१ तिमोथी 4:10 - परमेश्‍वरए ताँ तमु क्युइर

¹⁰ ङ्योइ खाँन् समा भों लसि छेनाले के लसि छ्ह थोल् त्हुम्, तलेबिस्याँ सोगों परमेश्‍वरए फिर ङ्योइ आशा थेंइमुँ। परमेश्‍वर ताँन् म्हिमैंलाइ, खासगरि खीए फिर बिश्‍वास लब्‍मैंलाइ जोगेमिंबै परमेश्‍वर ग।

१ तिमोथी 4:10 Iomraidhean Croise

भजनमैं 107:2

याहवेहजी खामिंब्मैंइ छान् बिरिगे! खीजी शत्तुरमैंए योउँइँले सै फोसि चमैंलाइ फ्रेमिंइ।

भजनमैं 118:8

म्हिमैंए फिर भर थेंब् भन्दा याहवेहए प्हलेर्न ग्वार योंब छ्याँब तम्।

भजनमैं 36:6

ओ याहवेह, क्हिजी लबै ठिक के बेल्‍ले थेबै कोंमैं धों तब् मुँ; क्हिजी लबै निसाफमैं तो सैज्यै या लाल् आखाँबै मा ङ्युँइए गैरु धों तब मुँ; क्हिजी म्हिलाइ मत्‍त्रे आङिं, ताँन् सो प्ह्‍याबै सैंमैंलाइ वास्ता लम्।

भजनमैं 37:40

याहवेहजी चमैंलाइ ल्होमिंसि जोगेमिंम्; खीजी दुष्‍टमैंउँइँले चमैं फ्रेमिंम् धै चमैंलाइ रक्षा लम्, तलेबिस्याँ चमैंइ खीए प्हलेर्न चमैंइ ग्वार योंम्।

भजनमैं 52:8

दिलेया ङ बिस्याँ परमेश्‍वरए धिंर मुँबै पिंक्यो भ्योंबै जैतुनए धुँ धोंन् तइमुँ, तलेबिस्याँ परमेश्‍वरए खोंयोंइ आनुबै म्हाँयार ङइ भर थेंइमुँ।

भजनमैं 84:12

ओ स्वर्गर्बै सेनामैंए चिब याहवेह, क्हिए फिर भर थेंबै म्हिइ आशिक योंम्!

मत्ती 16:16

सिमोन पत्रुसइ बिइ, “क्‍हिम् खोंयोंन् बिलै तरिबै परमेश्‍वरए च्ह, खीजी कुल्मिंबै जोगेमिंबै म्रुँ ख्रीष्‍ट ग।”

मत्ती 27:43

चुइ परमेश्‍वरए फिर बिश्‍वास लम्, ‘ङ परमेश्‍वरए च्‍ह ग,’ बिसि चुइ बिमल। छतसि परमेश्‍वरजी चुने म्हाँया लम् बिस्याँ खीजीन् तोगो चुलाइ जोगेमिंरिगे।”

यूहन्‍ना 1:29

प्‍हँन्हाँग्धों यूहन्‍नाइ येशू खरिब् म्रोंसि बिइ, “ङ्‌ह्‍योत्ति! ह्‍युलर्बै पाप नोइ बोयाबै परमेश्‍वरए क्‍यु झज।

यूहन्‍ना 4:42

चमैंइ च च्हमिरिने बिइ, “तोगो क्‍हिइ बिबै ताँ थेसि ङिइ खीए फिर बिश्‍वास लब आङिं, दिलेया ङिइ ह्रोंसइन खीए ताँ थेबइले क्ह्रोंसेंन खी ताँन् ह्‍युलर्बै मुक्‍तिदाता मुँन बिसि ङिइ सेइमुँ।”

यूहन्‍ना 5:24

“क्ह्रोंसेंन ङ क्हेमैंने बिमुँ, खाबइ ङए ताँ थेसि ङ कुल्मिंबै आबाए फिर बिश्‍वास लमुँ, चइ खोंयोंइ आनुबै छ्ह योंम्। चए निसाफ आत, चइ सजैं योंल् आत्हु, बरु च म्हि सिबउँइँले धबै सोसि खोंयोंइ आखाँबै छ्ह योंइमुँ।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

