१ तिमोथी 4:3 - परमेश्‍वरए ताँ तमु क्युइर

³ छाबै म्हिमैंइ ब्ह्‍या लल् आत बिम्, धै को-कोइ चबै सै या चल् आत बिम्। दिलेया परमेश्‍वरजी चु तोन्दोंरि सैमैं चबै ल्हागिर बनेइ। छतसि प्रभुलाइ म्हाँदिब्मैंइ क्ह्रोंसेंन्बै ताँ सेबइले धन्‍यबाद पिंसि चलेन् तम्।

१ तिमोथी 4:3 Iomraidhean Croise

उत्पत्ति 9:3

चु ताँन् सो प्ह्‍याबै सैमैं क्हेमैंए चबै सै तब्मुँ। ङइ ओंसों प्याँ पिंमैं पिंब् धोंले चु ताँन् सो प्ह्‍याबै सैमैं या क्हेमैंलाइ पिंम्।

मत्ती 14:19

झाइले खीजी म्‍हिए हुल चउरर क्हुँबर ल्‍हैदिइ। धै च क्‍हें ङ्‌हबो नेरो ताँग ङ्हिं योर छेसि स्‍वर्गउँइँ ङ्‌ह्‍योसि परमेश्‍वरलाइ धन्‍यबाद पिंइ। धै क्‍हें लुँसि चेलामैंने पिंइ। चेलामैंइ म्‍हिए हुलमैं चुमिंइ।

मत्ती 15:11

“सुँउँइँले न्‍होंर होंबै सैइ म्हि पापर च्होल् आल। बरु सुँउँइँले बैरु त्‍होंबै आछ्याँबै ताँइ म्हिलाइ पापर च्होवाम्।”

मत्ती 15:36

येशूजी क्‍हें ङिबो नेरो ताँग योर छेसि परमेश्‍वरलाइ धन्‍यबाद पिंइ। धै क्‍हें लुँसि चेलामैंने पिंइ, झाइले चेलामैंइ च म्‍हिमैंलाइ चुमिंइ।

लूका 24:30

चमैंने बालु चब् चबर क्हुँमा खीजी क्‍हें किंसि परमेश्‍वरलाइ धन्यबाद पिंइ, धै क्‍हें लुँसि चमैंलाइ पिंइ।

यूहन्‍ना 6:23

च त्हेर्न तिबेरियास बिबै नाँसउँइँले अरू डुँङ्गामैं येशूजी धन्यबाद पिंसि म्हिमैंलाइ क्हें चल् पिंबै क्ह्‍योर फेखइ।

चेला चिब्मैंए केमैं 27:35

छबिसि पावलइ क्हें किंसि ताँनए उँइँर परमेश्‍वरलाइ धन्यबाद पिंइ, धै क्हें लुँसि चबर होंइ।

रोमी 14:17

तलेबिस्याँ ङ्योइ परमेश्‍वरलाइ म्रुँलाइ धोंले म्हाँदिइ बिस्‍याँ खीजी ङ्योलाइ थेबै आशिक पिंम्। च आशिक तो जा बिस्‍याँ तोन्‍दोंरि सै चब् थुँब् योंब मत्‍त्रे आङिं, दिलेया पबित्र प्ल्हजी ठिक ठर्दिमिंसि पिंबै शान्‍ति नेरो आनन्‍द ग।

रोमी 14:3

तोन्दोंरि सै चबै म्‍हिइ से आचबै म्हिलाइ च्‍योंब् मैंल् आत। छलेन से आचब्‍मैंइ तोन्दोंरि सै चब्‍मैंलाइ छ्याब् आल्‍हैदिरिगे, तलेबिस्याँ परमेश्‍वरजी च म्हिमैंलाज्यै या खीए सन्तान तल् पिंइमुँ।

रोमी 14:6

कोइ त्हिंइ छ्याँब कोइ त्हिंइ आछ्याँब बिबै म्हिइ परमेश्‍वरए मान तरिगे बिसिन् छ बिब् ग। झाइले से चबै म्हिज्यै या परमेश्‍वरए मान तरिगे बिसिन् चब् ग, छलेन से आचबै म्हिज्‍यै या परमेश्‍वरए मान तरिगे बिसिन् आचब् ग, तलेबिस्याँ परमेश्‍वरए म्हिमैंइ तोन् ललेया खीलाइ धन्‍यबाद पिंम्।

