१ तिमोथी 3:7 - परमेश्‍वरए ताँ तमु क्युइर

⁷ म्हिमैंए उँइँरै या च छ्याँब तल् त्हुम्, आस्याँ आगुइ ताँ सेन् तसि च दुष्‍टए ङोर फेब्मुँ।

१ तिमोथी 3:7 Iomraidhean Croise

मर्कूस 4:11

येशूजी चमैंने बिइ, “परमेश्‍वरए ग्याल्सर्बै क्होल् आखाँबै ताँ ङइ क्‍हेमैंने बिमिंइमुँ, दिलेया अरू म्हिमैंने बिस्‍याँ अहानउँइँले मत्‍त्रे बिम्।

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

चेला चिब्मैंए केमैं 22:12

“चर हननिया बिबै म्‍हि घ्रि मुँल। चइ मोशाइ पिंबै ठिम बेल्‍ले छेनाले म्हाँदिमल। धै दमस्कसर टिबै ताँन् यहूदीमैंइ चए मान लमल।

चेला चिब्मैंए केमैं 6:3

छतमा ओ अलि-अङाँमैं, क्हेमैंए न्होंउँइँलेन् पबित्र प्ल्हजी नेरो बुद्धिइ प्लिंब धै ताँनइ म्हाँदिबै म्हि ङिउँलो त्हाँन्। धै ङ्योइ चमैंलाइ चु चब् चुबै के पिंले।

१ कोरिन्थी 10:32

क्‍हेमैंइ छ्ह थोमा यहूदी मुँले, अरू ह्रेंमैं मुँले, परमेश्‍वरए फिर बिश्‍वास लब्मैं मुँले, खाबलाज्यै या सैं नल् लबै के आलद्।

१ कोरिन्थी 5:12

तलेबिस्याँ बैरुबै म्हिमैंए निसाफ लबै के ङल आङिं। दिलेया चर्ज न्होंर्बै म्हिमैंए निसाफ ङ्योइ लल् त्हुम्।

२ कोरिन्थी 6:3

ङिइ परमेश्‍वरए सेवा लमा आगुइ ताँ सेन् आछेरिगे बिसि ङिइ खाबलाज्यै सैं नल् लबै के आल।

२ कोरिन्थी 8:21

ङिइ परमेश्‍वरए उँइँर मत्‍त्रे आङिं, म्हिमैंए उँइँरै या ठिक के लम्।

कलस्सी 4:5

येशू ख्रीष्‍टए फिर बिश्‍वास आलब्मैंने न्ह क्रों मि क्रोंले प्रद्। धै क्‍हेमैंइ मौका योंमा प्रभुए सैं तोंन् लबै केमैं लद्।

१ थेसलोनिकी 4:12

क्हेमैंइ छ लस्याँ बैरुबै म्हिमैंउँइँले मान योंब्मुँ धै आगुए भरर टिल् आत्हु।

१ थेसलोनिकी 5:22

ताँन् आछ्याँबै केमैंउँइँले स्यो तद्।

१ तिमोथी 3:6

छतसि भर्खर बिश्‍वास लबै म्‍हि चिबए ल्हागिर आत्हाँरिगे, तलेबिस्याँ छाबै म्‍हि चिब तल् पिंइबिस्‍याँ, च थेब् प्हैंसि दुष्‍टइ योंबै दण्ड चज्यै या योंब्‍मुँ।

१ तिमोथी 5:14

छतसि बिरोधीमैंइ ङ्योए ताँ लल् आयोंरिगे बिसि टुच्यु बर्ष न्होंर्बै ब्ह्‍या लदा ङ्हाँबै म्हरेस्योमैंइ ब्ह्‍या लरिगे, च्‍ह-चमि फिसि छेनाले धिं नाँ चुसि टिरिगे बिब ङए सैं मुँ।

१ तिमोथी 6:9

दिलेया प्लदा ङ्हाँब्मैंइ तब आतबर दुःख योंम्, चमैं आङिं-आङिं तबै सैजरे पानेम्, केरै आफेबै छेरन् तबै सै जरे सैं ह्‍याम्, छाबै सैमैंइ म्हिमैं तोइ आचैन् लवाम्।

२ तिमोथी 2:26

छलेन चमैंए मि थोंयाबइले चमैं दुष्‍टए ङोउँइँले स्योरल् खब्मुँ, तलेबिस्याँ दुष्‍टइ चमैंलाइ क्ह्रोंसेंन्बै ताँ क्होल् आखाँब लथेंल।

तीतस 2:5

ताँ क्होब, ह्रोंसए धिं नाँ चुसि टिल् खाँब, आगुए फिर ल्हयो खब, ह्रों-ह्रोंसए प्‍युँमैंए न्होंर टिब तल् त्हुम्,” बिसि लोमिंल् खाँरिगे। छ लइ बिस्‍याँ खाबज्यै या परमेश्‍वरए छ्वेउँइँले लोमिंबै ताँ थोल् खाँरिब् आरे।

तीतस 2:8

क्हिइ खाबज्यै थोल् आखाँबै क्ह्रोंसेंन्बै ताँमैं मत्‍त्रे पोंन्, छले पोंस्‍याँ क्‍हिए ताँ क्हाबै क्ल्ह्‍यो चमैंइ योंरिब् आरे। छतमा ङ्योए बिरोधर राब्मैं खेंमैंन् फा पिन् तयाब्मुँ।

३ यूहन्‍ना 1:12

ताँन् म्‍हिमैंइ डेमेत्रियसए बारेर छ्याँबै बयन लम्। क्ह्रोंसेंन्‍बै ताँइ बिब् धोंले च प्रबइले च छ्याँबै म्हि ग बिसि बयन लम्। ङिज्‍यै या चए बारेर छ्याँबै ग्वाइ पिंम्, झाइले ङिइ बिबै ताँ क्ह्रोंसेंन्बै ग बिसि क्‍हिइ सेइमुँ।