२ कोरिन्थी 1:10

छाबै ङ्हिंन् ङ्हाँबै दुःखउँइँले या परमेश्‍वरजी ङिलाइ जोगेमिंइ। ओं, अझैन खीजी ङिलाइ जोगेमिंब्मुँ। खीजी जोगेमिंब्मुँ बिसि ङिइ खीए फिर्न भर लइमुँ।

१ तिमोथी 2:3

ङ्यो जोगेमिंबै परमेश्‍वरए उँइँर चु ताँ बेल्‍ले छ्याँब मुँ।

१ तिमोथी 2:4

तलेबिस्याँ ताँन् म्हिमैंइ मुक्‍ति योंरिगे धै चमैंइ क्ह्रोंसेंन्बै ताँ था सेरिगे बिब खीए सैं मुँ।

१ तिमोथी 2:6

खीजी ह्रोंसलाइन पिंसि क्रूसर पापए छे फोमिंसि म्‍हिमैं पापउँइँले फ्रेमिंइ, छले परमेश्‍वरजी ताँन् म्हिमैंइ खोंयोंइ आनुबै छ्ह योंरिगे बिबै प्रमाण ठिक त्हेर उँइँमिंइ।

१ तिमोथी 3:15

खनिज्यै ङ खब क्हैयाइ बिस्याँ परमेश्‍वरए प्हसेमैंए बानि ब्योर खैब तल् त्‍हुम् बिसि क्हिइ छेनाले सेल् त्हुम्। परमेश्‍वरए प्हसेमैं खोंयोंन् बिलै सोगों तबै परमेश्‍वरए मण्‍डलि ग, धै क्ह्रोंसेंन्बै मुल त्हो नेरो जग ग।

१ तिमोथी 6:17

चु ह्‍युलर्बै प्लबै म्हिमैंने थेब् आप्हैंन् बिद्, चमैं प्लब् आप्‍हैंरिगे, आटिक्‍दिबै सै न्होरर आशा आथेंरिगे, बरु चमैंए आशा ङ्योलाइ चैदिबै सैमैं तोन्दोंरि योल्‍ले ख्युल्‍ले पिंबै परमेश्‍वरए फिर थेंरिगे।

हिब्रू 11:26

मोशाइ मिश्र ह्‍युलर्बै ताँन् सै न्होर योंब् भन्दा ख्रीष्‍टए ल्हागिर आगुइ स्यारलै सैदिइ टिब थेबै ताँ मैंइ, तलेबिस्याँ परमेश्‍वरउँइँले लिउँइँ योंबै इनाम चइ ङ्ह्‍योरिल।

हिब्रू 13:13

छतसि ङ्यो या सहरउँइँले बैरु खी ङाँर ह्‍याले, धै खीजी सैदिब् धों तबै दुःख ङ्योज्यै सैदिले।

१ पत्रुस 1:21

क्‍हेमैंइ ख्रीष्‍टउँइँले परमेश्‍वरए फिर बिश्‍वास लइ। परमेश्‍वरजी ख्रीष्‍टलाइ सिबउँइँले धबै सोगों लमिंसि बेल्‍ले थेबै मान पिंइ, छतसि क्‍हेमैंइ परमेश्‍वरए फिर बिश्‍वास नेरो आशा थेंल् खाँइ।

१ यूहन्‍ना 2:2

ङ्योइ लबै पाप क्षमा लमिंबै ल्हागिर खीजी घ्‍याँ थोमिंइमुँ, ङ्योए पाप मत्‍त्रे आङिं, दिलेया ह्‍युलर्बै ताँन् म्‍हिमैंए पाप क्षमा लमिंम्।

१ यूहन्‍ना 4:14

परमेश्‍वर आबाजी खीए च्‍हलाइ ह्‍युलर्बै म्‍हिमैं जोगेबर कुल्‍मिंब् ग बिसि ङिइ म्रोंइमुँ धै ग्वाइ पिंम्।