१ तिमोथी 3:11 - परमेश्‍वरए ताँ तमु क्युइर

¹¹ छलेन च्हमि-रिमैं या छ्याँबै बानि ब्योर मुँब, फ्रम् ताँ क्योंम् ताँ आलब, आछ्याँबै केमैं आलब, ताँनइ क्वेंब तल् त्‍हुम्।

१ तिमोथी 3:11 Iomraidhean Croise

भजनमैं 101:5

न्हों-न्हों ह्रोंसए ङ्‍हेब्मैंए ताँ लबै म्हिलाइ ङइ नास लब्मुँ। ह्रोंसन् ह्रब् सेब् प्हैंसि थेब् प्हैंबै म्हिलाइ ङ सैदिरिब् आरे।

भजनमैं 15:3

ह्रोंसए लेइ आगुलाइ आस्यारब ह्रोंसए ङ्‍हेब्मैंए न्होह्रों आलब, धै ह्रोंसए थुमैंए बारेर आछ्याँबै ताँ आपोंब,

भजनमैं 50:20

क्हि खोंयोंन् बिलै ह्रोंसए अलिए बिरोधर पोंम्; धै ह्रोंसए अलिलाइन क्हिइ स्यारम्।

हितोपदेश 10:18

सैं न्होंर आगुलाइ हेल लबै ताँ लोस्याँ क्हि स्योलिबै म्हि ग, धै आगुइ आब्रु ह्‍याबै ताँ लप्रबै म्हि आमादु ग।

हितोपदेश 25:13

बालि खैबै त्हेर ख्वालमा ङ्युँबै क्युइ खों सल् लब् धोंले भर लल् खाँबै सँउँसर बोबै म्हिइ चलाइ कुल्मिबै क्ल्हेमैंए सैं तोंल् लम्;

मत्ती 4:1

झाइले दुष्‍टउँइँले येशूए जाँच लबर परमेश्‍वरए पबित्र प्ल्हजी येशूलाइ क्यु आयोंबै क्ल्ह्‍योरि बोयाइ।

यूहन्‍ना 6:70

येशूजी चमैंने बिइ, “क्‍हेमैं च्युसे ङ्हिं ङइन त्‍हाँब, आङिं वा? दिलेया क्‍हेमैंए न्‍होंरि दुष्‍ट धों तबै म्हि घ्रि मुँ।”

रोमी 1:29

छतसि चमैं ताँन् खालर्बै आछ्याँबै के, दुष्‍ट के, लोब लब, ह्रिस लब, सैं आसब, आगुए न्होह्रों तबै केमैं लब, म्हि सैब, प्होंगि मिब, आगुए के न्होंवाब, फ्रम् ताँ लब,

१ तिमोथी 1:12

खीए के लबर ङलाइ भों पिबै येशू ख्रीष्‍ट ङ्योए प्रभुलाइ ङ धन्‍यबाद पिंम्, तलेबिस्याँ ङए फिर बिश्‍वास म्हाँदिसि खीए सेवा लबर खीजी ङलाइ त्हाँइ।

१ तिमोथी 3:2

छतसि बिश्‍वासीमैं न्होंर्बै चिब तोइ छ्याब् आरेब, प्ह्रेंस्यो घ्रि मत्‍त्रे मुँब, आछ्याँबै सैमैंउँइँले जोगेल् खाँब, ताँनने क्ह्रिल् खाँब, ताँनइ क्वेंब, प्ह्रेंमैं मान लल् ह्रब, झाइले म्हिमैं छेनाले लोमिंल् खाँब,

१ तिमोथी 6:2

प्रभुए फिर बिश्‍वास लब्मैं ताँन् घ्रिन् ग बिब् मैंसि केब्छैं केब्स्योमैंइ बिश्‍वास लबै क्ल्हे म्हि आच्हिन् आलरिगे, झन् चमैंइ ह्रोंसए क्ल्हेलाइ बेल्‍ले मान लल् त्हुम्। तलेबिस्याँ चमैंइ के लमा खेंमैंए खोबै बिश्‍वासी अलिलाइन फायदा तम् बिसि केब्छैं केब्स्योमैंलाइ छेनाले लोमिंन्।

२ तिमोथी 3:3

धै खाब्ने खैबै म्हाँया लल् त्हुमु छ आलब, आगुए फिर ल्‍हयो आखब, अरूए फिर तोनतोर्न छ्याब् ल्‍हैदिब, आमादु, सैं सार तसि छ्याँबै ताँ आखोब।

२ तिमोथी 4:5

क्‍हि बिस्याँ दुःख तलेया सैं तोंबै ताँमैं बिप्रबै के लब आपिद्। धै खैतबै दुःख तलेया सैदिद्, छले परमेश्‍वरउँइँले खबै सैं तोंबै ताँ बिप्रदै खीए के छेनाले लद्।

तीतस 2:3

छलेन माँब्‍मैंने या “छ्याँबै सैं प्‍ह्‍याल् त्‍हुम्, फ्रोम् ताँ क्योम् ताँ लब आत, प्हा ल्‍हें थुँब आत। बरु अरूलाइ छ्याँबै ताँमैं लोमिंल् त्‍हुम्,” बिद्।

तीतस 3:2

चमैंइ खाबै बारेरै या आछ्याँबै ताँ आपोंरिगे, प्होंगि आलरिगे, च्योंने तसि ताँन् म्‍हिने क्‍ह्रिसि छ्याँबै ब्यबार लरिगे।

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।