Biblia Todo Logo
Bìoball air-loidhne

- Sanasan -




२ कोरिन्थी 3:2 - परमेश्‍वरए ताँ तमु क्युइर

2 आत्‍हु! तलेबिस्याँ क्हेमैंन् ङिए ल्हागिर प्ह्रिछ्या ग। च प्ह्रिछ्या ताँन् म्हिमैंइ था सेल्‍ले, खेल् खाँल्‍ले ङ्योए खोंर प्ह्रिथेंइमुँ।

Faic an caibideil Dèan lethbhreac




२ कोरिन्थी 3:2
9 Iomraidhean Croise  

ओंसों बिल् त्हुबै ताँ, येशू ख्रीष्‍टए फिर क्‍हेमैंइ बिश्‍वास लइमुँ बिबै छ्याँबै ताँमैंए बयन ह्‍युल तिगोंन् थेनेइमुँ। छतसि क्‍हेमैं ताँनए ल्हागिर येशू ख्रीष्‍टउँइँले ङए परमेश्‍वरलाइ धन्‍यबाद पिंम्।


परमेश्‍वरउँइँले योंबै ज्ञान बुद्धिउँइँले ङइ धिं बनेबै सिपालु कर्मिइ धोंले छेनाले तें (जग) झोंइमुँ। च तेंए फिर गारा झोंब्मैं ताँनइ छेनाले च्हैंसि मैंसि परमेश्‍वरउँइँले योंबै भों मुँबै बरदान अनुसार के लसि छेनाले गारा झोंल् त्हुम्।


ङइ तले छ बिगे? ङइ क्‍हेमैंलाइ म्हाँया आल बिसि छ बिब् वा? आङिं! ङइ क्‍हेमैंलाइ म्हाँया लम् बिसि परमेश्‍वरजी सेइमुँ!


क्‍हेमैंए ल्हागिर सैं तोंदै ङने मुँबै ताँन् सै न्होर नेरो ङए ज्यु या पिंब्मुँ। छले ङइ क्‍हेमैंए फिर ल्हें म्हाँया लसेरो क्‍हेमैंइ ङलाइ च्युगुदे म्हाँया लब् वा?


ङिइ ह्रोंसए बयन लइमुँ वा? ङिइ “छ्याँबै के लइमुँ” बिसि अरूमैंइ धोंले प्ह्रिछ्या प्ह्रिसिन् ङिइ क्‍हेमैंलाइ उँइँल् त्‍हुम्‌ रो वा? छलेन क्‍हेमैंज्यै अरूमैंलाइ छाबै प्ह्रिछ्या प्ह्रिसिन् उँइँल् त्‍हुम्मा?


क्‍हेमैंलाइ छ्याब् ल्हैदिबर ङइ छ बिब आङिं। ङइ ओंसों बिब् धोंलेन्, ङिए सैंर क्हेमैंए फिर ल्हें म्हाँया मुँ, छतसि सिलेया सोलेया ङि खोंयोंन् बिलै क्‍हेमैंने बालुन् तब्मुँ।


ङइ क्‍हेमैंलाइ खोंयोंन् बिलै ह्रोंसए सैंर थेंइमुँ। ङइ क्हेमैं ताँनए ल्हागिर छले मैंब ठिक मुँ, तलेबिस्याँ परमेश्‍वरजी दयाम्हाँया लसि खीउँइँले खबै सैं तोंबै ताँ जोगेबै के ङलाइ पिंइ, धै ङ झेलर मुँमा बैरु मुँमा क्हेमैं चु केर ङने बालुन् प्रल।


तलेबिस्याँ क्‍हेमैंउँइँले प्रभु येशूए बारेर्बै ताँ माकेडोनिया नेरो अखैया तिगोंन् फेइ। च मत्‍त्रे आङिं, क्हेमैंइ परमेश्‍वरए फिर बिश्‍वास लसि म्हाँदिबै ताँ खन्तोंदोंन् थेनेइमुँ। छतसि ङिइ म्‍हिमैंने त्‍होसि क्‍हेमैंए बारेर तोइ बिरिल् आत्‍हु।


Lean sinn:

Sanasan


Sanasan