१ तिमोथी 4:5 - परमेश्‍वरए ताँ तमु क्युइर

⁵ तलेबिस्याँ परमेश्‍वरए बचन नेरो प्राथनाइ ताँन् सै चोखो लम्।

१ तिमोथी 4:5 Iomraidhean Croise

उत्पत्ति 1:25

परमेश्‍वरजी स्यो-स्योबै क्ह्‍योंर्बै खेदोमैं, स्यो-स्योबै धिंर न्‍हबै खेदोमैं नेरो स्यो-स्योबै फोइ क्ल्याँसि सर प्रबै प्हलाँ-प्हुलुँमैं बनेइ। धै परमेश्‍वरजी ङ्ह्‍योमा च छ्याँब मुँल।

उत्पत्ति 1:31

ह्रोंसजी बनेबै तोन्दोंरि सै परमेश्‍वरजी ङ्ह्‍योमा बेल्‍ले छ्याँब मुँल। ङेसा तइ धै न्‍हाँग तइ, च टुरोबै त्हिंइ मुँल।

लूका 11:41

क्‍हिए थलि प्‍हेलार मुँबै सैमैं आयोंब्मैं पिंन्। छ लस्याँ न्‍हों मुँलेया बैरु मुँलेया क्‍हेमैंए ल्हागिर ताँन् चोखो तब्‍मुँ।

लूका 4:4

दिलेया येशूजी चने बिइ, “‘म्हि क्हेंइ मत्‍त्रे सोल् आँखाँ!’ बिसि परमेश्‍वरए छ्वेर प्‍ह्रिइमुँ।”

१ कोरिन्थी 7:14

तलेबिस्याँ बिश्‍वास लबै प्ह्रेंस्योउँइँले बिश्‍वास आलबै प्युँ पबित्र तम्। छलेन अबिश्‍वासी प्ह्रेंस्यो बिश्‍वासी प्‍युँउँइँले पबित्र तम्। च पबित्र आतस्‍याँ क्‍हेमैंए प्‍हसेमैं पबित्र आतमल, छतसि क्ह्रोंसेंन क्‍हेमैंए प्‍हसेमैं या परमेश्‍वरए म्‍हिमैं तसि पबित्र तइमुँ।

१ तिमोथी 4:3

छाबै म्हिमैंइ ब्ह्‍या लल् आत बिम्, धै को-कोइ चबै सै या चल् आत बिम्। दिलेया परमेश्‍वरजी चु तोन्दोंरि सैमैं चबै ल्हागिर बनेइ। छतसि प्रभुलाइ म्हाँदिब्मैंइ क्ह्रोंसेंन्बै ताँ सेबइले धन्‍यबाद पिंसि चलेन् तम्।

तीतस 1:15

छ्याँबै सैं प्ह्‍याब्मैंए ल्हागिर ताँन् सै चोखो तम्। दिलेया आछ्याँबै सैं प्ह्‍याब्मैं नेरो येशूए फिर बिश्‍वास आलब्मैंए ल्हागिर तोइ सैया चोखो आत, तलेबिस्याँ चमैंए खों नेरो सैं ङ्हिंना ङ्हिन् आछ्याँब् मुँ।

हिब्रू 11:3

ताँन् ह्‍युल परमेश्‍वरए बचनउँइँले बनेइ, धै म्रोंल् खाँबै सैमैं म्रोंल् आखाँबै ताँउँइँले बनेइ बिसि बिश्‍वासउँइँलेन् ङ्योइ क्होल् खाँम्।