१ तिमोथी 1:9 - परमेश्‍वरए ताँ तमु क्युइर

⁹ मोशाइ च ठिममैं छ्याँबै के लब्‍मैंए ल्हागिर आपिं, ठिम आङिंब्मैं नेरो आछ्याँबै के लप्रब्मैंए ल्हागिर पिंइ बिसि क्हेमैंइ क्होल् त्हुम्। आबा आमा सैब्मैं, परमेश्‍वरलाइ आम्हाँदिब्मैं, आबा-आमा सैब्मैं, म्हि सैब्मैं,

१ तिमोथी 1:9 Iomraidhean Croise

प्रस्थान 20:13

“म्हि आसैद्।

प्रस्थान 21:14

दिलेया म्हि ह्रिस खसि दाउ ङ्‍ह्‍योसि म्हिलाइ सैइ बिस्याँ, छाबै म्हिलाइ सैबर बोयाद्, ङए ख्रो पिंबै क्ल्ह्‍योर ह्‍यसि टिलेया सैबर बोयाद्।

हितोपदेश 20:20

ह्रोंसए आबा आमाए फिर सराप झोंस्याँ क्हिए बत्ति मिछु खैबै त्हेर सैवाब्मुँ।

हितोपदेश 28:17

म्हि सैए सैं खोंयोंइ छिं आङ्हाँ; छतसि चए छ्ह तिगोंन् च खैता-खैता तप्रम्; दिलेया खाबज्यै चलाइ आल्होरिगे, चए ख खाबज्यै आलरिगे।

हितोपदेश 28:24

ह्रोंसए आबा-आमाए मुइ लुडिसेया “ङइ गल्ति आलइमुँ!” बिबै म्हि नास लबै म्हिए थु ग।

हितोपदेश 30:11

कोइ म्हिमैंइ ह्रोंसए आबालाइ सराप झोंम्, धै आमाए छ्याँबै बयन आल।

हितोपदेश 30:17

ह्रोंसए आबालाइ प्ह्रब नेरो आमालाइ म्हि आच्हिबै म्हिए मि ब्याँसिर्बै कगामैंइ चोब्मुँ, धै क्व्रेमैंइ चवाब्मुँ।

मत्ती 10:21

“ह्रों-ह्रोंसए त्येमैं न्होंर्न घ्रिइ-घ्रि सैबर पिंवाब्मुँ। छलेन आबाइ च्‍ह-च्हमिमैं सैबर पिंवाब्मुँ, धै च्‍ह-च्हमिंमैंइ आबा-आमामैंए बिरोधर रेसि सैबर ल्हैदिब्मुँ।

रोमी 1:30

आगुलाइ स्यारब, परमेश्‍वरलाइ आम्हाँदिब, खाबलाज्यै या म्‍हि आलब, थेब् प्‍हैंब, पाप केमैं लदै प्रब, आबा-आमाइ बिबै ताँ आङिंब,

रोमी 4:13

अब्राहाम नेरो चए सन्तान ह्‍युलर्बै हकवालामैं तम् बिसि परमेश्‍वरजी फैबै बाछा अब्राहामइ ठिमर बिब् धोंले लसि बाछा फैब् आङिं, परमेश्‍वरए फिर बिश्‍वास लसि ठिक ठर्दिबइले परमेश्‍वरजी च नेरो चए सन्‍तानने चु बाछा फैइ।

रोमी 5:20

पाप कति ल्हें लइ बिब् सेरिगे बिसि परमेश्‍वरजी ठिम पिंइ। खैले पाप ल्हें ततै ह्‍याइ, छलेन परमेश्‍वरए दयाम्हाँया झन् ल्हें ततै ह्‍याइ।

रोमी 6:14

तारे क्‍हेमैंए फिर पापइ तोइ लल् खाँरिब् आरे, तलेबिस्याँ क्‍हेमैं ठिमए न्होंर आरे, परमेश्‍वरए दयाम्हाँयाए न्‍होंर मुँ।

गलाती 3:19

छ बिस्‍याँ ठिम तले चैदिइ? तलेबिस्याँ अब्राहामए सन्‍तान न्होंर्बै बाछा योंबै म्‍हि ख्रीष्‍ट आयुन् समा आछ्याँबै केमैं तो जा बिसि उँइँबै ल्हागिर ठिम चैदिल। च ठिम स्‍वर्गदूतमैंउँइँले योंइ धै म्हिमैंलाइ स्‍वर्गदूतमैंने क्ह्रिमिंबै ल्हागिर मोशाइ च ठिम स्‍वर्गदूतमैंए योउँइँले किंसि म्हिमैंलाइ पिंइ।

गलाती 5:18

दिलेया पबित्र प्ल्हजी बिब् धोंले क्‍हेमैं प्रइ बिस्याँ क्‍हेमैं ठिमए न्होंर टिल् आत्‍हु।

गलाती 5:21

आगुए सैमैं म्रोंसि ह्रिस लब, प्हा ल्‍हें थुँब, सयल लप्रब, छाबै केमैं ताँन् आछ्याँबै सैंउँइँले खबै केमैं ग। ङइ क्‍हेमैंलाइ ओंसोंन् लोदा सैंदा लब् धोंले तोगो या बिम्: छाबै केमैं लप्रब्मैं, परमेश्‍वरए ग्याल्सर्बै हगवाला तरिब् आरे।

गलाती 5:23

कुरल् खाँब, आछ्याँबै केमैं आल बिसि सैं फैल् खाँब। चु ताँन् पबित्र प्ल्हए रोमैं ग। छाबै रोमैं मुँबै म्हिमैंए ल्हागिर ठिम आचैदि।

