१ तिमोथी 4:11 - परमेश्‍वरए ताँ तमु क्युइर

¹¹ चु ताँमैंन् बिश्‍वासीमैंने लद् बिसि लोमिंन्।

१ तिमोथी 4:11 Iomraidhean Croise

१ तिमोथी 5:7

चमैं तोइ छ्याब् आरेब तरिगे बिसि चु ताँमैं बिद्।

१ तिमोथी 6:2

प्रभुए फिर बिश्‍वास लब्मैं ताँन् घ्रिन् ग बिब् मैंसि केब्छैं केब्स्योमैंइ बिश्‍वास लबै क्ल्हे म्हि आच्हिन् आलरिगे, झन् चमैंइ ह्रोंसए क्ल्हेलाइ बेल्‍ले मान लल् त्हुम्। तलेबिस्याँ चमैंइ के लमा खेंमैंए खोबै बिश्‍वासी अलिलाइन फायदा तम् बिसि केब्छैं केब्स्योमैंलाइ छेनाले लोमिंन्।

२ तिमोथी 4:2

प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।

तीतस 2:15

चु ताँन् ताँमैं लोमिंन्, हग मुँल्‍ले लोदा सैंदा लद्, पाप लब्‍मैंलाइ हौदिद्। धै क्हि फ्रेंसि तना निलेया खाबज्‍यै या क्‍हिलाइ म्हि आच्हिन् आलरिगे।

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।