१ तिमोथी 5:2 - परमेश्‍वरए ताँ तमु क्युइर

² धै छमिंमैंने छ्याँबै सैंउँइँले ह्रोंसए रिंने धोंले ब्यबर लद्।

१ तिमोथी 5:2 Iomraidhean Croise

मत्ती 12:50

तलेबिस्याँ स्वर्गर मुँबै ङए परमेश्‍वर आबाए सैंर मैंब् धोंले लब्मैंन् ङए अलि, ङए अङाँ, ङए आमा ग।”

फिलिप्पी 4:8

ओ अलि-अङाँमैं, आखिरि ताँ चु मुँ: तो ताँमैं क्ह्रोंसेंन्बै मुँ, तो ताँमैं म्हाँदिल् त्हुब मुँ, तो ताँमैं ठिक मुँ, तो ताँमैं बेल्‍ले स्‍वाब मुँ, तो ताँमैंए बारेर छ्याँब बयन तमुँ, तो ताँमैं छ्याँब मुँ, तो ताँर म्हाँया लल् त्हुब मुँ, तो ताँर ल्हयो खल् त्हुब मुँ, अझै छ्याँब लल् त्हुब नेरो थेब लल् त्हुबै ताँ तोइ मुँस्याँ, चु ताँमैं छेनाले मैंन्।

१ थेसलोनिकी 5:22

ताँन् आछ्याँबै केमैंउँइँले स्यो तद्।

१ तिमोथी 4:12

ताँनए फिर म्हाँया लइरि बिश्‍वासर भोंब् तसि, छ्याँबै ताँमैं पोंसि, छ्याँबै बानि ब्योर उँइँसि, छेनाले छ्ह थोसि बिश्‍वासीमैंए उँइँर छ्याँबै नमुना तद्। तलेबिस्याँ फ्रेंसि छजोरे बिसि खाबज्यै या क्हिलाइ आक्वेंब आतरिगे।

१ तिमोथी 5:1

खेब् माँब्मैंलाइ आहौदिद्, चमैंने आबा आमाने धोंलेन् ब्यबर लद्। धै फ्रेंसिमैंने ह्रोंसए अलिमैं धोंन् ङ्हाँन्।

१ तिमोथी 5:3

ङ्ह्‍योबै म्हि खाबै आरेबै म्हरेस्योमैं म्हाँया लद्।

२ तिमोथी 2:22

छतसि क्हि फ्रेंसि तमा ज्युइँले खबै आछ्याँबै केउँइँले स्यो तद्, धै छ्याँबै सैंउँइँले प्रभुए मिं किंब्मैंने बा-बालु छ्याँबै केमैं लदै, बिश्‍वासर भोंब् तसि म्हाँयार क्ह्रिसि प्रद्।