१ तिमोथी 6:13 - परमेश्‍वरए ताँ तमु क्युइर

¹³ ताँन् सैमैंए छ्ह पिंबै परमेश्‍वर नेरो पन्‍तियस पिलातसए ओंसों छ्याँबै ग्वाइ पिंबै प्रभु येशू ख्रीष्‍टए उँइँर ङ क्हिने चु ताँ बिमुँ:

१ तिमोथी 6:13 Iomraidhean Croise

मत्ती 27:11

येशू क्रथेए उँइँर रामा क्रथेइ येशूने “क्‍हि यहूदीमैंए म्रुँ वा?” बिसि ङ्योएइ। येशूजी “क्‍हिइन बिइमुँ दि,” बिइ।

मत्ती 27:2

झाइले चमैंइ खीलाइ फैसि रोमी क्रथे पिलातस ङाँर बोसि पिंवाइ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 19:11

येशूजी बिइ, “परमेश्‍वरजी आपिंस्याँ क्हिला ङए फिर तोइ हग आतमल। छतसि ङलाइ क्हिए योर पिंवाबै म्हिए फिर पापए छ्याब् झन् ल्हें तब्मुँ।”

यूहन्‍ना 5:21

तलेबिस्याँ खैले आबाजी सियाब्‍मैं सोगों लमिंसि छारा छ्ह पिंमुँ, छलेन च्हज्यै या खाबलाइ छ्ह पिंदा ङ्हाँमुँ, चमैंलाइ छ्ह पिंब्मुँ।

यूहन्‍ना 5:26

तलेबिस्याँ आबा ह्रोंसनेन् खोंयोंइ आखाँबै छ्ह मुँ, छलेन खीजी च्हलाज्यै या छ्हए मुल तबै हग पिंइमुँ।

चेला चिब्मैंए केमैं 17:25

खीजीन् ताँनलाइ जीवन, सो नेरो तोन्दोंरि सै पिंमुँ। छतसि खीलाइ तोइ सैए खाँचो तब् धोंले म्हिए योउँइँले खीए सेवा लल् त्हुम् बिसि आमैंन्।

२ कोरिन्थी 9:13

ख्रीष्‍टउँइँले खबै सैं तोंबै ताँर बिब् धोंले क्‍हेमैं प्रसि यहूदीमैं नेरो अरू म्हिमैंए ल्हागिर क्हेमैंइ सैं प्ल्हसि पिंबै भेटिउँइँले परमेश्‍वरए मिं थेब् तब्मुँ।

गलाती 3:26

येशू ख्रीष्‍टए फिर बिश्‍वास लबइले क्‍हेमैं ताँन् परमेश्‍वरए प्हसेमैं तइमुँ,

१ तिमोथी 1:12

खीए के लबर ङलाइ भों पिबै येशू ख्रीष्‍ट ङ्योए प्रभुलाइ ङ धन्‍यबाद पिंम्, तलेबिस्याँ ङए फिर बिश्‍वास म्हाँदिसि खीए सेवा लबर खीजी ङलाइ त्हाँइ।

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।

१ तिमोथी 2:5

तलेबिस्याँ परमेश्‍वर घ्रि मत्‍त्रेन् मुँ, धै परमेश्‍वर ङाँर फेनबै घ्‍याँ या घ्रि मत्‍त्रे मुँ। च घ्‍याँ येशू ख्रीष्‍ट बिबै म्हि ग।

१ तिमोथी 5:21

परमेश्‍वर आबा, प्रभु येशू ख्रीष्‍ट नेरो स्‍वर्गदूतमैंए उँइँर ङइ क्हिने बिमुँ, क्हिइ खाबलाज्यै आफेलल्‍ले छेनाले चु केमैं लद्।

१ तिमोथी 6:12

खोंयोंइ आखाँबै छ्ह योंबै ल्हागिर बिश्‍वासर भोंब् तद्। चुए ल्हागिर्न परमेश्‍वरजी क्हिलाइ त्‍हाँब् ग, चु ताँए बारेर्न क्हिइ लबै बिश्‍वासए ग्वाइ क्हिइ ल्‍हें म्‍हिमैंए उँइँर पिंल।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।

दर्शन 21:6

खीजी धबै बिइ, “लल् त्हुबै ताँन् केमैं लल् खाँइ! ताँन् भन्दा ओंसोंबै नेरो ताँन् भन्दा लिउँइँबै ङन् ग, तों लबै ङन् ग, तों नुबै या ङन् ग। क्‍यु पिब्‍मैंलाइ ङइ खोंयोंइ आखाँबै छ्ह पिंबै क्‍यु मूलउँइँले छलेन् थुँल् पिंब्‍मुँ।

दर्शन 22:1

च लिउँइँ च स्‍वर्गदूतइ खोंयोंइ आखाँबै छ्ह पिंबै क्‍यु मुँबै स्‍यों ङलाइ उँइँइ। च स्‍यों बेल्‍ले टल्‍कदिबै तुथु धोंले वाँ-वाँ ब्योंब् मुँल। च स्‍यों परमेश्‍वर नेरो क्‍यु च्हजए राजगद्दिउँइँले त्होंसि,

दर्शन 3:14

“लाउडिकिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “भर लल् खाँब नेरो क्ह्रोंसेंन्बै ग्वाइ पिंबै येशूजी चु ताँ बिइमुँ: ङउँइँले परमेश्‍वरजी तोन्दोंरि सै बनेइमुँ, छतसि ङ आमेन ग।