१ कोरिन्थी 6:13

छलेन खाबज्‍यै या “चबै सै फोए ल्हागिर ग, धै फो चबै सैए ल्हागिर ग,” बिलै। दिलेया परमेश्‍वरजी ङ्हिंना ङ्हिंनलाइ नास लवाब्‍मुँ। म्‍हिए ज्यु ब्यभिचार लबै ल्हागिर आङिं, प्रभुए सेवा लबै ल्हागिर ग, झाइले ङ्योए ज्युलाइ चैदिबै सै या प्रभुजीन् पिंम्।

१ कोरिन्थी 7:28

दिलेया क्‍हिइ ब्ह्‍या ललेया पाप आख, कन्‍ये च्हमिरिइ ब्ह्‍या ललेया च पाप आङिं। दिलेया ब्ह्‍या लब्‍मैंइ त्हिंइ ह्रोंसे न्हुँ लल् त्हुम्। छतसि क्हेमैंइ छले न्हुँ लल् आत्हुरिगे बिब ङए सैं मुँ।

१ कोरिन्थी 8:8

दिलेया चबै सैइ ङ्यो परमेश्‍वरए ङाँर बोल् आखाँ। कुर चडेबै सै चलैया आचलैया ङ्योलाइ नोक्‍सानै आत, फायदै आत।

कलस्सी 2:16

छतसि चब-थुँब, चाड म्हाँदिब, औंसि नेरो प्रिबै त्हिंइ म्हाँदिबै बारेर क्‍हेमैंलाइ खाबज्‍यै छ्याब् आल्‍हैदिरिगे।

कलस्सी 3:17

क्हेमैंइ तो ताँ पोंलेया, तो के ललेया, येशूउँइँलेन् परमेश्‍वर आबालाइ धन्यबाद पिंदै प्रभु येशूए मिंर लद्।

१ तिमोथी 2:4

तलेबिस्याँ ताँन् म्हिमैंइ मुक्‍ति योंरिगे धै चमैंइ क्ह्रोंसेंन्बै ताँ था सेरिगे बिब खीए सैं मुँ।

१ तिमोथी 4:4

परमेश्‍वरजी बनेबै ताँन् सैमैं चोखो मुँ। छतसि धन्‍यबाद पिंइरि चस्याँ चल् आतबै सै तोइ आरे।

१ तिमोथी 5:14

छतसि बिरोधीमैंइ ङ्योए ताँ लल् आयोंरिगे बिसि टुच्यु बर्ष न्होंर्बै ब्ह्‍या लदा ङ्हाँबै म्हरेस्योमैंइ ब्ह्‍या लरिगे, च्‍ह-चमि फिसि छेनाले धिं नाँ चुसि टिरिगे बिब ङए सैं मुँ।

हिब्रू 13:4

ताँन् म्हिमैंए उँइँर ब्ह्‍या इजेत मुँल्‍ले तल् त्हुम्। ब्ह्‍या लल् खाँबै लिउँइँ मुँयुँमैं खाबज्यै या छमिं न्हल् आत, छलेन च्हमिरिमैंज्यै या फ्रें क्ल्योंल् आत, तलेबिस्याँ छाबै के लब्मैंए फिर परमेश्‍वरजी थेबै दण्ड पिंम्।

हिब्रू 13:9

क्‍हेमैं तब आतबै ताँमैं लोमिंबै म्हिमैंए लिलि आप्रद्। चु चल् तमु, चु चल् आत िबबै ताँ म्हिमैंइ बिबै ताँ मत्‍त्रे ग, बरु परमेश्‍वरए दयाम्हाँयाउँइँले ङ्योइ सैं भोंब् लबै ताँ छ्याँबै मुँ। चु चल् तमु, चु चल् आत िबबै ताँ ङिंब्मैंइ मुक्‍ति आयों, चमैंला बिब् धोंइ तोइ आतइमुँ।