१ तिमोथी 6:3 - परमेश्‍वरए ताँ तमु क्युइर

³ खाबज्यै प्रभु येशूए ताँने आक्ह्रिबै ताँमैं लोमिंसि ङ्योइ येशूए मिंर लल् त्हुबै केमैं लल् आत्हु बिमुँ,

१ तिमोथी 6:3 Iomraidhean Croise

हितोपदेश 15:4

छ्याँबै सुँइ पोंमा नरिबै सैं या सम्, दिलेया स्योलिबै ताँ पोंबै लेइ सैं नल् लम्।

मत्ती 22:21

चमैंइ खीने “चु कैसर म्रुँल् ग,” बिइ। येशूजी चमैंने बिइ, “छतसि कैसरलाइ पिंल् त्हुबै सै कैसरलाइन पिंन्, धै परमेश्‍वरलाइ पिंल् त्हुबै सै परमेश्‍वरलाइन पिंन्।”

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

रोमी 16:17

ओ अलि-अङाँमैं, ङ क्‍हेमैंने यो छ्युँ लमुँ, भाँडिदिब्‍मैं नेरो क्हेमैंलाइ लोमिंबै परमेश्‍वरए ताँए बिरोधर पोंसि आक्ह्रिल् लब्‍मैंउँइँले न्ह क्रों मि क्रोंले स्‍योले टिद्।

१ थेसलोनिकी 4:8

छतसि खाबइ चु ताँ आम्हाँदि, चइ म्हिमैंए बिरोध लब आङिं, दिलेया क्हेमैंलाइ खीए पबित्र प्ल्ह पिंबै परमेश्‍वरए बिरोध लब् ग।

१ तिमोथी 1:10

नेरो छमिं न्हब्मैं, फ्रें क्ल्योंब्मैं, मुँयुँमैंइ मुँयुँमैं म्हैब्मैं, रिंमैंइ रिंमैं म्हैब्मैं, म्हि क्हाइ बोब्मैं, ह्‍योमैं, स्योर्गुमैं, स्योर तेसि ग्वाइ पिंब्‍मैं नेरो ठिक ताँमैंए बिरोधर पोंब्मैंए ल्हागिर पिंइ।

१ तिमोथी 1:3

ङ माकेडोनिया ह्‍युलर ह्‍यामा क्हिलाइ “एफिससर्न टिसि स्योलिबै ताँमैं लोमिंबै म्हिमैंने छाबै स्योलिबै ताँ लोमिंल् आयों बिद्!” बिसि चर्न टिद् बिल।

१ तिमोथी 1:6

दिलेया को-कोइ म्हिमैं चु छ्याँबै घ्‍याँउँइँले स्योयासि स्योलिबै केर आफेबै घ्‍याँर अलमल् तरिइमुँ।

२ तिमोथी 1:13

छतसि ङइ लोमिंबै ताँमैं छेनाले सैंर थेंसि च धोंले छ्ह थोद्। धै येशू ख्रीष्‍टउँइँले खबै बिश्‍वास नेरो म्हाँया खोंयोंन् बिलै लरिद्।

२ तिमोथी 4:3

तलेबिस्याँ म्हिमैंइ क्‍ह्रोंसेंन्‍बै ताँ थेदा आङ्हाँबै त्हे खब्मुँ। च त्हेर चमैंइ खेंमैंए सैंर तो मैंमुँ चन् लप्रब्मुँ। धै खेंमैंइ थेदा ङ्हाँबै ताँमैं मत्रै लोमिंबै म्हिमैं हुइसि चमैंए ताँ थेब्‍मुँ।

तीतस 1:1

परमेश्‍वरए के लबै म्हि, येशू ख्रीष्‍टजी कुल्मिंबै चेला चिब ङ पावलउँइँले तीतसलाइ जय मसीह मुँ। परमेश्‍वरजी त्‍हाँबै म्‍हिमैंए बिश्‍वास भोंब् लमिंबर नेरो खीए उँइँर खैले छ्याँबै छ्ह थोल् त्‍हुम् बिबै क्ह्रोंसेंन्बै ताँ लोमिंबर खीजी ङ कुलब् ग।

तीतस 1:9

चलाइ लोमिंबै क्ह्रोंसेंन्बै ताँर च भोंसि तल् त्हुम्, धै चइ क्ह्रोंसेंन्बै ताँ छेनाले लोमिंल् खाँरिगे, खाबज्यै खिइ लोमिंबै ताँ थोसि खेंमैंए स्योलिबै ताँमैं लोमिंल् म्हैस्याँ चइ “क्हेमैंए ताँ स्योर ग” बिसि बिल् खाँरिगे।

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।