१ तिमोथी 3:6 - परमेश्‍वरए ताँ तमु क्युइर

⁶ छतसि भर्खर बिश्‍वास लबै म्‍हि चिबए ल्हागिर आत्हाँरिगे, तलेबिस्याँ छाबै म्‍हि चिब तल् पिंइबिस्‍याँ, च थेब् प्हैंसि दुष्‍टइ योंबै दण्ड चज्यै या योंब्‍मुँ।

१ तिमोथी 3:6 Iomraidhean Croise

हितोपदेश 18:12

तोन् तोर्न थेब् प्हैंबै म्हि नास तयाब्मुँ, कुरबै म्हिइ मान योंब्मुँ।

हितोपदेश 29:23

तोन् तोर्न थेब् प्हैंबै म्हि कुरल् त्हुम्; दिलेया कुरबै म्हिइ मान योंब्मुँ।

लूका 10:18

छबिमा येशूजी चमैंने बिइ, “ओं, काम्‍लि-तिम्‍लि युब् धोंले मोंमैंए म्रुँ दुष्‍ट स्‍वर्गउँइँले क्युरु खारयुब ङइ म्रोंइ।

१ कोरिन्थी 3:1

ओ अलि-अङाँमैं, ङ क्‍हेमैं ङाँर खमा पबित्र प्ल्ह मुँबै म्हिमैंने पोंब् धोंले ङ क्‍हेमैंने पोंल् आखाँल, भर्खर बिश्‍वास लबै म्हिमैंने धोंले पोंल् त्हुइ।

१ कोरिन्थी 8:1

तारे कुर चडेबै चबै सैए बारेर ङ ताँ लम्। “ङि ताँन् ह्रब-सेब् मुँ” बिबै क्हेमैंए ताँ ठिकन् ग। दिलेया ह्रब-सेब् मुँ बिसि क्हेमैं ह्रोंसन् थेब् प्हैंइमुँ, खाबइ आगुए फिर म्हाँया लमुँ, चइ अरूमैंलाइन थेब् लमिंम्।

२ कोरिन्थी 12:7

दिलेया छाबै औदिबै दर्शनमैं ङइ ल्हें म्रोंलेया ङ थेब् आप्‍हैंरिगे बिसि प्रभुजी ङए ज्युर पुजु घ्रि थेंमिंइ। ङ थेब् आप्हैंरिगे बिसि च पुजु अथबा दुष्‍टए दूत घ्रि ङलाइ ह्रुगुदिबर थेंमिंइ।

१ तिमोथी 3:7

म्हिमैंए उँइँरै या च छ्याँब तल् त्हुम्, आस्याँ आगुइ ताँ सेन् तसि च दुष्‍टए ङोर फेब्मुँ।

१ तिमोथी 6:4

च म्‍हि फाक्‍कर्न ह्रब सेब प्‍हैंम्, चइ तोइ आह्र, तोइ आसे। छाबै म्‍हिमैंइ स्योलिबै ताँ घ्रि लाछेंसि प्‍होंगि मिम्, छाबै ताँमैंउँइँलेन् ह्रिस लब, प्होंगि मिब, आब्रु वाब नेरो आछ्याँबै सैं मैंल् लम्।

२ तिमोथी 3:4

अझै चमैंइ अरूलइ धोका पिंब, खैचिज्हिले पोंब, ह्रब् प्‍हैंब, परमेश्‍वरए सैं तोंन् लबै साटोर चमैं मोज-मज्‍जा लब् खोब।

१ पत्रुस 2:2

बरु भर्खर फिबै कोलोमैंइ ङ्‍हे म्हैब् धोंले सैं भोंब् लमिंबै परमेश्‍वरए ताँ म्हैद्। छ लस्याँ परमेश्‍वरए फिर लबै क्हेमैंए बिश्‍वास बडिदै ह्‍याल् खाँब्मुँ।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”

२ पत्रुस 2:4

आछ्याँबै के लमा स्‍वर्गदूतलाज्यै या परमेश्‍वरजी ल्हयो आखल्‍ले निसाफ लबै त्हिंइ समा फैसि नर्गर्बै मिछु खबै क्ल्ह्‍योर भ्योंवाइ।

यहूदाइ प्‍ह्रिबै प्ह्रिछ्या 1:6

धै अर्को ताँ, को-कोइ स्‍वर्गदूतमैंइ ह्रोंसए पदर टिसि लल् त्हुबै के आलल्‍ले अर्कोन् के लल् म्हैइ, टिल् त्हुबै क्ल्ह्‍यो पिवाइ। छतसि चमैंलाइ दण्‍ड पिंबै त्हिंइ समा खोंयोंइ त्होंल् आखाँल्‍ले मिछु खैबै क्ल्ह्‍योर खीजी फैथेंइमुँ।