१ तिमोथी 2:1 - परमेश्‍वरए ताँ तमु क्युइर

¹ ताँन् भन्दा ओंसों ङइ क्हिने बिल् त्हुबै ताँ, ताँन् म्‍हिमैंए ल्हागिर छ्याँबै खोंउँइँले परमेश्‍वरने प्राथना लसि चमैंए फिर आशिक ह्रिंमिंन्। धै चमैंइ लबै केए ल्हागिरि परमेश्‍वरलाइ धन्‍यबाद पिंन्।

१ तिमोथी 2:1 Iomraidhean Croise

भजनमैं 72:19

खीए थेबै मिं खोंयोंन बिलै क्वेरिगे; पृथ्बी तिगोंन् म्हिमैंइ खीए थेबै के म्रोंरिगे! आमेन नेरो आमेन!

चेला चिब्मैंए केमैं 17:30

छतसि म्हिमैंइ ओंसोंन् परमेश्‍वर ङो आसेमा लबै केमैं खीजी वास्ता आल। तारे परमेश्‍वरजी ताँन् क्ल्ह्‍योर्बै म्हिमैंइ ह्रों-ह्रोंसइ लबै पाप केमैं पिसि परमेश्‍वरउँइँ सैं एद् बिसि बिइमुँ।

रोमी 1:8

ओंसों बिल् त्हुबै ताँ, येशू ख्रीष्‍टए फिर क्‍हेमैंइ बिश्‍वास लइमुँ बिबै छ्याँबै ताँमैंए बयन ह्‍युल तिगोंन् थेनेइमुँ। छतसि क्‍हेमैं ताँनए ल्हागिर येशू ख्रीष्‍टउँइँले ङए परमेश्‍वरलाइ धन्‍यबाद पिंम्।

रोमी 6:17

ओंसों क्‍हेमैं पापए केब्छैं मुँल, दिलेया तोगो क्‍हेमैंए सैं न्होंउँइँले परमेश्‍वरजी बिबै ताँ ङिंब्मैं तइमुँ। छतसि परमेश्‍वरलाइ धन्‍यबाद तरिगे।

१ कोरिन्थी 15:3

तलेबिस्याँ ङइ योंबै ताँन् भन्दा थेबै सै ङइ क्‍हेमैंलाइ पिंइमुँ। च थेबै सै चुन् ग: परमेश्‍वरए छ्वेर प्‍ह्रिब् धोंले ङ्योए पाप त्होमिंबै ल्हागिर येशू ख्रीष्‍ट सिमिंइ।

२ कोरिन्थी 8:6

छतसि चु भेटि रेबै केर तीतसइ क्हेमैंलाइ ल्होरिगे धै क्हेमैंज्यै च छ्याँबै के पूरा लल् खाँरिगे बिसि ङइ चने यो छ्युँ लइमुँ। तलेबिस्याँ ओंसों ओंनोंन् तीतसइ छाबै के लसेन्मुँ।

एफिसी 3:13

छतसि ङ क्‍हेमैंने यो छ्युँ लमुँ, क्हेमैंए ल्हागिर ङइ दुःख नोब् म्रोंसि क्‍हेमैं सैं च्योंब् आलद्, तलेबिस्याँ ङइ दुःख नोबइले क्‍हेमैंल फायदा तइमुँ।

एफिसी 5:20

झाइले खोंयोंन् बिलै तोन्दोंरि सैए ल्हागिर प्रभु येशू ख्रीष्‍टए मिंर परमेश्‍वर आबालाइ धन्‍यबाद पिंन्।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

फिलिप्पी 1:3

क्हेमैंए साँ खब्रें लमा खोंयोंन् बिलै ङए परमेश्‍वरलाइ ङइ धन्‍यबाद पिंम्।

फिलिप्पी 4:6

छतसि तोइ ताँरै या न्हुँ आलद्, बरु तो चैदिले या ताँन् सैए ल्हागिर परमेश्‍वरलाइ धन्यबाद पिंसि प्राथनार ह्रोंस चैदिबै सैमैं ह्रिद्।

१ थेसलोनिकी 3:12

धै ङिइ क्‍हेमैंने म्हाँया लब् धोंले प्रभुजी क्‍हेमैंलाइ घ्रिइ घ्रिने नेरो अरू ताँन् म्‍हिमैंने सब् लमिंबै म्हाँया प्लिंदै बडिमिंरिगे।

२ थेसलोनिकी 1:3

ओ अलि-अङाँमैं, क्‍हेमैंए ल्हागिर ङिइ परमेश्‍वरलाइ खोंयोंन् बिलै धन्‍यबाद पिंलन् त्‍हुम्। छ लब ठिक मुँ, तलेबिस्याँ क्हेमैंइ लबै प्रभु येशूए फिर्बै बिश्‍वास बडिसि ह्रों-ह्रोंसए न्होंरै या घ्रिइ घ्रिने झन् ल्हें म्हाँया लरिइमुँ।

१ तिमोथी 2:4

तलेबिस्याँ ताँन् म्हिमैंइ मुक्‍ति योंरिगे धै चमैंइ क्ह्रोंसेंन्बै ताँ था सेरिगे बिब खीए सैं मुँ।

१ तिमोथी 5:5

दिलेया खाबै आरेबै म्हरेस्योमैंइ परमेश्‍वरर मत्‍त्रे आशा थेंम्, धै खीलाइ ल्होमिंन् बिसि त्‍हिंयाँ म्‍हुँइँस परमेश्‍वरने प्राथना लरिम्।

२ तिमोथी 2:24

प्रभुए सेवा लबै म्‍हि प्‍होंगि लब आत, बरु ताँन् म्हिमैंए फिर ल्हयो लब, छेनाले लोमिंल् खाँब, ह्रिस आखल्‍ले लोदा सैंदा लल् खाँब तल् त्हुम्।

तीतस 2:11

तलेबिस्याँ ताँन् म्‍हिमैं जोगेमिंबै ल्हागिर परमेश्‍वरजी खीए दयाम्हाँया उँइँमिंइमुँ।

तीतस 3:2

चमैंइ खाबै बारेरै या आछ्याँबै ताँ आपोंरिगे, प्होंगि आलरिगे, च्योंने तसि ताँन् म्‍हिने क्‍ह्रिसि छ्याँबै ब्यबार लरिगे।

हिब्रू 6:11

क्‍हेमैं ताँनइ ह्रोंसइ थेंबै आशा योंबै ल्हागिर लिउँइँ समा छलेन् छ्याँबै के लरिब्मुँ बिब ङिइ मैंमुँ।

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।