२ कोरिन्थी 10:3 - परमेश्‍वरए ताँ तमु क्युइर

³ ङि चु ह्‍युलर टिलेया, चु ह्‍युलर्बै म्‍हिमैं धोंले ङि प्होंब्-न्हेब् आल।

२ कोरिन्थी 10:3 Iomraidhean Croise

रोमी 7:5

ओंसों ङ्यो पाप लदै छ्ह थोरिल, छतसि कालए सुँर फेनेबै आछ्याँबै केमैं लबर ठिमइ भों पिंसि पाप लदा ङ्हाँबै सैं खसि ङ्योइ ज्युर आछ्याँबै के लमल।

रोमी 8:13

तलेबिस्याँ ह्रोंसए आछ्याँबै बानिइ बिब् ङिंस्‍याँ क्‍हेमैं सिल् त्‍हुम्। दिलेया परमेश्‍वरए प्ल्हए भोंउँइँले क्‍हेमैंइ ह्रोंसए ओंसोंबै आछ्याँबै बानिमैं पिवास्‍याँ क्‍हेमैंए प्ल्ह सोब्‍मुँ।

रोमी 8:4

ङ्योए ओंसोंबै बानिइ बिब् ङिंसि आङिं, बरु परमेश्‍वरए पबित्र प्ल्हजी बिब् ङिंबइले ङ्योइ ठिमइ बिबै ठिक ताँमैं ङिंल् खाँरिगे बिसि परमेश्‍वरजी छ लइ।

२ कोरिन्थी 1:17

दिलेया क्हेमैं कोरिन्थथेंमैं ङाँर ङ आह्‍याल। ङइ लबै चाँजोउँइँले ङ भर पर्दिल् आखाँबै म्हि धों क्हेमैंइ मैंल् वा? चु चाँजो ङए खुशिइ लब् धों ङ्हाँल् वा? तो ङइ सुँइ घ्रिइन खोंयों “खमुँ” खोंयों “आख” बिम् बिसि क्हेमैं मैंल् वा?

२ कोरिन्थी 10:4

तलेबिस्याँ ङिइ छेबै हातियार ह्‍युलर्बै म्‍हिमैंइ छेब् धों तब आङिं, ङिइ छेबै हातियारम् परमेश्‍वरए थेबै शक्‍ति मुँबै बचन ग। च बचनइ भोंबै किल्‍लामैं नास लवाल् खाँम्।

गलाती 2:20

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

१ तिमोथी 1:18

ओ ङए च्ह तिमोथी, ङइ क्‍हिने बिमुँ, अगमबक्‍तामैंइ ओंसों क्‍हिए बारेर बिबै तामैंउँइँले भों योंसि बिश्‍वासर छ्याँबै सैं लसि छेनाले के लल् खाँब् तद्।

२ तिमोथी 4:7

ङए छ्हर खैतबै दुःख तलेया ङइ सैदिइ। धै ङइ लल् त्हुबै के छेनाले लइ। छले ङए फिर खैतबै दुःख तलेया ङइ बिश्‍वास लब आपि।

हिब्रू 12:1

ङ्योए खागु च्‍हौ ल्‍हें म्हि साक्षि मुँबइले, ताँन् खालर्बै दुःख नेरो ङ्योलाइ क्होइ थेंबै पाप स्योवासि तौदिबै क्‍ल्‍ह्‍योर आफेन् समा ङ्यो ढुक्‍कले न्हेले।