१ तिमोथी 3:13 - परमेश्‍वरए ताँ तमु क्युइर

¹³ डिकनइ लल् त्हुबै सेवा छेनाले लब्मैंल छ्याँबै इजेत तम्, धै ह्रोंसइ लबै बि‍श्‍वासए बारेर अरूमैंने आङ्हिंन्ले बिल् खाँम्।

१ तिमोथी 3:13 Iomraidhean Croise

मत्ती 20:28

छलेन म्हिए च्ह या अरूमैंउँइँले सेवा योंबर युब आङिं, दिलेया सेवा लबर नेरो ल्‍हें म्‍हिमैंए पापउँइँले फ्रेमिंबर ह्रोंसए ज्यु पिंबर युब् ग।”

मत्ती 25:21

“चए के म्रोंसि क्ल्हेजी चने बिइ, ‘स्‍याबास! क्‍हि छ्याँबै के लब नेरो भर लल् खाँब् तइ! क्हि च्युगुदे सैरै या भर लल् खाँब् तइ। छतसि तारे ङइ ल्‍हें सैमैंए जिम्मा क्हिलाइ पिंब्मुँ। क्हि ह्रोंसए क्ल्हेने बालुन् सैं तोंन्ले टिद्।’

लूका 19:17

“च म्रोंसि म्रुँ बेल्‍ले सैं तोंदै बिइ, ‘स्‍याबास! क्‍हि स्‍वाबै के लबै म्हि मुँन! च्‍युगुदे सैर क्‍हि भर लल् खाँब तइ। छतसि तारे सहर च्‍युए फिर क्हि क्ल्हे तब्मुँ।’

चेला चिब्मैंए केमैं 21:35

छले पावल ब्यारेकर्बै खटकटिर फेखमा म्हिमैं झन् ह्रिसइ बेल्‍ले ओरसि पावलए उँइँर कारग्यु तखइ। छतब् म्रोंसि सिपाइमैंइ च क्वेबोइ।

चेला चिब्मैंए केमैं 6:15

थेबै म्हि च्होंर्बै ताँन् म्हिमैंइ स्तिफनसए लि ङ्ह्‍योमा चए लि स्वर्गदूतल् धोंन् तब् म्रोंइ।

चेला चिब्मैंए केमैं 6:5

चु ताँ थेसि चर खागु तब्मैं ताँनइ छ्याँब ङ्हाँइ झाइले चमैंइ पबित्र प्ल्हजी प्लिंब नेरो ताँनइ म्हाँदिबै, स्तिफनस, फिलिप, प्रखरस, निकनोर, तिमोन, पर्मिनास नेरो एन्‍टिओखियार्बै येहूदिमैंने क्ह्रिबै निकोलाउस त्हाँइ।

चेला चिब्मैंए केमैं 6:8

स्तिफनसइ परमेश्‍वरए दयाम्हाँया नेरो शक्‍तिइ प्लिंसि म्हिमैंए म्हाँजोर थेबै औदिबै के नेरो चिनुमैं लइ।

१ कोरिन्थी 16:15

अखैया ह्‍युलर्बै स्‍तिफनस नेरो चए परवाए बारेर क्‍हेमैंइ था सेइमुँ। च ह्‍युलर्बै म्हिमैं न्होंरि चमैं ताँन् भन्दा ओंसों प्रभुए फिर बिश्‍वास लब्मैं ग। परमेश्‍वरए म्‍हिमैंए सेवा छेनाले लबर चमैंइ ह्रोंसलाइन पिंवाइमुँ।

फिलिप्पी 1:14

छले ङ झेलर च्युवासेरो ल्‍हें अलि-अङाँमैं प्रभुए फिर बिश्‍वास लबर भोंब् तइमुँ, धै चमैंइ आङ्हिंनले परमेश्‍वरए ताँ पोंल् खाँइमुँ।

१ थेसलोनिकी 2:2

क्‍हेमैं ङाँर खब् भन्दा ओंसों फिलिप्‍पीमैंइ ङि म्हि आच्हिसि बेल्‍ले दुःख पिंब क्हेमैंइ सेइमुँ। छलेन क्‍हेमैंए सहररै या बिरोध लब्मैं ल्हें तनाबिलेया परमेश्‍वरजी ङिए सैं भोंब् लमिंबइले ङिइ क्‍हेमैंलाइ सैं तोंबै ताँ बिल् योंइ।

१ तिमोथी 3:14

ङ क्‍हि ङाँर युनन् खबै सैं लइमुँ, दिलेया चु प्ह्रिछ्या क्हिलाइ प्ह्रिइमुँ।

२ तिमोथी 2:1

छतसि ओ, ङए च्‍ह तिमोथी, येशू ख्रीष्‍टउँइँले योंबै दयाम्हाँयार क्हि बेल्‍ले भोंब तद्।

हिब्रू 6:10

क्‍हेमैंइ छ्याँबै के लइमुँ, क्‍हेमैंइ परमेश्‍वरलाइ म्हाँया लइमुँ बिब उँइँबै ल्हागिर खीए म्‍हिमैंलाइ ल्होरिइमुँ, अझै क्‍हेमैंइ ल्होरिमुँ। क्‍हेमैंइ लबै छ्याँबै के परमेश्‍वरजी म्‍लेरिब् आरे, तलेबिस्याँ खीजी ठिक निसाफ लम्।