२ थेसलोनिकी 2:8

लिउँइँ परमेश्‍वरजी पिवासि च दुष्‍ट शत्‍त्रु त्‍होंब्मुँ, दिलेया प्रभु येशू युबै त्हेर्बै चारबै ह्‍वे नेरो खीए सुँउँइँले त्होंबै सोइ चलाइ नास लवाब्‍मुँ।

१ तिमोथी 4:7

छतसि केर आफेबै स्‍योलिबै ताँमैंउँइँले स्‍योले टिद्। बरु परमेश्‍वरए केर फेबै म्हि तबर भों लद्।

१ तिमोथी 6:20

ओ तिमोथी, ङइ क्हिने बिबै ताँमैं छेनाले सैंर मैंथेंन्। कोइ म्हिमैं बुद्धि मुँब प्‍हैंसि आछ्याँबै स्योलिबै ताँ लम्, धै फाक्‍कर्न प्होंगि मिम्। छाबै ताँउँइँले स्‍यो तद्।

२ तिमोथी 2:16

केर आफेबै ताँमैं आपोंन्, छाबै ताँमैंइ म्‍हिमैं परमेश्‍वरउँइँले ह्रेंगो लवाम्।

२ तिमोथी 3:2

च त्हेर म्हिमैंइ ह्रोंसलाइ मत्‍त्रे म्हाँया लब, मुइए लोब लब, ह्रोंसन् थेब् प्‍हैंब, सैं सार तब, अरूलाइ म्हि आलल्‍ले पोंब, आबा-आमाइ बिब आङिंब, खाबइ तो सै पिंलेया धन्यबाद आपिंब धै परमेश्‍वर आम्हाँदिब गुन् आरेब अपबित्र तब्‍मुँ।

तीतस 1:10

तलेबिस्याँ ल्‍हें म्‍हिमैं आगुए न्होंर टिदा आङ्हाँब, केर आफेबै ताँमैं ल्हें लब धै स्योर तेब्मैं तम्। चु छाबै केमैं ज्युर चिनु लब्मैंइ झन् ल्हें लम्।

तीतस 1:16

चमैंइ परमेश्‍वर ङो सेइमुँ बिम्, दिलेया चमैंइ परमेश्‍वरजी आखोबै केमैं लम्, तलेबिस्याँ चमैंइ छेरन् तबै बानि प्ह्‍याब्मैं, परमेश्‍वरजी बिब आङिंब्मैं, झाइले छ्याँबै केए ल्हागिर तोइ केरै आफेब्मैं तम्।

तीतस 1:6

क्हिइ त्हाँबै चिब्मैं तोइ छ्याब् आरेब, प्ह्रेंस्यो घ्रि मत्‍त्रे मुँब तल् त्‍हुम्। चए प्‍हसेमैं या बिश्‍वासीमैं मुँल् त्‍हुम्, चमैं बिब् आङिंब, आछ्याँबै बानि ब्योर मुँब आत।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

हिब्रू 11:31

परमेश्‍वरजी बिबै ताँ आङिंबै यरिहो सहरर्बै म्हिमैंलाइ खीजी नास लमा बिश्‍वासउँइँलेन् फ्यालुस्यो राहाब नास आत, तलेबिस्याँ छैं लबर ह्‍याबै इस्राएलीमैंलाइ मान लसि चइ टिल् पिंल।

हिब्रू 12:16

खाबज्यै या आछ्याँबै केमैं आलरिगे धै स्‍योंम्‍बै एसाव धोंबै परमेश्‍वर आम्हैब आतरिगे। चइ तिछोए ल्हागिर ह्रोंसइ योंल् त्हुबै च्ह थेबाए हग त्हेवाइ।

१ पत्रुस 2:7

छतसि क्हेमैं बिश्‍वास लब्मैंए ल्हागिर च युमाँ बेल्‍ले थेब सै लसे लल् आखाँब मुँ, दिलेया बिश्‍वास आलब्मैंए ल्हागिर बिस्याँ, “धिं बनेब्मैंइ केर आफे बिसि भ्योंवाबै युँमान् तेंर्बै क्र युँमा तइ।”

१ पत्रुस 3:20

चमैं स्‍योंम्‍बै नोआ बिबै म्‍हिए पलोर्बै म्‍हिमैं मुँल। नोआइ क्यु झाज बनेरिमा परमेश्‍वरजी बिबै ताँ चमैंइ ङिंम् उ आङिं बिसि परमेश्‍वरजी पैंरिल। दिलेया क्यु झाजर क्रेबै म्हि प्रे मत्‍त्रे थेबै नाँ बाडिउँइँले जोगेमिंइ, अरू ताँन् सियाइ।

१ पत्रुस 4:18

परमेश्‍वरए छ्वेर छले प्ह्रिइमुँ: “ठिक के लब्मैंन् जोगेब गारो मुँ बिस्याँ परमेश्‍वरलाइ आम्‍हाँदिबै पाप लब्‍मैंए गति झन् खै तलै?”

यहूदाइ प्‍ह्रिबै प्ह्रिछ्या 1:15

ताँन् म्‍हिए निसाफ लबर युब्‍मुँ। चमैंइ खीलाइ आम्हाँदिल्‍ले आछ्याँबै केमैं लइ, धै खीलाइ आम्हाँदिब्मैंइ खीए बिरोधर आछ्याँबै ताँ पोंइ, छतसि चमैंलाइ निसाफ लसि दण्ड पिंबर खी युब्मुँ।”

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”

दर्शन 22:15

दिलेया सहरए बैरु बिस्याँ आछ्याँबै सैं प्ह्‍याब्मैं: फाफुइ लब्मैं, ब्यभिचार लब्मैं, म्हि सैब्मैं, कु फ्योब्‍मैं, स्‍योलिबै ताँ पोंब्‍मैं नेरो स्‍योलिबै के लब्मैं तम्।