१ तिमोथी 4:12 - परमेश्‍वरए ताँ तमु क्युइर

¹² ताँनए फिर म्हाँया लइरि बिश्‍वासर भोंब् तसि, छ्याँबै ताँमैं पोंसि, छ्याँबै बानि ब्योर उँइँसि, छेनाले छ्ह थोसि बिश्‍वासीमैंए उँइँर छ्याँबै नमुना तद्। तलेबिस्याँ फ्रेंसि छजोरे बिसि खाबज्यै या क्हिलाइ आक्वेंब आतरिगे।

१ तिमोथी 4:12 Iomraidhean Croise

मत्ती 18:10

“छतसि ङ क्हेमैंने बिमुँ, छेनाले मैंन्! क्हेमैंइ छाबै कोलोमैं धों तब्‍मैं खाबलाज्यै या हेल आलद्। तलेबिस्याँ चमैं जोगेमिंबर स्‍वर्गदूतमैं स्‍वर्गरि खोंयोंन् बिलै ङए आबाए उँइँर्न तम्।

१ कोरिन्थी 11:1

छतसि ख्रीष्‍टजी लब् धोंलेन् ङइ लइमुँ, क्‍हेमैंज्‍यै या ङइ लब् धोंलेन् लद्।

फिलिप्पी 4:8

ओ अलि-अङाँमैं, आखिरि ताँ चु मुँ: तो ताँमैं क्ह्रोंसेंन्बै मुँ, तो ताँमैं म्हाँदिल् त्हुब मुँ, तो ताँमैं ठिक मुँ, तो ताँमैं बेल्‍ले स्‍वाब मुँ, तो ताँमैंए बारेर छ्याँब बयन तमुँ, तो ताँमैं छ्याँब मुँ, तो ताँर म्हाँया लल् त्हुब मुँ, तो ताँर ल्हयो खल् त्हुब मुँ, अझै छ्याँब लल् त्हुब नेरो थेब लल् त्हुबै ताँ तोइ मुँस्याँ, चु ताँमैं छेनाले मैंन्।

१ थेसलोनिकी 1:6

ङि नेरो प्रभुजी छ्ह खैले थोल क्हेमैंज्यै या छलेन् छ्ह थोइमुँ, तलेबिस्याँ ल्‍हें दुःख सैदिलेया परमेश्‍वरए पबित्र प्ल्हउँइँले सैं तोंन्‍ले क्‍हेमैंइ सैं तोंबै ताँ थेइ।

१ थेसलोनिकी 2:10

ङि क्‍हेमैंने टिमा ङिने तोइ छ्याब् आरेल, ङिइ लबै केमैं ठिक मुँल, ङिइ क्ह्रोंसेंन्बै ताँमैं पोंमल बिबै ताँर क्‍हेमैं नेरो परमेश्‍वर या साक्षि मुँ।

१ तिमोथी 1:14

ङ्योए प्रभुजी खीए बेल्‍ले थेबै दयाम्हाँया ङलाइ उँइँमिंइ। धै ङलाइ खीने घ्रिन् लमिंसि बिश्‍वास नेरो म्हाँया लबै शक्‍ति ङलाइ पिंइ।

२ तिमोथी 2:15

छतमा फापिल् आत्हुल्‍ले परमेश्‍वरजी बिब् धोंबन् के लबै म्हि धोंलेन् क्हिज्यै या ह्रोंसलाइ खीजी खोबै म्‍हि तबै ल्हागिर भों लद्।

२ तिमोथी 2:22

छतसि क्हि फ्रेंसि तमा ज्युइँले खबै आछ्याँबै केउँइँले स्यो तद्, धै छ्याँबै सैंउँइँले प्रभुए मिं किंब्मैंने बा-बालु छ्याँबै केमैं लदै, बिश्‍वासर भोंब् तसि म्हाँयार क्ह्रिसि प्रद्।

२ तिमोथी 2:7

ङइ बिबै चु ताँमैं छेनाले सैंर मैंन्, तलेबिस्याँ प्रभुजी क्हिलाइ चु ताँन् ताँमैंए अर्थ क्‍होमिंब्मुँ।

तीतस 2:15

चु ताँन् ताँमैं लोमिंन्, हग मुँल्‍ले लोदा सैंदा लद्, पाप लब्‍मैंलाइ हौदिद्। धै क्हि फ्रेंसि तना निलेया खाबज्‍यै या क्‍हिलाइ म्हि आच्हिन् आलरिगे।

तीतस 2:7

क्हिइ तो सैरै या स्योर आतेद्, ह्रोंसइ लबै ताँन् केमैंर छ्याँबै नमुना उँइँल् त्‍हुम्। छतमा क्हिइ बिबै ताँमैं या अरूइ क्वेंरिगे।

याकूब 3:13

क्हेमैं न्होंर ह्रब्-सेब नेरो ताँ क्‍होबै म्‍हि खाब मुँ? च म्‍हिइ थेब् आप्‍हैंन्‍ले छ्याँबै बानिउँइँले छ्याँबै केमैं लसि उँइँरिगे।

याकूब 3:17

दिलेया परमेश्‍वरजी ह्रब्-सेबै लमिंबै म्‍हिए सैं छ्याँब तम्, धै चइ आक्ह्रिब्मैं क्ह्रिमिंब, आगुए फिर ल्हयो खब, च्हैंसि मैंसि के लब, दयाम्हाँया लब, छ्याँबै केमैं लब, खाबै आफेलल्‍ले क्ह्रोंसेंन्बै ताँ लब तम्।

१ पत्रुस 5:3

क्‍हेमैंए जिम्‍मार मुँब्‍मैंए फिर कल्हे प्हैंसि हौदिसि ह्रोंसए न्होंर थेंसि आङिं, बगालमैंए ल्हागिर क्हेमैंन् नमुना तसि छ्याँबै के लसि उँइँन्।