ्युँ लमुँ, क्हेमैंए ल्हागिर ङइ दुःख नोब् म्रोंसि क्‍हेमैं सैं च्योंब् आलद्, तलेबिस्याँ ङइ दुःख नोबइले क्‍हेमैंल फायदा तइमुँ।

फिलिप्पी 4:13

तलेबिस्याँ ख्रीष्‍टजी ङलाइ तआन् सैए फिर ट्होबै भों पिंइमुँ। छतसि ङइ चु ताँन् सै लल् खाँम्।

२ थेसलोनिकी 3:13

ओ अलि-अङाँमैं, आगुलाइ ल्होबै केमैंर खोंयोंइ आनारद्।

१ तिमोथी 1:13

ओंसों ङइ खीए बिरोधर आछ्याँबै केमैं लसि खीलाइ बेल्‍ले ह्रुगुदिइ। तलेबिस्याँ च त्हेर ङइ खीए फिर बिश्‍वास आलल छतसि ङइ तो लरिइमुँ बिसि ङइ था आसेल, दिलेया परमेश्‍वरए ल्हयो ङइ योंइ।

हिब्रू 12:3

पापि म्‍हिमैंइ खीए बिरोधर पोंबै च्‍हौ ल्‍हें ताँमैं सैदिल् खाँबै येशूलाइ मैंन्, धै आनरल्‍ले ओंसों बडिद्।

१ पत्रुस 2:10

ओंसों क्‍हेमैं परमेश्‍वरए म्हिमैं आतल, दिलेया तिंजोरो क्हेमैं खीए म्हिमैं तइमुँ। ओंसों क्हेमैंइ परमेश्‍वरए म्हाँया आयोंल, दिलेया तिंजोरो क्‍हेमैंइ परमेश्‍वरए म्हाँया योंइमुँ।

दर्शन 2:3

क्हेमैंइ ङए फिर बिश्‍वास लबइले कति थेबै दुःख तलेया सैदिसि टिइमुँ, झाइले ङए घ्याँर प्रबर आनारइमुँ।