१ तिमोथी 5:10 - परमेश्‍वरए ताँ तमु क्युइर

¹⁰ छाबै म्हरेस्योमैं छ्याँबै के लसि छ्याँबै मिं चल्‍दिब धै ह्रोंसए च्‍ह-चमिमैं छेनाले फारब, प्ह्रेंमैंलाज्यै या चब् थुँबर मान लब, थेब् आप्हैंनले बिश्‍वासीमैंए सेवा लब, दुःख तब्‍मैंलाइ ल्होब, छाबै छ्याँबै केमैंर सैं पिंब्मैं तल् त्‍हुम्।

१ तिमोथी 5:10 Iomraidhean Croise

उत्पत्ति 18:4

क्हेमैंए प्हले ख्रुबै ल्हागिर ङ क्यु पखमुँ। क्हेमैं चु सिंधुँ न्होंर्न भों न्हद्।

उत्पत्ति 19:2

“ओ चिब्मैं, गार आम्हाँदिल्‍ले ह्रोंसए केब्छैंए धिंर खसि क्हेमैंए प्हले ख्रुसि चुर्न म्हुँइँस थोदु। धै न्हाँगर युनन् रेसि ह्‍याद्।” दिलेया चमैंइ बिइ, “मुँरिगे, ङि चु बैरुबै चोकर्न रोम्।”

उत्पत्ति 24:32

छबिमा च म्हि लाबानने बालु धिंर ह्‍याइ। झाइले लाबानइ सलुमैंए तिमैं सर थेंसि चमैंलाइ पराल नेरो छिमैं पिंइ। धै चइ अब्राहामए केब्छैं नेरो चने मुँबै म्हिमैं प्हले ख्रुबै क्यु पिंइ।

उत्पत्ति 43:24

च म्हिइ चमैं योसेफए धिं न्होंर बोसि खेंमैंए प्हले ख्रुबर क्यु पिंइ, धै चमैंए गधामैं या चबै सैमैं नेरो क्यु पिंइ।

भजनमैं 119:4

ङिइ लल् त्हुबै के ताँन् छेनाले लरिगे बिसि ङिइ लल् त्हुबै ताँमैं क्हिजी पिंथेंइमुँ।

मत्ती 25:17

छलेन सिक्‍का ङ्हिं योंबै म्‍हिज्‍यै या अर्को सिक्‍का ङ्हिं कमदिइ।

मत्ती 5:16

छलेन क्‍हेमैंए छ्याँबै बाँनि अरू म्‍हिमैंइ म्रोंरिगे। छले क्‍हेमैंइ लबै छ्याँबै के म्हिमैंए उँइँर चाररिगे। धै चमैंइ स्वर्गर मुँबै क्हेमैंए परमेश्‍वर आबाए मान लरिगे।

लूका 7:38

झाइले येशूए लिउँइँले खसि खीए प्‍हले ङाँर रासि क्रोदै चए मिग्लिइ येशूए प्‍हले प्हँवाबर होंइ, धै च्हि तुँसि ह्रोंसए क्रप्होइ खीए प्‍हले फ्‍योमल। येशूए प्‍हलेर म्वें लदै चइ छ्याँबै थाँ खबै अत्तर फोमिंमल।

लूका 7:44

झाइले येशूजी च च्हमिरि ङाँइ तोसि सिमोनने बिइ, “चु च्हमिरिलाइ म्रोंइमुँ वा? ङ क्‍हिए धिंर खमा क्‍हिइ प्‍हले ख्रुबै क्‍यु या आपिं, दिलेया चुइ खीए मिग्लिइ ङए प्‍हले ख्रुमिंसि क्रप्होइ फ्‍योमिंइ।

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

चेला चिब्मैंए केमैं 22:12

“चर हननिया बिबै म्‍हि घ्रि मुँल। चइ मोशाइ पिंबै ठिम बेल्‍ले छेनाले म्हाँदिमल। धै दमस्कसर टिबै ताँन् यहूदीमैंइ चए मान लमल।

चेला चिब्मैंए केमैं 6:3

छतमा ओ अलि-अङाँमैं, क्हेमैंए न्होंउँइँलेन् पबित्र प्ल्हजी नेरो बुद्धिइ प्लिंब धै ताँनइ म्हाँदिबै म्हि ङिउँलो त्हाँन्। धै ङ्योइ चमैंलाइ चु चब् चुबै के पिंले।

