१ तिमोथी 3:1 - परमेश्‍वरए ताँ तमु क्युइर

¹ थेद्, चु क्वेंल् त्‍हुबै ताँ ग: खाबज्यै चिब तसि के लबै सैं लस्‍याँ चइ छ्याँबै के लबै सैं लम्।

१ तिमोथी 3:1 Iomraidhean Croise

हितोपदेश 11:30

ठिक के लबै म्हिइ छ्याँबै छ्ह थोब्मुँ, धै म्हिमैंलाइ छ्याँबै घ्याँर डोरेल् खाँबै म्हि बुद्धि मुँब् ग।

लूका 15:10

ङ कहेमैंने बिमुँ, च धोंलेन् दुष्‍ट के पिसि खी ङाँइ सैं एसि छ्याँबै घ्‍याँर प्रबै म्‍हि घ्रि म्रोंसि परमेश्‍वरए स्‍वर्गदूतमैं बेल्‍ले सैं तोंम्।”

चेला चिब्मैंए केमैं 1:20

धबै पत्रुसइ बिइ, “भजनसंग्रह बिबै कितबर छले प्‍ह्रिइमुँ, ‘चए धिं क्होत्‍तेन् तरिगे, धै चर टिब्मैं खाबइ आयोंरिगे।’ छलेन ‘चइ लबै केए जिम्मा आगुइ योंरिगे।’

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

रोमी 11:13

ङइ चु ताँमैं क्‍हेमैं अरू ह्रेंमैंलाइ बिमुँ: अरू ह्रेंर्बै म्‍हिमैंए ल्हागिर ङ कुल्मिंबै चेला चिब तबइले क्हेमैंए ल्हागिर के लल् योंमा ङ सैं तोंइमुँ।

एफिसी 4:12

ख्रीष्‍टए ज्यु बडिबै ल्हागिर परमेश्‍वरए ताँन् म्‍हिमैंइ खीए के लरिगे बिसि ख्रीष्‍टजी छाबै बरदानमैं पिंइ।

फिलिप्पी 1:1

ङि ख्रीष्‍ट येशूए केब्छैंमैं पावल नेरो तिमोथीउँइँले फिलिप्‍पी सहरर्बै बिश्‍वासीमैं नेरो छैं लबै चिबनाँब्मैं धै ल्होमिंबै डिकनमैंलाइ जय मसीह मुँ। क्हेमैं ख्रीष्‍ट येशूने घ्रिन् तसि टिब्मैं ग।

१ थेसलोनिकी 5:14

ओ अलि-अङाँमैं, ङि क्हेमैंलाइ अर्थि पिंमुँ: प्ल्हेउमैंलाइ हौदिद, सैं च्योंब्मैंलाइ सैं भोंब लमिंन्, आखाँब्मैंलाइ ल्होमिंन्, ताँन् म्हिमैंने ह्रिस आखनले सैदिद्।

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।

१ तिमोथी 4:9

चु ताँ क्‍ह्रोंसेंन्लेन् क्वेंल् त्हुब नेरो म्हाँदिल् त्हुब मुँ:

२ तिमोथी 2:11

चु ताँनइ क्वेंल् त्हुबै ताँ ग: “ङ्यो खीने बालुन् सिइमुँ बिस्‍याँ खीने बालुन् सोगों तसि रेब्मुँ।

तीतस 1:7

तलेबिस्याँ परमेश्‍वरए के लल् त्हुबै म्‍हि तबइले च छ्याब् आरेब तल् त्‍हुम्। च सैं सारो नेरो युनन् ह्रिस खब, प्हा थुँब, प्‍होंगि मिब, मारा-मुइए लोब लल् आत।

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।

हिब्रू 12:15

परमेश्‍वरए दयाम्हाँया आयोंब खाबै आतरिगे बिसि न्ह क्रों मि क्रों तद्। आक्ह्रिबै लमा क्हेमैंए न्होंरि फ्रेब् प्ह्राब् आतरिगे। आस्याँ ल्हें म्हिमैं पापर च्होयाब्मुँ।

१ पत्रुस 2:25

क्‍हेमैं क्युमैं धोंले घ्‍याँ फ्ल्येसि प्ररिल। दिलेया तारेम् क्हेमैंलाइ जोगेमिंबै प्ह्रोंछैं ङाँर क्हेमैं एखइमुँ।

१ पत्रुस 4:15

छतसि क्‍हेमैंए न्होंरि खाबज्यै या म्हि सैमैं, ह्‍‍योमैं आछ्याँबै के लब्मैं, आगुए केर ह्रब् प्हैंसि यो झोंल् म्हैब्मैंइ धोंले दुःख योंल् आत्हुरिगे।

१ पत्रुस 5:2

परमेश्‍वरजी क्‍हेमैंए जिम्‍मार थेंबै बगालए छैं छेनाले लद्। करइ आङिं, ह्रोंसए सैंइन म्रोंसि लद्। मुइए लोबै आङिं, चु ङइ लल् त्हुबै ङए जिम्‍मार्बै के ग बिब् मैंसि लद्।