१ तिमोथी 2:5 - परमेश्‍वरए ताँ तमु क्युइर

⁵ तलेबिस्याँ परमेश्‍वर घ्रि मत्‍त्रेन् मुँ, धै परमेश्‍वर ङाँर फेनबै घ्‍याँ या घ्रि मत्‍त्रे मुँ। च घ्‍याँ येशू ख्रीष्‍ट बिबै म्हि ग।

१ तिमोथी 2:5 Iomraidhean Croise

मत्ती 1:1

चु येशूए खलकर्बै ताँ ग। येशू खीए खे, दाऊद म्रुँए हाँगउँइँले फिब् ग। दाऊद स्‍योंम्‍बै खे अब्राहामए हाँगउँइँले फिब् ग। च हाँगर्बै खेमैंए मिं छाब् मुँल:

मत्ती 1:23

“ङ्ह्‍योद्! कन्ये घ्रिइ प्हसे नोसि च्ह घ्रि फिब्मुँ। धै म्हिमैंइ खीए मिं इम्मानुएल थेंब्मुँ” इम्मानुएल बिब परमेश्‍वर ङ्योने टिमुँ बिब् ग।

लूका 14:22

“के लबै म्हि एखसि बिइ, ‘ओ चिब, क्‍हिइ हुइ पउ बिबै म्‍हिमैं ङइ हुइ पखइ। दिलेया भत्‍यारर टिबै क्‍ल्‍ह्‍यो अझै मुँ।’

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 17:3

म्हिमैंइ क्हि घ्रि मत्‍त्रे क्ह्रोंसेंन्बै परमेश्‍वरलाइ ङो सेब नेरो क्हिजी कुल्मिंबै येशू ख्रीष्‍टलाइ ङो सेबन् खोंयोंइ आखाँबै छ्ह ग।

चेला चिब्मैंए केमैं 4:12

अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

रोमी 1:3

चु सैं तोंबै ताँ खीए च्‍ह येशू ख्रीष्‍टए बारेर ग। खी म्हि तसि स्‍योंम्‍बै दाऊद म्रुँए खलकर फिइ।

रोमी 10:12

तलेबिस्याँ यहूदी नेरो अरू ह्रेंमैंए न्‍होंरि खाबै या स्यो आरे। घ्रि मत्‍त्रेन् परमेश्‍वर ताँनए प्रभु ग। खीने प्राथना लब्‍मैं ताँनए फिर खीजी आशिक पिंम्।

१ कोरिन्थी 8:4

छतसि कुर चडेबै सै चल् तम् उ आत बिबै ताँ ङ्योइ सेइमुँ, “परमेश्‍वर घ्रि मत्‍त्रे मुँ, कु परमेश्‍वर आङिं।” कु म्हिए योइ बनेबै सै मत्‍त्रे ग।

१ कोरिन्थी 8:6

ङ्योए ल्हागिरि घ्रि मत्‍त्रे परमेश्‍वर आबा मुँ। खीजीन् तोन्दोंरि सै बनेइ, छतसि खीए ल्हागिर्न ङ्यो सोम्। धबै ङ्योए ल्हागिरि प्रभु घ्रि मत्‍त्रे मुँ, खी येशू ख्रीष्‍ट ग। खीउँइँलेन् ताँन् सैमैं तखइ, धै खीउँइँलेन् ङ्यो सोल् योंम्।

गलाती 3:20

क्ह्रिमिंबै म्हि तबै ल्हागिर बाछा लबै टोलि ङ्हिं तल् त्हुम्, दिलेया परमेश्‍वर घ्रिन् मुँ। (क्ह्रिमिंबै म्हि आरेलै खीजी आब्रहामने बाछा फैइ)।

एफिसी 4:6

ताँन् म्हिमैंए परमेश्‍वर आबा घ्रिन् मुँ। खीन् ताँनए प्रभु ग, खीजीन् ताँन् म्हिमैंउँइँले के लम्, खी ताँन् म्‍हिमैंए सैं न्‍होंरि मुँ।

१ तिमोथी 6:13

ताँन् सैमैंए छ्ह पिंबै परमेश्‍वर नेरो पन्‍तियस पिलातसए ओंसों छ्याँबै ग्वाइ पिंबै प्रभु येशू ख्रीष्‍टए उँइँर ङ क्हिने चु ताँ बिमुँ:

हिब्रू 12:24

छलेन क्हेमैं नेरो परमेश्‍वरए म्हाँजोर छारा बाछा फैमिंबै येशू ङाँर नेरो खीए पबित्र लमिंबै कोए ङाँर खइमुँ। येशूए कोजी हाबिलए कोइ भन्दा अझै छ्याँबै ताँ पोंम्।

हिब्रू 7:25

छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।

हिब्रू 8:6

दिलेया च ओंसों फैबै बाछा भन्दा प्रभु येशूजी म्‍हिमैंए ल्हागिर लमिंबै बाछा झन् थेब मुँ। छतसि परमेश्‍वर नेरो म्‍हिमैं न्होंरि येशूजी लमिंबै बाछा ओंसोंबै बाछा भन्दा छ्याँब मुँ। छलेन स्‍योंम्‍बै खेगिमैंइ भन्दा येशूजी झन् बेल्‍ले थेबै के लइमुँ।

हिब्रू 9:15

छतसि ख्रीष्‍टजी छारा बाछा लमिंबइले परमेश्‍वरजी त्‍हाँबै म्‍हिमैंइ खीजी फैबै बाछार्बै खोंयोंन् बिलै तरिबै आशिक योंल् खाँम्। तलेबिस्याँ ओंसोंबै बाछाए न्‍होंर टिमा चमैंइ पाप लइ, दिलेया चमैंए पापए ल्हागिर ख्रीष्‍ट सिमिंसि चमैंलाइ जोगेमिंइमुँ।

१ यूहन्‍ना 2:1

ओ ङए कोलोमैं, क्‍हेमैंइ पाप आलरिगे बिसि ङइ चु प्ह्रिछ्या प्‍ह्रिरिइमुँ। दिलेया खाबज्‍यै या पाप लइबिस्‍याँ ङ्योए ल्हागिर परमेश्‍वर आबाने क्षमा ह्रिमिंबै येशू ख्रीष्‍ट मुँ। खीजी ठिक के लम्।

दर्शन 1:13

च पानसए म्हाँजोर म्‍हिए च्ह धों ब्योंबै म्हि घ्रि म्रोंइ। खीजी प्‍हले समान् युल्‍ले क्‍वें खिल, धै खीए तिंरै या माराए फित्ता मुँल।