चेला चिब्मैंए केमैं 9:36

योप्‍पा बिबै नाँसर तबिता बिब येशूए फिर बिश्‍वास लबै च्हमिरि घ्रि मुँल। ग्रिक क्युइर चने डोरकास बिमल। चइ छ्याँबै केमैं लब् नेरो ङ्हाँदुमैंए खाँचोमैं टार्दिमिंब्रें लमल।

चेला चिब्मैंए केमैं 9:39

चु ताँ थेबै लिउँइँ पत्रुस चमैंने बालु ह्‍याइ। चर फेनेसि चमैंइ चलाइ आटि फिर्बै कोठार बोइ। चर्बै ताँन् म्हरेस्योमैं पत्रुसए ङाँर खइ, धै डोरकास खेंमैंने बालु मुँमा चइ टुइ थेंबै भोटो, चोला नेरो अरू क्वेंमैं पत्रुसने उँइँसि चमैं क्रोबर होंइ।

रोमी 12:13

बिश्‍वासीमैंए खाँचोर ल्होद्, ह्रोंसए धिंर खबै प्ह्रेंमैंलाइ बास पिंसि छेनाले चब् थुँब् पिंन्।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

कलस्सी 1:10

च क्होस्याँ क्‍हेमैंइ प्रभुए सैं तोंन् लसि खीजी खोबै छ्ह थोब्मुँ, धै क्‍हेमैंइ ताँन् खालर्बै छ्याँबै के लमा क्‍हेमैं छ्याँबै रो रोबै धुँ धों ततै परमेश्‍वरए ज्ञानर बडिदै ह्‍याब्मुँ।

१ तिमोथी 2:10

बरु छ्याँ-छ्याँबै केमैं लल् ह्रब्मैं तरिगे, तलेबिस्याँ छाबै च्हमिरिमैंन् परमेश्‍वरए सेवा लबर ङ्‍हेंम्।

१ तिमोथी 3:2

छतसि बिश्‍वासीमैं न्होंर्बै चिब तोइ छ्याब् आरेब, प्ह्रेंस्यो घ्रि मत्‍त्रे मुँब, आछ्याँबै सैमैंउँइँले जोगेल् खाँब, ताँनने क्ह्रिल् खाँब, ताँनइ क्वेंब, प्ह्रेंमैं मान लल् ह्रब, झाइले म्हिमैं छेनाले लोमिंल् खाँब,

१ तिमोथी 3:7

म्हिमैंए उँइँरै या च छ्याँब तल् त्हुम्, आस्याँ आगुइ ताँ सेन् तसि च दुष्‍टए ङोर फेब्मुँ।

१ तिमोथी 5:16

बिश्‍वासीमैंए फिर खाग आतरिगे बिसि परमेश्‍वरए फिर बिश्‍वास लबै च्हमिरिल ह्रोंसए न्होंरि खाब् मुँले म्हरेस्योमैं मुँस्‍याँ, चइ च म्हरेस्योमैं ल्होल् त्हुम्। खाबै आरेबै म्हरेस्योमैंलाइ बिस्याँ बिश्‍वासीमैंइ ल्होल् त्‍हुम्।

१ तिमोथी 5:25

छलेन छ्याँबै केमैं या छर्लङ्गन् म्रोंम्, छर्लङ्गन् म्रोंल् आखाँबै सै तोइ मुँलेया च खोंयोंन् बिलै लोइ टिल् आखाँ, तिंगें च खैलसे या त्होंयाम् धै ताँनइ म्रोंम्।

१ तिमोथी 6:18

चमैंइ छ्याँबै केमैं लरिगे, धै छ्याँबै केमैं लसि म्हिमैं ल्होब्मैं, पिंब्मैं तरिगे बिसि चमैंने बिद्।

२ तिमोथी 1:5

छल कपट तोइ आरेबै क्हिए क्ह्रोंसेंन्बै बिश्‍वास ङइ मैंमुँ। चु बिश्‍वास ओंसों क्‍हिए बुज्‍यू लोइस नेरो क्‍हिए आमा युनिसने या मुँल। चमैंइ लब् धों तबै बिश्‍वास तोगो क्‍हिज्यै या लइमुँ बिब ङइ सेइमुँ।

२ तिमोथी 2:21

छलेन खाबै या आछ्याँबै केउँइँले स्‍यो तसि परमेश्‍वर ङाँइ सैं एस्याँ च म्‍हि सै ल्हें फेबै भाँडो धों तब् ग। छलस्याँ च धिं क्ल्हेए ल्हागिर थे-थेबै केमैंर चैदिबै छ्याँबै भाँड धों तब्मुँ।

२ तिमोथी 3:15

क्‍हिइ कोलो ओनोंन् परमेश्‍वरए छ्वेर्बै ताँ सेइमुँ। च छ्वेर्बै ताँमैंइ ख्रीष्‍ट येशूए फिर बिश्‍वास लब्मैंइ खोंयोंइ आखाँबै छ्ह खैले योंम् बिबै ताँ लोल् खाँम्।

२ तिमोथी 3:17

परमेश्‍वरजी कुल्मिंबै म्‍हि ताँन् छ्याँबै के लल् खाँसि छ्याँबै म्हि तरिगे बिसि खीजी चु छ्वे पिंब् ग।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

तीतस 2:7

क्हिइ तो सैरै या स्योर आतेद्, ह्रोंसइ लबै ताँन् केमैंर छ्याँबै नमुना उँइँल् त्‍हुम्। छतमा क्हिइ बिबै ताँमैं या अरूइ क्वेंरिगे।

तीतस 3:1

“सरकार नेरो अधिकार मुँबै म्हिमैंए न्होंर टिद्, चमैंइ बिबै ताँ ङिंन्, झाइले छ्याँबै के लबर खोंयोंइ बिलै तयार तद्,” बिसि क्‍हिने मुँबै येशूए फिर बिश्‍वास लबै म्‍हिमैंलाइ चु ताँमैं मैंमिंन्।

तीतस 3:14

ङ्योए म्‍हिमैंइ छ्याँबै केमैं लब लोरिगे, धै खाँचो तखबै त्हेर चमैंइ अरूमैं ल्होमिंल् खाँरिगे, छले चमैंए छ्ह छेनाले थोरिगे।

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।

हिब्रू 10:24

घ्रिइ घ्रिलाइ म्हाँया लदै छ्याँबै के लरिबै ल्हागिर ङ्योइ खैले चमैंए सैं भोंन् लमिंब च ताँ सैंर मैंले।

हिब्रू 13:2

आगुए ह्‍युलउँइँले खबै ङो आसेबै म्‍हिमैंलासे या प्ह्रेंमैं धोंले मान लद्, तलेबिस्याँ को-कोइइ छले स्‍याँ म्‍हिमैं मान लमा था आसेल्‍ले स्‍वर्गदूतमैंए मान लइमुँ।

हिब्रू 13:21

क्‍हेमैं ताँनलाइ छ्याँबै गुनइ प्लिंमिंरिगे, धै खीए सैंर मैंब् धों तब क्हेमैंइ लल् खाँरिगे। परमेश्‍वरजी खोबै के येशू ख्रीष्‍टउँइँले खीजी क्हेमैंए म्हाँजोर लरिगे। येशूए मिं खोंयोंन् बिलै थेब तरिगे। आमेन, छान् तरिगे।

१ पत्रुस 2:12

बरु क्‍हेमैं येशूए फिर बिश्‍वास आलब्‍मैंए उँइँर छ्याँबै छ्ह थोद्। म्हिमैंइ क्‍हेमैंलाइ आछ्याँबै के लब्मैं बिसि क्हेमैंए बिरोधर पोंलेया क्हेमैंए छ्याँबै के चमैंइ म्रोंरिगे धै प्रभु येशू युबै त्हिंइर चमैंइ परमेश्‍वरए मिं क्वेरिगे।

१ पत्रुस 4:9

गनगन आलल्‍ले घ्रिइ घ्रिलाइ प्ह्रेंमैं धोंले मान लद्।

३ यूहन्‍ना 1:12

ताँन् म्‍हिमैंइ डेमेत्रियसए बारेर छ्याँबै बयन लम्। क्ह्रोंसेंन्‍बै ताँइ बिब् धोंले च प्रबइले च छ्याँबै म्हि ग बिसि बयन लम्। ङिज्‍यै या चए बारेर छ्याँबै ग्वाइ पिंम्, झाइले ङिइ बिबै ताँ क्ह्रोंसेंन्बै ग बिसि क्‍हिइ सेइमुँ।